എന്റെ ദേവൂ, ഞാൻ പറയുന്നതു വല്ലതും നിന്റെ ചെവിയിലോട്ടു കയറുന്നുണ്ടോ ? " കുളക്കടവിലിരുന്ന് ഞാൻ ഒരു പുഞ്ചിരിയോടെ ഹേമേച്ചിയെ നോക്കി. "ആഹാ... എന്താ ഒരു ചിരി. നിനക്ക് ഈ ചെയ്തു കൂട്ടുന്നതെന്താണെന്ന് വല്ല നിശ്ചയവും ഉണ്ടോ... ഉണ്ണിയതറിഞ്ഞാൽ എന്തായിരിക്കും ... ഉള്ള ഇഷ്ടം കൂടി ഇല്ലാണ്ടാക്കുവോ നീ..." എനിക്കു ദേഷ്യം വന്നു. " അങ്ങിനെയങ്ങ് ഇല്ലാണ്ടാകുന്നതാണോ ഈ സ്നേഹം... ഉം? പിന്നെ ഉണ്ണിയേട്ടനെങ്ങനറിയാനാ... ഇനി നിങ്ങളെങ്ങാൻ പറയുവോ ഹേമേച്ചീ..." " ഉവ്വ... എനിക്കിതറിയാവായിരുന്നൂന്ന് ഈ മേലേടത്തുകാരറിഞ്ഞാൽ പിന്നെ ഈ കുളത്തിലോ കായലിലോ ചാടുത്തതാ നല്ലത്. അപ്പൊഴാ ഉണ്ണിയോടു പറയാൻ. നല്ല കാര്യായീ... " " ഉം... പറയരുത്. " " ഇല്ല തമ്പ്രാട്ടേയ്... " ഹേമ തൊഴുതു പിടിച്ചു കൊണ്ടു പറഞ്ഞു. ഞാൻ കുളത്തിലേക്കിറങ്ങി നന്നായെന്നു നീന്തിക്കുളിച്ചു. ഹേമേച്ചി പടീമലിരുന്നു പിന്നേം ടെൻഷനടിക്കുന്നതു കാണാം... കുറച്ചു നേരം വെള്ളത്തിൽ കിടന്നപ്പോ എന്റെ മനസ്സൊന്നു തണുത്തു. ഉണ്ണിയേട്ടനേം കൊണ്ട് പെണ്ണു കാണാൻ മാമ പോകുന്നെന്നറിഞ്ഞപ്പൊ തൊട്ട് ദേഹത്ത് തീ കോരിയിട്ട പ്രതീതിയായിരുന്നു. വേറൊരു പെണ്ണിന്റെ കൂടെ എന്റെ ചെകുത്താനെ സങ്കൽപ്പിക്കാൻ കൂടെപ്പറ്റുന്നില്ലായിരുന്നു. ആ തല്ലു കൊള്ളിച്ചെക്കനെ കടിഞ്ഞാണിടാനാ എല്ലാവരും കൂടി ഇപ്പൊ ഒരാലോചനയും കൊണ്ടു വന്നത്. അതിനീ ദേവു തന്നെ ധാരളമാണ്. ഞാൻ പടിയിലേക്കു നോക്കി. ഹേമേച്ചി പോയി ... ഹും എന്റെ വട്ടിന് കൂട്ടുനിൽക്കാൻ പറ്റില്ലാന്നാകും. വേണ്ട... ആരുടേം സഹായം വേണ്ടെ എനിക്ക് ... ഹേമേച്ചി കൂടെ നിൽക്കും ഉറപ്പാ ... പക്ഷേ ബാക്കിയുള്ളവരറിഞ്ഞാൽ വച്ചേക്കില്ല. അല്ലങ്കിലേ കണ്ടു കൂടാ ... ഈശ്വാരാ ആരുമൊന്നുമറിയല്ലേ ... ഞാൻ ദേവിക, മേലേടത്തെക്കുട്ടി. അങ്ങിനെ തറപ്പിച്ചു പറയാൻ പറ്റില്ല. കാരണം രക്ത ബന്ധമൊന്നുമില്ല പക്ഷേ അവകാശമുണ്ട്. എന്റെ അമ്മയുടെ അച്ഛനും അമ്മയും കുഞ്ഞിലേ മരിച്ചു പോയതാ... അമ്മക്ക് കണ്ട ഓർമ്മ കൂടിയില്ലത്രേ. ഇവിടുത്തെ അമ്മമ്മ. എന്റെ സ്വന്തം സൗദാമിനി അമ്മമ്മയാ അമ്മയെ മോളെപ്പോലെ എടുത്തു വളർത്തിയത്. പക്ഷേ വളർന്നു വന്ന