കവിത. നാടും വീടും. ************* കൊതിക്കുന്നുയിന്നുമാ,യിടവഴിയിൽ പൂക്കും തൂമഞ്ഞു തുള്ളി കാലം വരക്കുന്ന ചിത്രമാം മഴ നെയ്യുമിടവഴിയിലെ നൂൽ ചാലിനെ കവിളൊട്ടി കിന്നാരം ചൊല്ലാൻ വന്നിടും കാറ്റിൻ തൂമഴയെ കഥ ചൊല്ലാൻ വെമ്പും പാടയോരത്തിൻ വഴുക്കലിൻ ചിരികളെ! കണ്ടിട്ടും കാണാതെ പോകുന്ന ഹൃദയ ധമനിയിൻ തേരോട്ടങ്ങളെ കണ്മഷിക്കോണിലായെന്നെയുരുക്കിയ നഗ്ന മിഴിയിൻ ചിന്തകളെ കാട്ടരുവിയണിഞ്ഞെത്തി ചുറ്റിലെ നീർ പുൽകുമഴകാം പുഴകളെ കണക്കറിയാ ഋതു പറിച്ചു നട്ടയിന്നലെയിലെയിന്നി,ന്നോർമകളെ! കവിളിണ ചുംബിച്ച ദൃഷ്ടികൾ ചൊല്ലാതെ ചൊന്ന പ്രണയപ്പൂക്കളെ കരിഞ്ഞ വയറിനടിയിലന്നൂർന്ന വേദനയിൽ ചിരിച്ച നിമിഷങ്ങളെ കേൾക്കുവാനില്ലാത്ത നാക്കിലൊറ്റയായ് മരിച്ച ഹൃദയാക്ഷരങ്ങളെ കൈ പിടിച്ചകലുന്ന കൂട്ടരിൽ കാണാൻ കൊതിച്ച പിതാവിനോളങ്ങളെ കേൾക്കാൻ കൊതിക്കുമാരുമിന്നു,മരികെ മരിച്ച നാടിൻ തുടിപ്പുകളെ കണ്ടറിഞ്ഞവരിന്നുമറിയാതെയോർക്കും വീടിൻ ഹൃദയമിടിപ്പുകളെ... കാലം കുരുതി കൊടുത്ത മനസ്സിൻ ചന്തമാം ചിന്തയാം നീർപ്പൂക്കളെ! കോലമുരുകുന്നു കൈവിട്ട നാടിൻ നെഞ്ചിടിപ്പിൽ വീടുലയവേ... false. #നാടും വീടും #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം