శ్రీ కాలభైరవాష్టకం ఈ అష్టకం రోజూ వింటే / చదివితే శత్రుభయం, గ్రహదోషాలు, నెగటివ్ ఎనర్జీ, అకాల మృత్యు భయం తొలగుతాయని శాస్త్రం. 1. దేవరాజ సేవ్యమాన పావనాంఘ్రి పంకజం వ్యాళయజ్ఞ సూత్రమిందు శేఖరం కృపాకరం నారదాది యోగిబృంద వందితం దిగంబరం కాశికాపురాధినాథ కాలభైరవం భజే అర్థం: దేవరాజైన ఇంద్రునిచే సేవించబడే పవిత్ర పాదపద్మాలు కలవాడు, సర్పాన్ని యజ్ఞోపవీతంగా ధరించినవాడు, చంద్రుని శిరస్సుపై ధరించినవాడు, దయామయుడు, నారదాది యోగులచే పూజించబడే దిగంబరుడైన కాశీ నగరానికి అధిపతి అయిన కాలభైరవుని నేను భజిస్తున్నాను. 2. భానుకోటి భాస్వరం భవాబ్ధి తారకం పరం నీలకంఠ మీప్సితార్థ దాయకం త్రిలోచనం కాలకాల మంబుజాక్ష మక్షశూల మక్షరం కాశికాపురాధినాథ కాలభైరవం భజే అర్థం: కోటి సూర్యుల కాంతితో ప్రకాశించేవాడు, సంసార సాగరాన్ని దాటించేవాడు, సర్వోత్కృష్టుడు, నీలకంఠుడు, కోరిన కోరికలు తీర్చేవాడు, మూడు కన్నులు కలవాడు, కాలానికే కాలమైనవాడు, పద్మముల వంటి కన్నులు కలవాడు, త్రిశూలం ధరించి, నాశనం లేనివాడైన కాశీనాథుడిని భజిస్తున్నాను. 3. శూలటంక పాశదండ పాణిమాది కారణం శ్యామకాయ మాదిదేవ మక్షరం నిరామయం భీమవిక్రమం ప్రభుం విచిత్ర తాండవ ప్రియం కాశికాపురాధినాథ కాలభైరవం భజే అర్థం: చేతిలో శూలం, టంకం, పాశం, దండం ధరించి, సృష్టికి మూలకారణమైనవాడు, నల్లని దేహం కలవాడు, ఆదిదేవుడు, అవినాశి, రోగాలు లేనివాడు, భయంకరమైన పరాక్రమం కలవాడు, విచిత్రమైన తాండవం అంటే ఇష్టపడే కాశీనాథుడిని భజిస్తున్నాను. 4. భుక్తి ముక్తి దాయకం ప్రశస్త చారు విగ్రహం భక్తవత్సలం స్థితం సమస్తలోక విగ్రహం వినిక్వణన్మనోజ్ఞ హేమ కింకిణీ లసత్కటిం కాశికాపురాధినాథ కాలభైరవం భజే అర్థం: భోగాన్ని, మోక్షాన్ని రెండింటినీ ఇచ్చేవాడు, మనోహరమైన రూపం కలవాడు, భక్తులపై వాత్సల్యం కలవాడు, సమస్త లోకాలకు ఆధారమైనవాడు, నడుమున మధురంగా మోగే బంగారు చిరుగంటలు కలవాడైన కాశీనాథుడిని భజిస్తున్నాను. 5. ధర్మసేతు పాలకం త్వధర్మ మార్గ నాశకం కర్మపాశ మోచకం సుశర్మ దాయకం విభుం స్వర్ణవర్ణ శేషపాశ శోభితాంగ మండలం కాశికాపురాధినాథ కాలభైరవం భజే అర్థం: ధర్మమనే వంతెనను కాపాడేవాడు, అధర్మ మార్గాన్ని నాశనం చేసేవాడు, కర్మ అనే తాళ్ల నుండి విడిపించేవాడు, శుభాన్ని ఇచ్చే ప్రభువు, బంగారు రంగులో మెరిసే సర్పరాజుచే శోభిల్లే శరీరం కలవాడైన కాశీనాథుడిని భజిస్తున్నాను. 6. రత్నపాదుకా ప్రభాభిరామ పాదయుగ్మకం నిత్యమద్వితీయ మిష్ట దైవతం నిరంజనం మృత్యుదర్ప నాశనం కరాలదంష్ట్ర మోక్షణం కాశికాపురాధినాథ కాలభైరవం భజే అర్థం: రత్నాల పాదుకల కాంతితో అందమైన పాదాలు కలవాడు, నిత్యుడు, అద్వితీయుడు, ఇష్టదైవం, మాయకు అతీతుడు, మృత్యువు యొక్క గర్వాన్ని అణచేవాడు, భయంకరమైన కోరలు కలిగి భక్తులకు మోక్షాన్ని ఇచ్చే కాశీనాథుడిని భజిస్తున్నాను. 7. అట్టహాస భిన్న పద్మజాండకోశ సంతతిం దృష్టిపాత నష్టపాప జాలముగ్ర శాసనం అష్టసిద్ధి దాయకం కపాలమాలికా ధరం కాశికాపురాధినాథ కాలభైరవం భజే అర్థం: తన వికటాట్టహాసంతో బ్రహ్మాండాల సమూహాన్ని బద్దలు కొట్టేవాడు, తన చూపుతోనే పాపాలను నశింపజేసేవాడు, కఠినమైన శాసనం కలవాడు, అష్టసిద్ధులను ఇచ్చేవాడు, పుర్రెల మాల ధరించిన కాశీనాథుడిని భజిస్తున్నాను. 8. భూతసంఘ నాయకం విశాలకీర్తి దాయకం కాశివాస లోక పుణ్యపాప శోధకం విభుం నీతిమార్గ కోవిదం పురాతనం జగత్పతిం కాశికాపురాధినాథ కాలభైరవం భజే అర్థం: భూతగణాలకు నాయకుడు, విశాలమైన కీర్తిని ఇచ్చేవాడు, కాశీలో నివసించే ప్రజల పుణ్యపాపాలను పరిశీలించే ప్రభువు, నీతిమార్గం తెలిసినవాడు, అతి పురాతనుడు, జగత్తుకు అధిపతి అయిన కాశీనాథుడిని భజిస్తున్నాను. ఫలశృతి: కాలభైరవాష్టకం పఠంతి యే మనోహరం జ్ఞానముక్తి సాధనం విచిత్ర పుణ్యవర్ధనం శోకమోహ దైన్య లోభ కోప తాప నాశనం తే ప్రయాంతి కాలభైరవాంఘ్రి సన్నిధిం ధ్రువం అర్థం: ఈ మనోహరమైన కాలభైరవాష్టకాన్ని ఎవరైతే చదువుతారో, వారికి జ్ఞానం, ముక్తి లభిస్తాయి, విచిత్రమైన పుణ్యం పెరుగుతుంది, శోకం, మోహం, దీనత్వం, లోభం, కోపం, తాపం నశిస్తాయి. వారు నిశ్చయంగా కాలభైరవుని పాద సన్నిధికి చేరుకుంటారు. , దీన్ని ప్రతి మంగళవారం, శనివారం రాత్రి 8 గంటల తర్వాత 11 సార్లు చదివితే చాలా పవర్ఫుల్ రిజల్ట్ ఉంటుంది. #"భక్తి సమాచారం" #🙏భక్తి స్పెషల్ #🙏🏻భక్తి కోట్స్📝 #🙏ఆధ్యాత్మిక జీవితం😇 #🙆 Feel Good Status