*_ఓం శ్రీ గురుభ్యోనమః_* *_ఆదివారం ఆగస్టు 23 2026_* *_శ్రీ పరాభవ నామ సంవత్సరం_* *_దక్షిణాయనం వర్ష ఋతువు_* *_శ్రావణమాసం శుక్లపక్షమి_* *_తిథి: ఏకాదశి రా తె 03.36వరకు తదుపరి ద్వాదశి_* *_వారం:ఆదివారం (భానువాసరే)_* *_నక్షత్రం: మూల సా 06.25వరకు తదుపరి పూర్వాషాఢ_* *_యోగం:విష్కంభం ఉ 08.07వరకు తదుపరి ప్రీతి_* *_కరణం: వణిజ మ 02.35వరకు తదుపరి భద్ర రా తె 03.36వరకు ఆ తదుపరి బవ_* *_వర్జ్యం : సా 04.48-05.38వరకు._* *_దుర్ముహూర్తం:సా 04.48-05.38 వరకు_* *_అమృతకాలం: ఉ 11.19-01.05వరకు_* *_రాహుకాలం:సా 04.30-06.00_* *_యమగండం/కేతుకాలం: మ 12.00-01.30_* *_సూర్యరాశి: సింహం_* *_చంద్రరాశి: ధనుస్సు_* *_సూర్యోదయం: 05.46_* *_సూర్యాస్తమయం: 06.21_* *_ఓం నమో సూర్యనారాయణాయ_* *_సర్వేజనాః సుఖినో భవంతు సమస్త సన్మంగళాని భవతు ఓం శాంతి శాంతి శాంతిః_* *_శుభమస్తు సంతోషమస్తు_* #మన సంప్రదాయాలు సమాచారం

#మన సంప్రదాయాలు సమాచారం

#మన సంప్రదాయాలు సమాచారం

*_అత్యంత అరుదైన దర్శనం కోట్లజన్మల పుణ్యఫలం ఈ దర్శనం_ _శ్రీమహావిష్ణువు భూమిపై మొట్టమొదటిగా అడుగులు పెట్టిన పవిత్ర ప్రదేశం_* *_బద్రీనాథ్ లో ఉండే శ్రీమహావిష్ణువు మొట్టమొదటిగా పాదాలు పెట్టిన ప్రదేశాన్ని చరణ్పాదుక లేదా చరణ్ పాదుకా అంటారు. ఈ పాద ముద్రలు ఒక చిన్న గూడులో ఉంటాయి. అత్యంత రమణీయంగా ఉండే ప్రకృతి సౌందర్యం కలిగిన బద్రీనాథ్ అందమైన విష్ణువు యొక్క పాద ముద్రలను కలిగి ఉంది_* *_ఈ పాదముద్రల దర్శనం సందర్శకులను అన్ని సమస్యలు నుండి ఉపశమనం చేస్తుందని నమ్ముతారు_* *_పురాణాల ప్రకారం, విష్ణువు ఈ ప్రదేశంలో భూమిపై మొదటి అడుగు ఇక్కడే పెట్టారు. భగవత్ పురాణం, శ్రీ కృష్ణుడు తన మంత్రి ఉద్ధవ్ తన తప్పులను వదిలించుకోవడానికి తన చరణ్ పాదుకతో కలిసి బద్రీనాథ్ వెళ్ళమని సలహా ఇచ్చారని చెప్పారు_* *_చరణ్ పాదుకాను బద్రీనాథ్ ఆలయం నుండి 3 కిలోమీటర్ల నడక ద్వారా చేరుకోవచ్చు. చరణ్ పాదుకా వైపు మార్గం బద్రీనాథ్ ఆలయానికి ఎడమ వైపున ఉంది_* *_కొన్ని మీటర్లు నడిస్తే కుడి వైపున మెట్లు పైకి వెళ్ళడం కనిపిస్తుంది. నారాయణ పర్వత్ వద్ద ఉన్న చరణ్ పాదుకా చేరుకోవడానికి 3 km నడవాలి_* *_చరణ్ పాదుకా నుండి వచ్చిన ఈ దృశ్యం అద్భుతమైనది. ఒక వైపు మీరు నీల్కాంత్ శిఖరం మరియు మరొక వైపు నర్ పర్వత్ చూడవచ్చు_*. *_చరణ్‌పాదుకకు దారితీసే మార్గంలో అనేక గుహలు ఉన్నాయి. ఎందరో సిద్ధ పురుషులు సూక్ష్మ శరీరంలో వాటిలో తపస్సు చేస్తుంటారని పురాణ వచనం_* *_నీలకంఠ శిఖరం చరణ్ పాదుకా నుండి 6 కి.మీ_* #మన సంప్రదాయాలు సమాచారం

*_"దారిదోపిడి"_* *[చందమామ కధ]* *_రఘుపతి ఉండే ఊరు పట్టణానికి పది మైళ్ళ దూరాన ఉంటుంది. అతని ఇంట ఏదో శుభకార్యం జరగబోతున్నది. దాని కోసం అతని స్నేహితుడు శ్రీకంఠుడు చీకటిపడి గుర్రపుబండి కట్టించుకుని రఘుపతి ఉండే ఊరికి బయలుదేరాడు_*. *_పట్టణానికీ, రఘుపతి ఉండే ఊరికి మధ్య చిట్టడవి ఉన్నది. ఈ అడవిలో కొంతకాలం క్రితం రఘుపతిని దొంగ దోచాడు. అది ఎలా జరిగినదీ రఘుపతి శ్రీకంఠుడికి లోగడ చెప్పాడు_*. *_రఘుపతి ఏదో పని మీద పట్నం వచ్చి, త్వరగా తెమలక, చీకటిపడి తన ఊరికి బయలుదేరుతూ, గుర్రపుబండి మాట్లాడుకున్నాడుట. బండి చిట్టడవిలో చాలా దూరం వెళ్ళి ఒక మలుపు తిరిగేసరికి దారికి అడ్డంగా ఒక చెట్టుకొమ్మ పడి ఉన్నది. బండి ఆగిపోయింది._* *_ఒక చెట్టు వెనకనుంచి ముసుగు మనిషి ఒకడు పదునైన కత్తితో వచ్చి, రఘుపతి మెడకు కత్తిమొన ఆనించి, "ఉన్నదంతా ఇచ్చెయ్యి," అని డబ్బంతా తీసుకుని, బండివాడి జేబులో ఉన్నది కూడా తీసుకుని చెట్లచాటుకు వెళ్ళాడు._* *_''చీకటి ప్రయాణం వద్దంటే విన్నారు కారు. నా కూతురి పెళ్లికి కూడబెట్టిన అయిదు వందలూ దొంగ కాజేశాడు.'' అని బండివాడు లబలబలాడాడు._* *_రఘుపతి తన ఊరు చేరినాక, బండి వాడికి అయిదు వందలూ ఇచ్చేసి, ఆ రాత్రి వాణ్ణి తన ఇంటనే ఉంచుకుని, మర్నాడు పంపేశాడు_*. *_ఏడాది క్రితం జరిగిన ఈ సంఘటన గురించే ఇప్పుడు గుర్రపు బండిలో రఘుపతి ఊరికి చీకట్లోపడి పోతున్న శ్రీకంఠం ఆలోచిస్తున్నాడు_*. *_ఇంతలో బండి అడవి చాలాభాగం దాటి ఒక మలుపు తిరిగేసరికి, దారికి అడ్డంగా ఒక చెట్టు కొమ్మ పడి ఉన్నది. బండి ఆగిపోయింది. ఒక చెట్టు చాటు నుంచి ముసుగు మనిషి కత్తితో వచ్చి శ్రీకంఠుడి కంఠానికి కత్తి ఆనించి, అతని దగ్గిర ఉన్నదంతా ఊడ్చేసి, బండివాడి జేబులో ఉన్నది కూడా తీసుకుని, పోతూ, పోతూ శ్రీకంఠుడితో, " నీ దగ్గిర ఉన్న ఆ మూట ఏమిటి ?" అని అడిగాడు_*. *_"చక్రపొంగలి! పిల్లల కోసం తీసుకు వెళుతున్నాను.'' అన్నాడు శ్రీకంఠుడు. '''ఆకలి' మండిపోతున్నది! చక్రపొంగలి పెద్దలు కూడా తినవచ్చు." అంటూ దొంగ మూటతో సహా పారిపోయాడు._* *_దొంగ వెళ్లగానే బండివాడు, "నా కూతురి పెళ్లి కోసం పోగుచేసిన అయిదు వందలూ దొంగ కాజేశాడు!" అని లబలబ లాడాడు_*. *_రఘుపతి అనుభవమే మళ్లీ జరుగుతున్నది. బండివాడు కూడా తోడుదొంగే నన్నమాట !