पहिल्यांदा गाडी घेणे म्हणजे किती कष्टाचे काम आहे हे मागच्या काही महिन्यापासून अनुभवतोय. सुरुवातीला 7 सीटर गाडीला माझी पहिली पसंती होती कारण फॅमिली मोठी आहे. पण 7 सीटर मध्ये माझ्या बजेट( 15 लाख) मध्ये हवी तशी गाडी भेटेना. हवी तशी म्हणजे 5 स्टार रेटिंग वाली सेफ कार एकही उपलब्ध नाही. Ertiga ची 1 स्टार रेटिंग बघून ती कधीच लिस्ट मधून बाहेर गेलेली. Kia Carens पाहिली पण तिला 3 स्टार रेटिंग पाहून मन नको म्हणलं. मग पाहुणे, मित्र, सहकारी यांनी सल्ले दिले की फॅमिली मधले सगळे 7 लोक एकाच वेळी कुठे फिरणार आहात? सुट्ट्या भेटतात का आपल्याला एवढ्या? त्यापेक्षा 5 सीटर घ्या. 5 सीटर मध्ये भरपूर ऑप्शन आहेत. ऐकावे जनाचे आणि करावे जनाच्या मनाचे हे सूत्र मी अंगिकारत असल्याने मी 5 सीटर पहायला सुरुवात केली. सगळ्यात पहिला नारळ फोडला तो टाटा Nexon समोर. गाडी आवडली पण नंतर समजल की 5 सीटर मध्ये पण कॉम्पॅक्ट suv आणि mid size suv असे प्रकार असतात. म्हणजे यात पण बारक्या आणि मोठ्या गाड्या..!! बसणार तर 5 लोक पण ते पाय पसरून निवांत बसणार की एकमेकांना खेटून दाटीवाटीने बसणार हे तुमचं कॉम्पॅक्ट आणि mid size ठरवत.. नेक्सॉन मध्ये पाठीमागच दिसणारा कॅमेरा असतो का असा मुर्खासारखा प्रश्न केल्याने अजून दुसरा प्रश्न नको विचारायला म्हणून हळूच गुगल वर nexon कोणत्या प्रकारची गाडी आहे हे सर्च केलं तर समजल की ती कॉम्पॅक्ट suv आहे.. झालं एवढ कारण होत nexon पासून पळून जायला.. Nexon च्या शेजारी थाटात एक रणगाड्या सारखी गाडी होती तिची चौकशी केल्यावर समजल की या रणगाड्याचे नाव टाटा सफारी आहे. आणि हा रणगाडा 21 लाखात येतो. किंमत बघून त्याला पण टाटा केलं. त्याच्या शेजारी Harrier ऊभी होती. तिची किंमत पण 18 लाखांच्या आसपास होती. 5 सीटर असून हिचे एवढे काय नखरे आहे म्हणत तिला पण नकार दिला. शेवटी टाटा Sierra दिसली, आवडली आणि प्रेमात पण पडलो. BH पासिंग सहित ती 15 लाखांच्या आत पण येत होती. खूप प्रयत्नानंतर एक पोरगी पटल्याचा अनुभव आला. खुशीत ही गोष्ट मित्राला सांगितली जो कार expert आहे तर तो म्हणाला अरे भाई तीच मायलेज खूप कमी आहे. सिटी मध्ये 7 ते 8 आणि हायवे वर 12-14 एवढच आहे. तू गाडी घेतोय की खिशाला कात्री लावतोय.. त्यापेक्षा CNG or EV बघ बचत होईल थोडीफार.. मग मी ChatGPT वर माझी महिन्याची running आणि वापर सांगितला तर ChatGPT म्हणाल शहाणा असशील तर sierra घेऊ नको. CNG नाहीतर EV बघ. नुसता पेट्रोल घेशील तर महिन्याला 8 ते 10 हजार फक्त इंधन खर्च + मेंटेनस+ emi हे सगळ खिशाला परवडेल का? त्याला न लाजता नाही परवडणार असा रिप्लाय केला. आणि परत CNG+ petrol किंवा EV कार शोधू लागलो. ऑफिस मध्ये मुद्दाम एकाला म्हणालो EV गाड्या घेतल्या पाहिजेत पेट्रोल चे किती लफडे आहेत. यावर तो सेत्त म्हणत EV ला शिव्या देऊ लागला. चार्जर 50- 60 हजार चे येतो, चार्जिंग स्टेशन नाहीत, बॅटरी खराब होते असे बरेच निगेटिव्ह पॉईंट सांगितल्यावर मी पुन्हा ChatGPT कडे धाव घेत हा माणूस खरा बोलतोय का असे विचारल्यावर दुतोंडी ChatGPT ने EV ची बुराई करायला सुरवात केली. आता EV हा ऑप्शन पण गेलेला. आता राहिला CNG+ Petrol with 5 STAR रेटिंग आणि अशी गाडी भारतात तरी मला दिसली नाही. जर्मन गाड्या असो की कोरियाची kia असो की आपला महिंद्रा असो सगळ्यांना चांगल्या गाड्या पेट्रोल वर पळवायच्या आहेत. CNG द्यायला यांना काय रोग येतो म्हणत मी महिंद्रा शोरुम मध्ये गेलो. तिथं 3XO ही फिचर्स ने भरलेली आणि एकदम मजबूत असलेली कार फायनल करणारच होतो तर सेल्स पर्सन म्हणाला सर तुमचं बजेट 15 लाख आहे ना तर एक काम करा. 15 लाखात 7XO चे बेस मॉडेल घ्या. 15 लाखात 7 सीटर होऊन जाईल. आता हा नवीन भुंगा डोक्यात शिरल्याने परत 2 दिवसांपासून बेस मॉडेल चे फायदे तोटे यूट्यूब आणि इन्स्टाग्रामवर वर पाहत आहे. मोबाईल ओपन केला की गाड्या. झोपलो तरी गाड्या. आता डोक एवढ हँग झालं आहे की मला जिकडे तिकडे गाड्या दिसत आहेत. या 2 -3 महिन्यात गाड्यांचा एवढा अभ्यास झालाय की मी एखाद यूट्यूब चॅनेल सुरू करू शकतो... माझ्या डोक्याचा अजून भुगा करायचा असेल तर तुम्ही पण कमेंट्स मध्ये चांगली 7 सीटर सुचवू शकता...🥲👍🏻 Tata Motors Mahindra Scorpio Kia India ŠKODA #🎭Whatsapp status #1️⃣महाराष्ट्र अपडेट्स #🔴आजचे ताजे अपडेट्स📰 #😊Feeling happy