കൂടപ്പിറപ്പുകൾക്ക് അമ്മയെ അംഗീകരിക്കാൻ മനസ്സില്ലായിരുന്നു. പ്രത്യേകിച്ചും ഭാഗം വപ്പിന്റെ സമയം വന്നപ്പോൾ. പക്ഷേ അച്ഛച്ചൻ അങ്ങു സ്ട്രോങ്ങ് ആയിപ്പറഞ്ഞു. എല്ലാമകൾക്കും തുല്യ വിഹിതമെന്ന്. അങ്ങിനെ ഈ ഗെയ്മിലേക്കു ഞങ്ങളും ഇൻ ആയി. മുത്തശ്ശിക്കു 3 മക്കൾ കൃഷ്ണൻ, സഹദേവൻ പിന്നെ എന്റെ അമ്മ ശ്രീലത. പെൺകുട്ടികളില്ലാത്തതിൽ അമ്മമ്മക്കു വല്യ വിഷമമായിരുന്നു. അപ്പോഴാണ് എൻ്റെ അമ്മയെ കിട്ടിയത്. താഴത്തും തലയിലും വയ്ക്കാതെ കൊണ്ട് നടന്നതാണ് എന്ന് എപ്പോഴും പറയും. അതിൻെറ കുറച്ച് ഇഷ്ട കൂടുതൽ എന്നോടും ഉണ്ട്. അച്ഛൻ ജോലി ചെയ്യുന്നത് മധ്യപ്രദേശിലാണ്. പഠിക്കാൻ ഒക്കെ നല്ലത് ഇവിടെയാണെന്ന് പറഞ്ഞ് എന്നെ അമ്മമ്മയുടെ അടുത്താ നിർത്തിയിരിക്കുന്നത്. പത്താം ക്ലാസ് വരെ ഞാൻ പഠിച്ചത് MP ൽ തന്നെയാണ്. അതിൽ കൃഷ്ണൻ മാമേടെ മൂത്ത മോനാ ഈ ഉണ്ണീന്ന് വിളിക്കണ ഐറ്റം. ശരിക്കുള്ള പേര് യുവരാജ് കൃഷ്ണൻ. പേരു ഡീസന്റ് ആണെങ്കിലും സ്വഭാവം ചെകുത്താന്റെയാത്ര . ഓർമ്മ വെച്ച കാലം തൊട്ടേ എന്റെ ശത്രുവാ മൂപ്പര്. ഒരു വെക്കേഷന് നാട്ടിൽ വന്നപ്പോൾ എന്നെ നീന്തല് പഠിപ്പിക്കാൻ ആണെന്ന് പറഞ്ഞു കൊണ്ടുപോയി കുളത്തിൽ തള്ളി. ചാവുന്നതിനു മുൻപേ അങ്ങേര് തന്നെ പിടിച്ചു കയറ്റി. അമ്മമ്മയുടെ കയ്യിൽ നിന്ന് ശരിക്ക് കിട്ടി. വെക്കേഷന് മാത്രമേ തമ്മിൽ കാണുമായിരുന്നുള്ളൂ. എങ്കിലും അടിയോടടി. പിന്നെ എപ്പോഴോ വഴക്കുണ്ടാക്കിയും പരസ്പരം വേദനിപ്പിച്ചു എൻ്റെ ഹൃദയത്തിനുള്ളിൽ കയറി അങ്ങോരങ്ങിരുന്നു. ഈ കാര്യം ആകെ അറിയാവുന്നത് ഹേമേച്ചിക്കാണ്. ഹേമേച്ചി പാവാ, ഈ വീട്ടിലെ കാര്യസ്ഥന്റെ മകൾ. പക്ഷേ പ്രേമം ആയിരുന്നു ... സഹദേവൻ മാമേടെ മോൻ മിധുൻ ചേട്ടനുമായിട്ട്. അത് വീട്ടിൽ അറിഞ്ഞപ്പോൾ എന്റെ അമ്മോ... പിന്നെ രണ്ടും കൂടി ഒളിച്ചോടിപ്പോയി. മിഥുൻ ചേട്ടൻ കട്ടക്ക് നിന്നു. പിന്നെ എന്ത് ചെയ്യാൻ പറ്റും. ഒടുവിൽ വീട്ടിൽ കയറ്റി. പക്ഷേ എന്നാലും ഇവിടത്തെ പഴഞ്ചൻമാർക്ക് ഇപ്പോഴും ഹേമേച്ചി കാര്യസ്ഥന്റെ മോളാ... നല്ല ഒന്നാന്തരം അമ്മായിയമ്മ പോര് നടത്താൻ തുടങ്ങിയതാ അമ്മായിമാര്. അമ്മായിമാരെന്നു പറയുമ്പോൾ മിഥുൻ ചേട്ടന്റെ അമ്മ രേഖാന്റെയും ന്റെ ചെകുത്താന്റെ അമ്മ അതായത് എൻ്റെ ഭാവി അമ്മായിയമ്മ ലതികാ കുമാരിയും. കുടുബത്തിൽ പിറന്നവരെന്ന് സ്വയം വിശേഷിപ്പിക്കുന്ന ഈ കൂട്ടർ പോരെടുത്ത് പാവം ഹേമേച്ചിയെ പറപ്പിക്കാൻ നോക്കി. പക്ഷേ മധുൻ ചേട്ടൻ അവിടെയും ചേച്ചിയെ ചേർത്തുപിടിച്ചു. പുള്ളിക്കാരനും കൂടെ ഇറങ്ങിപ്പോകും എന്ന് ഭീഷണിപ്പെടുത്തിയപ്പോൾ അവർ കുറച്ചു ഒതുങ്ങി. ഈ വീട്ടിൽ എനിക്കും പാരയായിട്ടുള്ളതു ഈ കുടുംബസ്ത്രീകളാണ്. വലിഞ്ഞു കയറി വന്നവൾ. അനാഥ പെണ്ണിൻറെ മോള് പിന്നെ എന്തൊക്കെയോ വിശേഷണങ്ങൾ എനിക്കു ചാർത്തിത്തന്നിട്ടുണ്ട്. പിന്നെ എനിക്കൊരു നാത്തൂൻ ഉണ്ട് . യക്ഷി ... അല്ല ദക്ഷി കൃഷ്ണ അതായത് ന്റെ ചെകുത്താന്റെ പെങ്ങൾ, കുരുപ്പിനെന്നെ കണ്ടൂടാ... മിക്കവാറും ഞാനും ചെകുത്താനും തമ്മിലുള്ള അടിയുടെ അടിസ്ഥാനഘടകം ഇവളാണ്. കാര്യം ഇങ്ങനെയൊക്കെയാണെങ്കിലും വലിഞ്ഞു കയറി വന്നവൾ എന്ന് പറഞ്ഞൊന്നും ചെകുത്താൻ എന്നെ വേദനിപ്പിച്ചിട്ടില്ല. മാത്രമല്ല എൻ്റെ അച്ഛനും അമ്മയും ഒക്കെ ആയിട്ട് നല്ല ബന്ധമാണ്. അമ്മയോട് പണ്ടേ വലിയ ഇഷ്ടമായിരുന്നു. കുഞ്ഞു നാളിലെ അമ്മ ഒത്തിരി എടുത്തോണ്ട് നടന്നിട്ടുണ്ടെന്ന് പറഞ്ഞു കേട്ടിട്ടുണ്ട്. അമ്മയോടും ഈ കുടുംബത്തിൽ പിറന്നവർ പോര് എടുക്കുമായിരുന്നു. പക്ഷേ അതൊക്കെ അണ്ടർ ഗ്രൗണ്ടിലൂടെയുള്ള പരിപാടിയേ ഉള്ളൂ. അച്ഛച്ചനും അമ്മമ്മയും അറിഞ്ഞാൽ പറപ്പിക്കും എന്ന് അവർക്കറിയാം. അമ്മ നന്നായി പഠിച്ചു വന്നതു കൊണ്ട് അമ്മക്ക് വന്ന ആലോചന അമ്മയുടെ കോളിഫിക്കേഷൻ അനുസരിച്ചുള്ളതായിരുന്നു. എല്ലാം അറിഞ്ഞുകൊണ്ട് തന്നെയാണ് അച്ഛൻ അമ്മയെ കല്യാണം കഴിച്ചത്. വിവാഹശേഷം അമ്മയും അച്ഛനും മധ്യപ്രദേശിലേക്കു മാറി. അമ്മ അവിടെ തന്നെ ജോലിക്ക് ജോയിൻ ചെയ്തു. മിധുൻ ചേട്ടനും ഹേമേച്ചിക്കും എന്ന വലിയ ഇഷ്ടമാണ്. അമ്മാവൻമാർക്ക് വലിയ പ്രിയം ഒന്നുമില്ല. എൻെറ അമ്മ വന്നില്ലായിരുന്നെങ്കിൽ മൊത്തം അവർക്കല്ലേ ... നല്ല വിഷമം കാണും ... ഇത്രേ കാര്യങ്ങൾ ഞാൻ മാനത്തോട്ടും നോക്കി ആലോചിച്ചു നിൽക്കിമ്പോൾ പെട്ടെന്ന് എന്തോ കുളത്തിൽ വീഴുന്ന ശബ്ദം കേട്ടു. ഞാൻ ആ വശത്തേക്കു തിരിഞ്ഞതും എനിക്കുമുന്നിലൊരു രൂപം ഉയർന്നു പൊങ്ങി. ഞെട്ടലോടെ നോക്കിയ എന്റെ കണ്ണുകൾ ചെന്നു പതിഞ്ഞതു അവന്റെ നെഞ്ചിൽ ടാറ്റു ചെയ്ത " യുവ " എന്ന അക്ഷരങ്ങളിലേക്കാണ്. ആളെ മനസ്സിലാക്കാൻ വലിയ ബുദ്ധിമുട്ടുണ്ടായില്ല. ന്റെ ചെകുത്താൻ. ഇത്രേം കാര്യങ്ങൾ ഞാൻ മാനത്തോട്ടും നോക്കി ആലോചിച്ചു നിൽക്കിമ്പോൾ പെട്ടെന്ന് എന്തോ കുളത്തിൽ വീഴുന്ന ശബ്ദം കേട്ടു. ഞാൻ ആ വശത്തേക്കു തിരിഞ്ഞതും എനിക്കുമുന്നിലൊരു രൂപം ഉയർന്നു പൊങ്ങി. ഞെട്ടലോടെ നോക്കിയ എന്റെ കണ്ണുകൾ ചെന്നു പതിഞ്ഞതു അവന്റെ നെഞ്ചിൽ ടാറ്റു ചെയ്ത " യുവ " എന്ന അക്ഷരങ്ങളിലേക്കാണ്. ആളെ മനസ്സിലാക്കാൻ വലിയ ബുദ്ധിമുട്ടുണ്ടായില്ല. ന്റെ ചെകുത്താൻ. ഈശ്വരാ... ഉണ്ണിയേട്ടനിതെവിടുന്നു പൊട്ടിവീണു. ആലോചിച്ചു തീരും മുൻപേ എന്റെ ഷോൾഡറുകളിൽ ചെകുത്താന്റെ കരുത്തുറ്റ കരങ്ങളുടെ പിടി മുറുകിയിട്ടുണ്ടായിരുന്നു. ആ മുഖത്തേക്കു നോക്കും മുൻപേ എന്നെ ബലമായിപ്പിടിച്ചു വെള്ളത്തിലേക്കു മുക്കി. എനിക്കു ശ്വാസം മുട്ടുന്നു. ഇയാളിതെന്നെ കൊല്ലാൻ നോക്കുവാളല്ലോ ഭഗവാനേ... വെപ്രാളത്തിൽ അങ്ങേരെ തന്നെ ഞാൻ മുറുകെപ്പിടിച്ചു. ചാവു മുന്നേ ഉണ്ണിയേട്ടൻ തന്നെ പൊക്കിയെടുത്തു. ശരിക്കും ബോധം പോകുന്നതു പോലെ തോന്നിയെനിക്ക്. എന്റെ കണ്ണിൽ ഇരുട്ടു കയറി. ഞാൻ കണ്ണുതുറന്നപ്പോൾ പടിയിൽ കിടക്കുന്ന എന്റെ മുഖത്തേക്കു തന്നെ നോക്കിയിരിക്കുന്ന ഉണ്ണിയേട്ടനെയാണ് കണ്ടത്. ആകെ നനഞ്ഞൊട്ടി അങ്ങിനെ കിടക്കാൻ മടി തോന്നിയതുകൊണ്ടു ചാടിപിടഞ്ഞെഴുന്നേറ്റു. ആ മുഖത്തപ്പോഴും ദേഷ്യം തന്നെ. ഉണ്ണിയേട്ടനെന്തിനാ എന്നെ മുക്കിക്കൊല്ലാൻ നോക്കിയത് ? " ഞാൻ പരിഭവത്തോടെ ചോദിച്ചു. " എന്താ , പണ്ടത്തെപ്പോലെ എൻ്റെ അച്ഛമ്മയെ കൊണ്ട് തല്ലു കൊള്ളിപ്പിക്കണമെന്ന് തോന്നുന്നുണ്ടോ. " " ഹാ... ഞാൻ പറയും. " അല്പം വാശി എനിക്കും തോന്നി. https://share.aksharathalukal.in/s/56456/view സ്റ്റോറി ഇവിടെ ഉണ്ടേ ♥️ഇതുപോലെ ഉള്ള നിരവധി കഥകൾ പരസ്യങ്ങൾ ഒന്നുമില്ലാതെ വായിക്കുവാനും... മനസ്സിലുള്ള കഥകൾ എഴുതി പണം സമ്പാദിക്കുവാനും aksharathalukal ഡൗൺലോഡ് ചെയ്യാൻ മറക്കല്ലേ ❤️ #💞 പ്രണയകഥകൾ #📔 കഥ #😍 ആദ്യ പ്രണയം #💖 മഴയും പ്രണയവും #📙 നോവൽ