गणेश उत्सवाच्या पार्श्वभूमीवर शहरातील प्रत्येक प्रभागात ४० नवीन विद्युत दिवे बसविण्याच्या सूचना उपनगराध्यक्ष शेख अय्याज यांची मुख्याधिकाऱ्यांना सूचना; लवकरच पथदिवे बसविण्याचे काम सुरू होणार शहरात गणपती उत्सव तसेच आगामी मोठ्या सणांच्या पार्श्वभूमीवर नागरिकांची सुरक्षितता आणि शहरातील प्रकाश व्यवस्था अधिक सक्षम करण्यासाठी प्रत्येक प्रभागात ४० नवीन विद्युत दिवे बसविण्याच्या सूचना उपनगराध्यक्ष शेख अय्याज यांनी नगर परिषदेच्या मुख्याधिकाऱ्यांना दिल्या आहेत. उत्सवाच्या काळात शहरातील विविध भागांमध्ये नागरिकांची मोठी वर्दळ असते. त्यामुळे अंधाराची समस्या निर्माण होऊ नये आणि नागरिकांना सुरक्षित वातावरण मिळावे, यासाठी शहरातील प्रत्येक प्रभागात नवीन विद्युत दिवे बसविण्याचा निर्णय घेण्यात आला आहे. यासोबतच शहरातील ज्या भागांमध्ये पथदिव्यांची आवश्यकता आहे, त्या ठिकाणी काही दिवसांत पथदिवे बसविण्याचे काम नगर परिषदेकडून हाती घेण्यात येणार असल्याची माहिती उपनगराध्यक्ष शेख अय्याज यांनी दिली. गणपती उत्सव व आगामी सणांच्या पार्श्वभूमीवर शहराची प्रकाश व्यवस्था सुधारण्यासाठी नगर परिषद प्रशासनाने तातडीने कार्यवाही करावी, अशा सूचनाही त्यांनी दिल्या आहेत. या निर्णयामुळे शहरातील विविध प्रभागांमध्ये प्रकाश व्यवस्था सुधारून नागरिकांना मोठा दिलासा मिळणार आहे. #📝मराठवाडा अपडेट्स