காலை ஜெபம்* *மோட்ச இராக்கினி செபம்:* மகா மகிமைப் பிரதாபத்தோடு பரலோகத்துக்கு எழுந்தருளின புனித தேவமாதாவே ! நீர் சரீரத்தோடு விண்ணேற்றமடைந்த மகிமை, உம்முடைய புனித வாழ்வுக்கு ஏற்ற பரிசு அல்லவா ! அது என்னவென்றால், மண்ணால் உண்டாக்கப்பட்ட உடல் மண்ணாய்ப் போகவேணுமென்று ஆதாம் செய்த பாவத்துக்கு கட்டளையிட்டிருந்தாலும்,உம்மிடத்தில் அப்படிப்பட்ட பாவத்தின் அடையாளம் காணவில்லையே, அதனால் ஆண்டவர் தாம் மரித்தோரிடத்தில் நின்று உயிர்த்தெழுந்தது போல் உம்மையும் உயிரோடு எழுந்தருளப் பண்ணினார். அவர் தாமே உடலோடு வானத்துக்கு ஏறினது போல, உம்மையும் அதுபோல ஆத்ம சரீரத்தோடு ஏறப்பண்ணினாரே, நீர் பரலோகத்துக்கு ஏறின போது சந்திரன் உம்முடைய பாதத்தை தாங்க, சூரியன் உம்முடைய உடலில் போர்வையாய்ப் படிய, விண்மீன்கள் உமது தலையில் மகுடமாய் விளங்க, தூதர்கள் ஸ்துதியங்கள் பாட, விண்ணகத்தில் சேர்ந்தவுடனே பிதா சுதன் பரிசுத்த ஆவியால் நித்திய பரலோக இராக்கினியாக முடிசூட்டப்பட்டீரே. ஆ ! இவ்வித வெகுமான மகிமையோடு பரலோகத்துக்கெழுந்தருளிய உம்மைக் கண்ட அடியேன் இன்றுதானே உம்மோடே பறந்துவரத்தக்க ஆசையோடு இருக்கிறேன் . ஆனாலும், இப்படிப்பட்ட நன்மைபெற நான் பாத்திரமாகாதபடியால், இன்று உம்மோடு என்னுடைய நினைவைப் பரலோகத்துக்குயர்த்தி, இவ்வுலகத்தை மறந்து நடக்கப் பண்ணியருளும் . அப்படியே சாகும்வரை உம்முடைய சலுகையால் நான் நடந்து உமக்குப் பணிசெய்து, என் ஆத்துமம் பரலோகத்தில் சேர்ந்து எக்காலமும், உம்மை கண்டு ஸ்துதித்து மோட்ச ஆனந்தம் அனுபவிக்கும்படி கிருபை பண்ணியருளும் . *ஆமென்.* விண்ணக அரசியே மனம் களிகூறும். - அல்லேலூயா. ஏனெனில் இறைவனைக் கருத்தாங்கும் பேறு பெற்றீர். - அல்லேலூயா. தாம் சொன்னபடியே அவர் உயிர்த்தெழுந்தார்.- அல்லேலூயா. எங்களுககாக இறைவனை மன்றாடும். - அல்லேலூயா. கன்னி மரியே! அகமகிழ்ந்து பூரிப்பு அடைவீர்.- அல்லேலூயா. ஏனெனில் ஆண்டவர் உண்மையாகவே உயிர்த்தெழுந்தார். - அல்லேலூயா. மன்றாடுவோமாக இறைவா / உம்முடைய திருமகனும் எங்கள் ஆண்டவருமாகிய இயேசு கிறிஸ்துவின் உயிர்த்தெழுதலால் / உலகம் மகிழத் திருவுளம் கொண்டீரே! /அவருடைய அன்னையாகிய கன்னி மரியாவின் பரிந்துரையால் / நாங்கள் நிலை வாழ்வின் பெரு மகிழ்வில் பங்கு பெற / அருள் புரியும். / எங்கள் ஆண்டவராகிய இயேசு கிறிஸ்து வழியாக / உம்மை மன்றாடுகிறோம். / *ஆமென்.* #இன்றைய வேத வசனம் #இன்றைய வசனம் #இன்றைய இறைவார்த்தை