मुंबई महापालिकेसाठी (Mumbai Municipal Corporation) आजचा   दिवस अतिशय महत्त्वाचा ठरला. मुंबईच्या धारावी (Dharavi, Mumbai) परिसरातून गेल्या 24 तासांत कोरोनाचा (Coronavirus) एकही पॉझिटिव्ह रुग्ण आढळला नसल्याची माहिती मिळाली आहे.गेल्या एप्रिल महिन्यात कोरोनाचे पहिले आठ रुग्ण धारावी परिसरातच आढळले होते. नंतर पाहाता पाहाता धारावी परिसर कोरोनाचा हॉटस्पॉट बनला हेता.आशिया खंडातील सर्वात मोठा स्लम एरिया समजला जाणारा धारावी परिसरातून कोरोनाचा समूळ नायनाट झाल्याचं म्हटलं जात आहे. धारावीकडून मुंबईकरांना ख्रिसमस गिफ्ट मिळालं आहे, अशीही जोरदार चर्चा आहे.धारावी परिसरात गेल्या 24 तासांत कोरोनाचा एकही पॉजिटिव्ह रुग्ण आढळला नाही. गेल्या एप्रिलनंतर असं पहिल्यांदाच घडलं आहे. 2.5 वर्गकिलोमीटर परिसरात वसलेल्या धारावीमध्ये 6.5 लाखांहून अधिक लोक वास्तव्य करतात. धारावीत एप्रिल महिन्यात पहिल्यांदा आठ कोरोना पॉझिटिव्ह रुग्ण समोर आले होते. त्यानंतर कोरोनाबाधित रुग्णांमध्ये झपाट्यानं वाढ झाली होती. एकट्या धारावीमध्ये कोरोनाबाधितांची संख्या 3788 वर पोहोचली होती. सध्या धारावीत 10 पेक्षाही कमी कोरोनाबाधित रुग्णसंख्या आहे. या रुग्णांवर उपचार सुरू असून ते लवकरच बरे होऊन घरी जातील, अशी माहिती सूत्रांनी दिली आहे. #🔥महाराष्ट्र कोरोनामुक्त होतोय👉