പരിശുദ്ധ ദൈവമാതാവിന്റെ ജനനത്തിരുനാളിന് ഒരുക്കമായുള്ള എട്ടു നോയമ്പിന്റെ മൂന്നാം ദിവസം (3 സെപ്റ്റംബർ 3026) ചൊല്ലേണ്ട പ്രത്യേക ലുത്തിനിയയും മധ്യസ്ഥ പ്രാർത്ഥനയും. ✅ മൂന്നാം ദിവസത്തെ പ്രാർത്ഥന :- "ഈശോയുടെ പ്രിയ മാതാവായ പരിശുദ്ധ മറിയമേ, അങ്ങേ ദിവ്യകുമാരന്റെ ജനനത്തിലൂടെ ലോകത്തിന് പ്രത്യാശയും രക്ഷയും നൽകിയ അമ്മേ, നോയമ്പിന്റെ ഈ മൂന്നാം ദിനത്തിൽ ഞങ്ങൾ അങ്ങേ മധ്യസ്ഥത തേടുന്നു. ദൈവഹിതത്തിന് പൂർണ്ണമായി കീഴ്‌വഴങ്ങി ജീവിച്ച അങ്ങയെപ്പോലെ, ഞങ്ങളുടെ ജീവിതത്തിലും ദൈവത്തിന്റെ ഇഷ്ടം തിരിച്ചറിഞ്ഞ് ജീവിക്കാൻ ഞങ്ങളെ പഠിപ്പിക്കണമേ. കുടുംബജീവിതത്തിന്റെ വിശുദ്ധിയും അമ്മമാരുടെ സമഗ്രതയും കാത്തുസൂക്ഷിക്കാൻ ഞങ്ങളെ സഹായിക്കണമേ. കഷ്ടതകളിലും പ്രതിസന്ധികളിലും തളരാതെ, ദൈവത്തിലുള്ള അചഞ്ചലമായ വിശ്വാസത്തോടെ മുന്നേറാനുള്ള കൃപ അങ്ങേ തിരുക്കുമാരനിൽ നിന്ന് ഞങ്ങൾക്കായി വാങ്ങിത്തരേണമേ. ഞങ്ങളുടെ ഈ നോയമ്പും പ്രാർത്ഥനകളും കാഴ്ചവെയ്പ്പുകളും സ്വീകരിച്ച്, ഞങ്ങളുടെ നിയോഗങ്ങളിൽ ദൈവാനുഗ്രഹം ചൊരിയേണമേ... ആമേൻ. ✅ മാതാവിനോടുള്ള മധ്യസ്ഥ പ്രാർത്ഥന (3 തവണ ചൊല്ലുക) പരിശുദ്ധ ദൈവമാതാവേ, ഞങ്ങൾക്ക് വേണ്ടി അപേക്ഷിക്കണമേ.... (3) അങ്ങേ തിരുക്കുമാരനായ ഈശോമിശിഹായുടെ വാഗ്ദാനങ്ങൾക്ക് ഞങ്ങൾ യോഗ്യരാകുവാൻ തന്നെ...(3) ✅ മൂന്നാം ദിവസത്തെ ധ്യാനചിന്ത:- വിഷയം: പരിശുദ്ധ മറിയം. ഈശോയുടെ അമ്മ (അമ്മത്വത്തിന്റെ സമഗ്രത). സന്ദേശം: എട്ടു നോയമ്പിന്റെ ചരിത്രമനുസരിച്ച്, ശത്രുക്കളുടെ പീഡനങ്ങളിൽ നിന്ന് രക്ഷനേടാൻ വിശ്വാസികൾ ദൈവാലയത്തിൽ ഒത്തുകൂടി പ്രാർത്ഥിച്ചതിന്റെ മൂന്നാം ദിവസം മുകളിൽ നിന്ന് ഒരു സ്വർണ്ണ പ്രകാശകിരണം മിന്നുകയും കഷ്ടതകൾ അവസാനിച്ചുവെന്ന മാതാവിന്റെ ദർശനമുണ്ടാകുകയും ചെയ്തു. ദൈവവിശ്വാസത്തിൽ ഉറച്ചുനിന്ന് പ്രാർത്ഥിച്ചാൽ ഏതൊരു കഷ്ടതയും മാറുമെന്നാണ് ഈ ദിവസം നമ്മെ ഓർമ്മിപ്പിക്കുന്നത്. ✅ ക്രമമായി ചൊല്ലേണ്ട മറ്റ് പ്രാർത്ഥനകൾ:- ഈ പ്രത്യേക പ്രാർത്ഥനയ്ക്ക് ഒപ്പം താഴെ പറയുന്നവയും ചൊല്ലി നോയമ്പ് പ്രാർത്ഥന പൂർത്തിയാക്കുക: 1) ത്രിത്വ സ്തുതി (പിതാവിനും പുത്രനും പരിശുദ്ധാത്മാവിനും സ്തുതി...) 2) സ്വർഗ്ഗസ്ഥനായ ഞങ്ങളുടെ പിതാവേ... 3) നന്മ നിറഞ്ഞ മറിയമേ... പരിശുദ്ധ മാതാവിന്റെ ലുത്തിനിയ. കടപ്പാട്: ബിനോജ് ബാബു #🌞 ഗുഡ് മോണിംഗ് #🙋‍♀️ എൻ്റെ സ്റ്റാറ്റസുകൾ #😇 ഇന്നത്തെ ചിന്താവിഷയം #💞 നിനക്കായ് #8 നോമ്പ്