_* *_బండివాడు చెట్టుకొమ్మ దారికి అడ్డం తొలగించి, బండిని ముందుకు నడిపించబోతూండగా శ్రీకంఠుడు, "కొంచెం ఆగు" అన్నాడు._* *_"ఇంకా ఎందుకు ? మరో దొంగ రావటానికా?'' అని బండివాడు అడిగాడు._* *_" రానీ ! మన దగ్గిర దోచుకోవడానికి ఇంకేమున్నది? అయినా నా డబ్బూ, నీ డబ్బూ ఎక్కడికీ పోవులే! త్వరలోనే అవి మనకు తిరిగి వస్తాయి. అందుకే ఆగమన్నాను,'' అన్నాడు శ్రీకంఠుడు_*. *_''అది ఎలా సాధ్యం?" అని బండివాడు అడిగాడు._* *_శ్రీకంఠుడు విరగబడి నవ్వి, "ఆ చక్ర పొంగలి పిల్లల కోసం తీసుకుపోతున్నది కాదు, ఎలకల కోసం తీసుకుపోతున్నది! నా స్నేహితుడి ఇంటి నిండా ఎలకలేట! పట్నంలో మంచి మాటయిన మందు తెమ్మన్నాడు. దొంగ దాన్ని తిని త్వరలోనే చస్తాడు. మనం వెళ్ళి మన డబ్బు తెచ్చుకోవచ్చు.'' అన్నాడు._* *_ఈ మాట విని బండివాడు తెల్లబోయి, గజగజ వణుకుతూ, "రంగా, పొంగలి తినకురా !'' అని గట్టిగా అరుస్తూ, బండి మీది నుంచి కిందికి దూకాడు_*. *_శ్రీకంఠుడు చప్పున వాడి పీక పట్టుకుని, ''దొంగ పినుగా, దారిదోపిడీలో నీక్కూడా భాగం ఉన్నదా?" అన్నాడు._* *_బుద్ధి గడ్డి తిని ఇలా మొదలు పెట్టాం. నన్ను వదలండి. నా కొడుకు పొంగలి తిని చస్తాడో ఏమో!" అన్నాడు బండివాడు అందోళనతో._* *_ఇద్దరూ సమీపంలో ఉన్న పాకను చేరుకున్నారు. బండివాడు తొందరగా తలుపు తోసుకుని లోపల ప్రవేశించాడు. వాడి వెనకనే శ్రీకంఠుడు కూడా లోపలికి వెళ్ళాడు._* *_లోపల బండివాడి కొడుకు ఆవురావురుమని సగం పొంగలి అప్పటికే తినేశాడు._* *_"అందులో ఎలకలమందు ఉన్నదిరా, నాయనా! తినేశావా?" అన్నాడు బండి వాడు ఏడుపు గొంతుతో._* *_"ఏడిస్తే విషం విరగదు. నా మిత్రుడింటికి పద. వైద్యుడి చేత విరుగుడు చేయిస్తాం!" అన్నాడు శ్రీకంఠుడు.._* *_సంగతి తెలియగానే రంగడికి నీరసమూ, చెమటలూ ప్రారంభమయాయి. కడుపులో తిప్పడం ఆరంభమయింది_*. *_ముగ్గురూ బండిలో రఘుపతి ఇంటికి చేరారు. శ్రీకంఠుడు తండ్రి కొడుకులను వీధిగదిలో కూర్చోబెట్టి, "ఇక్కడే ఉండండి. వైద్యుడికి కబురు పెట్టుతున్నాం," అని లోపలికి వెళ్ళి రఘు పతికి జరిగినదంతా చెప్పాడు_*. *_వైద్యుడి కోసం ఎదురుచూస్తున్న తండ్రి కొడుకుల కోసం రక్షకభటులు వచ్చి, వాళ్ళను పట్టుకుపోయారు. వెళ్ళేటప్పుడు శ్రీకంఠుడు వాళ్ళతో, "పొంగలిలో ఏ విషమూ లేదు. కాని మీ రోగానికి చికిత్స చేసే వైద్యులు వీళ్ళే!'' అన్నాడు_*. #మన సంప్రదాయాలు సమాచారం

*_ఓం శ్రీ గురుభ్యోనమః_* *_సోమవారం ఆగస్టు 31 2026_* *_శ్రీ పరాభవనామ సంవత్సరం_* *_దక్షిణాయనం వర్ష ఋతువు_* *_శ్రావణమాసం బహుళపక్షమి_* *_తిథి: తదియ ఉ 08.34వరకు తదుపరి చవితి_* *_వారం:సోమవారం (ఇందువాసరే)_* *_నక్షత్రం: రేవతి తె 04.09వరకు తదుపరి అశ్విని_* *_యోగం:గండ తె 03.35వరకు తదుపరి వృద్ది_* *_కరణం: భద్ర ఉ 08.34వరకు తదుపరి బవ రా 08.00వరకు ఆ తదుపరి బాలువ_* *_వర్జ్యం : సా 04.20-05.54వరకు_* *_దుర్ముహూర్తం:సమ 12.38-01.27 మరల మ 03.05-03.55వరకు_* *_అమృతకాలం: రా 01.47-03.21వరకు_* *_రాహుకాలం:ఉ 07.30-09.00_* *_యమగండం/కేతుకాలం: ఉ 10.30-12.00_* *_సూర్యరాశి: సింహం_* *_చంద్రరాశి: మీనం_* *_సూర్యోదయం: 05.48_* *_సూర్యాస్తమయం: 06.14_* *_ఓం నమఃశివాయ సంకష్టహర చతుర్థి_* *_సర్వేజనాః సుఖినో భవంతు సమస్త సన్మంగళాని భవతు ఓం శాంతి శాంతి శాంతిః_* *_శుభమస్తు సంతోషమస్తు_* #మన సంప్రదాయాలు సమాచారం

*_"చంద్రహారం"_* *_ఒక రాత్రివేళ తలుపు గట్టిగా చప్పుడవడంతో, చంద్రం ఉలిక్కిపడుతూ నిద్రలేచాడు. బయట వాన వచ్చే సూచనగా మెరుపులతోపాటు, గాలి తీవ్రంగా వీస్తున్నది_*. *_చంద్రం తలుపు తెరవగానే ఒకావిడ హడావిడిగా లోపలికి వచ్చి. "త్వరగా తలుపు మూసెయ్యండి. వాళ్ళిటే వస్తున్నారు." అన్నది_*. *_ఆమె ఖరీదైన పట్టుచీర ధరించి వున్నది. మెడ నిండుగా నగలున్నవి. చంద్రం ఆమె మాటలకు ఆశ్చర్యపోతూ, తలుపు మూసేంతలో, ముగ్గురు మనుషులు ఇంటి ముందుగా పరిగెత్తుతూండడం అతడి కంటబడింది._* *_"ఎవరు మీరు? వాళ్ళు, మీ వెంట ఎందుకుపడినట్టు?" అని అడిగాడు చంద్రం_*. *_ఆ సరికి ఇంట్లోకి వచ్చిన ఆవిడ ఆయాసం నుంచి కొంచెం తేరుకుని, "వాళ్ళు, నా నగలకోసం వెంటబడ్డారు. బంధువుల ఇంటికి పెళ్ళికి వెళ్ళి, మధ్యలో తలనొప్పి రాగా, బాడుగ బండిలో ఇంటికి బయలుదేరాను. దారిలో ఇద్దరు బండిని అటకాయించారు. బండివాడు కూడా తోడుదొంగే! అదృష్టం కొద్ది, వాళ్ళను తప్పించుకుని రాగలిగాను,'' అన్నది._* *_ఇంతలో పెద్ద పెట్టున వర్షం