*चाकूर पंचायत समितीच्या गटविकास अधिकाऱ्यांवर अविश्वास प्रस्ताव: अविश्वास प्रस्ताव एकमताने मंजूर.* चाकूर: पंचायत समितीचे गटविकास अधिकारी संतोष वंगवाडे हे पंचायत समिती सभापती , उपसभापती व सदस्यांना विश्वासात घेऊन काम करत नाहीत. मागच्या मासिक बैठकीत घरकुल व इतर कामासंदर्भात अहवाल सादर करण्यात सांगितला होता मात्र तोही अद्याप सादर केला गेला नाही. अशा अनेक कारणांत गटविकास अधिकारी हे कसूर करत आहेत. यामुळे पंचायत समिती सदस्य संतोष कलवले यांनी गटविकास अधिकारी संतोष वंगवाडे यांच्यावर अविश्वास ठराव मांडला. या ठरावाला उपसभापती भुजंग शिंदे यांनी अनुमोदन दिले व सर्व सदस्यांनी हात उंचावून एक मताने गटविकास अधिकारी संतोष वंगवाडे यांच्या वरचा अविश्वास ठराव मंजूर केला. व तो पुढील कार्यवाही साठी वरिष्ठांकडे पाठवणार असल्याचे सभापती जयश्री नागरगोजे यांनी सांगितले. #📝मराठवाडा अपडेट्स