वुमेन्स आशिया कपमधील ग्रुप स्टेजच्या सामन्यात भारतीय महिला संघाच्या गोलंदाजांनी पाकिस्तानला अक्षरशः सळो की पळो करून सोडलं. पाकिस्तानचा संपूर्ण संघ अवघ्या 55 धावांत ऑलआऊट झाला. भारतीय गोलंदाजांसमोर पाकिस्तानी फलंदाजांचा डाव 18.1 षटकांतच संपुष्टात आला. श्री चरणीने 4 षटकांत केवळ 7 धावा देत तब्बल 3 विकेट्स घेतल्या, तर प्रेमा रावतने 4 षटकांत 9 धावा देत 3 विकेट्स पटकावल्या. दीप्ती शर्माने 3.1 षटकांत 5 धावा देत 2 विकेट्स घेतल्या. शफाली वर्मा आणि नंदिनी शर्मा यांनीही प्रत्येकी एक विकेट घेत पाकिस्तानच्या फलंदाजीची कंबर मोडली. पाकिस्तानकडून सर्वाधिक धावा शवाल जुल्फिकारच्या 14 आणि मुनीबा अलीच्या 13 धावा राहिल्या. तब्बल पाच पाकिस्तानी फलंदाजांना दुहेरी आकडाही गाठता आला नाही. भारतीय महिला संघाच्या या भन्नाट गोलंदाजीसमोर पाकिस्तानची अवस्था पाहता "55 धावांत ऑलआऊट!" हा स्कोअरच सगळं काही सांगून जातो! #🇮🇳भारतीय महिला टीम 👩 #🏆आशिया कप #महिला क्रिकेट #📣T20 अपडेट्स🏏 #🏏क्रिकेट