ప్రారంభమైంది. చంద్రం ఆమెతో, " ఈ వర్షంలో వెళ్ళడం, అంత మంచిదికాదు. తెల్లవారి వెళుదురుగాని," అని మధ్య గదిలో మంచం మీద ఆమెకోసం పరుపు పరిచి వచ్చాడు_*. *_చంద్రానికి కృతజ్ఞతలు చెప్పుకుని, ఆమె గదిలోకి వెళ్లిపోయింది. ఆ తరవాత చంద్రానికి చాలా సేపటివరకూ నిద్ర పట్టలేదు. కొంచెం నిద్రపట్టి మెలుకువ వచ్చేసరికి, బారెడు పొద్దెక్కింది. అతడు గది నుంచి బయిటికి వచ్చాడు. ఎదురుగా వీధితలుపు బార్లా తెరిచివున్నది._* *_చంద్రానికి గుండె ఝల్లుమన్నది. అతడు తలుపు మూసి, లోపలి గదిలోకి వెళ్ళి చూశాడు. రాత్రి వచ్చినావిడ లేదు! కాని, మంచం పక్కన బల్ల మీద ఆమె తాలూకు చంద్రహారం వున్నది. అతడు నిర్ఘాంతపోయాడు. ఎంత లేదన్నా నాలుగు వేలు ఖరీదు చేసే చంద్రహారం అది_*. *_ఆ క్షణంలో చంద్రానికి పెళ్ళినాటి నుంచి భార్య భాగ్యం పెడుతున్న గొడవ గుర్తుకు వచ్చింది. ఆమెకు చంద్రహారం కావాలి. అయితే, అతడికి అది చేయించే స్థోమతలేదు. ఈ రాబోయే దీపావళికి చంద్రహారం చేయించాలని పట్టుపట్టిందామె. చంద్రం తనవల్ల కాదంటే కాదన్నాడు._* *_అంతకు ముందు రోజు అతను కచేరీ నుంచి తిరిగి వచ్చేసరికి, " నా మాట మీద నీకు ఏమాత్రం లక్ష్యం లేదు. చంద్రహారం చేయించేదాకా, మళ్ళీ యీ గడప తొక్కను," అన్న ఉత్తరం వదిలి భార్య పుట్టింటికి వెళ్ళిపోయింది._* *_రాత్రి దొంగలబారి నుంచి తప్పించుకు వచ్చిన ఆవిడ, చంద్రహారం అక్కడ ఎందుకు వదిలిపోయిందో, అతడికి ఎంత ఆలోచించినా అర్థం కాలేదు._* *_హఠాత్తుగా వీధిలో నుంచి భార్య గొంతు వినిపించి అతడు అటుకేసి తల తిప్పాడు. ఏ కారణం వల్లనో భాగ్యం త్వరగా తిరిగి వచ్చింది. ఇప్పుడు యీ చంద్రహారం చూస్తే, తనకోసం చేయించినదను కుంటుంది. నిజం చెప్పినా నమ్మదు. హారాన్ని ఏదో విధంగా రాత్రి వచ్చినావిడకు తిరిగి యిచ్చివేయాలి !_* *_చంద్రం యిలా అనుకుని, హారాన్ని వంట గదిలో వున్న బొగ్గులబస్తాలో వేసి, అది బాగా అడుగుకు పోయేలా, బస్తాను బాగా కుదిపాడు. ఆ బొగ్గులబస్తా మాసం గడిచేవరకూ ఖాళీ అవదు. ఈ లోపల అది భార్య కంటబడే అవకాశమే వుండదు._* *_చంద్రం వెళ్ళి తలుపు తెరవగానే భాగ్యం విసుగ్గా లోపలికి వస్తూ, "బారెడు పొద్దెక్కినా, ఏమిటా నిద్ర ? సంక్రాంతికయినా చంద్రహారం చేయించాలి. తెలుసా! అందుకే వచ్చాను." అన్నది. పుట్టింట వదినెతో పోట్లాడి వచ్చిన సంగతి ఆమె భర్తకు చెప్పదలచలేదు. చంద్రం భోజనంచేసి, కచేరీకి వెళ్ళి పోయాడు. వంటగది శుభ్రం చేస్తున్న భాగ్యం, చిన్న తేలొకటి బొగ్గుల బస్తాలోకి పోవడం చూసింది. వెంటనే ఆమె బస్తాను బోర్లా కుమ్మరించి, తేలును కర్రతో కొట్టి చంపేసింది_*. *_బొగ్గుల్ని తిరిగి బస్తాకు ఎత్తుతూండగా ఆమె కళ్లు జిగేలుమన్నాయి. బొగ్గుల మధ్య తళతళ మెరుస్తున్న చంద్రహారం! ఆమె హారాన్ని పమిట కొంగుతో తుడిచి, మెడలో వేసుకుని గొప్పగా మురిసి పోయింది_*. *_బొగ్గుల దుకాణంలో ఎలాగో చేరిన చంద్రహారం, తాము తెచ్చుకున్న బస్తాలోకి వచ్చింది. ఈ సంగతి భర్తకు చెపితే, ఆయన యిక తనకు చంద్రహారం చేయించడు. దాన్ని సంక్రాంతి వరకూ భర్త కంటబడకుండా దాచాలి! ఆయన చంద్రహారం చేయించాక, యీ హారాన్ని కరిగించి, గాజులు చేయించుకోవచ్చు._* *_అంతకాలంపాటు హారాన్ని భర్త కంట బడకుండా దాయడం ఎలానా అని కొంచెం సేపు ఆలోచించి, భాగ్యం దాన్ని ఒక డబ్బాలో పెట్టి, దాని మీద పుట్టింటి నుంచి తెచ్చుకున్న సున్ని ఉండలు వేసింది. తరవాత దాన్ని తీసుకుపోయి, తనకు తోడుగా వచ్చి, ఆ రోజే తిరిగి పోతున్న తన పుట్టింటి ఊరి వాడికిచ్చి, భద్రంగా తన తల్లికి చేర్చమన్నది._* *_అతను ఆ సాయంత్రానికల్లా ఆ ఊరు చేరి భాగ్యం వాళ్ళ ఇంటికి వెళ్ళాడు._* *_సమయానికి భాగ్యం తల్లి ఇంట లేదు. వాడు డబ్బాను భాగ్యం వదినెకు ఇచ్చాడు. ఆమె డబ్బా మూత తీసి, సున్ని ఉండలు చూసి, ఆడబడుచు వాటిని తిప్పి ఎందుకు పంపిందా అనుకుంటూ, వాటిని పక్కకు జరిపింది. తళుక్కు మంటూ చంద్రహారం మెరిసింది_*. *_"ఈ పిల్ల దేవాంతకురాలే! అత్తగారింటి నుంచి అన్ని అమ్మగారింటికి చేర వేస్తున్నది. తగినశాస్తి చేయాలి.'' అనుకుంటూ వదినె హారం తీసుకుని, సున్ని ఉండల డబ్బా అత్తగారి గదిలో పెట్టేసింది._* *_తరవాత భర్త నరహరి ఇంటికి రాగానే, చంద్రహారం అతడికిచ్చి, పనికిమాలిన ప్రశ్నలడక్కు ! పట్నం వెళ్ళి, దీన్ని కరిగించి, మరొక కొత్త నగ చేయించుకురా!" అన్నది._* *_నరహరికి భార్య మాటంటే, సుగ్రీవాజ్ఞ. అతడు తెల్లవారుతూనే పట్నం చేరి, ఒక పెద్ద నగల దుకాణానికి వెళ్ళి, చంద్రహారాన్ని కరిగించి, మరొకరకం హారం తయారుచేసి యివ్వమన్నాడు. దుకాణం వాడు నరహరి ముందు యితర నమూనాల హారాలు వుంచాడు. నరహరి వాటిని చూస్తున్నంతలో, రక్షకభటులు యిద్దరు వచ్చి, నరహరిని పట్టుకున్నారు. దుకాణం అతనే తన మనిషి ద్వారా వాళ్లకు కబురు చేశాడు._* *_"దొంగిలించిన హారాన్ని కరిగించాలని చూస్తున్నావా? ముందు కచేరీకీ, తరవాత ఖైదులోకీ, ఊఁ పద," అన్నారు రక్షకభటులు, నరహరి రెక్క పట్టుకుని_*. *_నరహరి గుడ్లు తేలవేసి, "ఇది నేను దొంగిలించింది కాదు, నా భార్య యిచ్చింది." అన్నాడు._* *_రక్షకభటులు అప్పటికప్పుడు అతణ్ణి తీసుకుని వాళ్ళ ఊరు వెళ్ళారు. నరహరి భార్య వాళ్లను చూస్తూనే కెవ్వుమని, " ఆ హారాన్ని పట్నం నుంచి, మా ఆడబడుచు పంపింది." అన్నది_*. *_రక్షకభటులు ఆవిణ్ణి కూడా వెంట బెట్టుకుని, భాగ్యం యింటికి వెళ్ళారు. ఆమె వణికిపోతూ, " అది నాకు బొగ్గుల బస్తాలో దొరికింది." అని చెప్పింది._* *_రక్షకభటులు బొగ్గులు దుకాణం వాడి దగ్గిరకు బయలుదేరుతూండగా, చంద్రం వాళ్ళకు జరిగిందంతా చెప్పి, "ఇది దొంగసొమ్ము కాదు, ఆ సంపన్నురాలే మా యింట మరిచిపోయింది,” అన్నాడు._* *_ఇదంతా పెద్ద గందరగోళంగా తోచి, రక్షకభటులు ఏమి చేయడమా అని ఆలోచిస్తూండగా, ఇంటిముందు గుర్రపు బండి ఆగింది. అందులో నుంచి చంద్రహారం యజమానురాలు దిగి, వాళ్ళ దగ్గిరకు వచ్చి, రక్షక భటులతో, చంద్రహారం ఎవరూ దొంగిలించలేదు; వీళ్ళ యింట్లో మరిచిపోయాను. ఇక మీరు వెళ్ళవచ్చు." అన్నది_*. *_వాళ్ళు వెళ్ళిపోగానే చంద్రం ఆమెను, "అసలు హారాన్ని మా ఇంట్లో ఎందుకు వదిలి వెళ్ళారు?" అని అడిగాడు._* *_"ఆ రాత్రి నేను పడుకున్న మంచం పక్కన బల్ల మీద, మీ భార్య పుట్టింటికి పోతూ రాసిన ఉత్తరం చూశాను. నా భర్త కోటీశ్వరుడు. ఇలాంటి హారాలు మాకొక లెక్కలోవి కాదు," అంటూ చంద్రహారం ఆవిడ, భాగ్యంకేసి తల తిప్పి.‘“కొన శక్తి లేని భర్తను నగలు తెమ్మని వేధించడం, ఏ ఇల్లాలయినా చేయదగిన పనేనా? భర్త మంచితనం, ఆదరణా అన్నిటికంటె ముఖ్యం. ఇక రక్షకభటుల భయం లేదు. నేను బహుమతిగా యిస్తున్నాను, యీ హారం తీసుకో." అని చంద్రహారాన్ని భాగ్యానికి యివ్వబోయింది..._* *_భాగ్యం సిగ్గుతో తల దించుకుని, " మీరు ఒకటి రెండు చక్కని నీతివాక్యాలతో, నా కళ్ళు తెరిపించారు. ఆడంబరాల కోసం యిన్నాళ్లూ భర్తను బాధ పెట్టాను. నన్ను ఎంతో ప్రేమాదరాలతో చూసుకునే నా భర్తే నాకు వెలలేని చంద్రహారం!" అంటూ హారాన్ని తీసుకోడానికి నిరాకరించింది_* *_@చందమామ కథలు_* #మన సంప్రదాయాలు సమాచారం

#మన సంప్రదాయాలు సమాచారం

#మన సంప్రదాయాలు సమాచారం