Part 3 b അന്തമില്ലാത്ത വരികൾ - സഖിയുടെ സഖാവ് - അതേ നിമിഷം തന്നെയായിരുന്നു ദേവ് അവിടേക്ക് എത്തിയത്. കണ്ണുകൾ അറിയാതെ ലക്ഷ്മിയിലേക്കെത്തി. അതേ സമയം ലക്ഷ്മിയും അവനെ നോക്കി. പേടിയോടെ ലക്ഷിമി പെട്ടന്ന് തന്നെ തല താഴ്ത്തി. “നിയ … ഇത് ഞങ്ങളിലെ അഞ്ചാമൻ ദേവ്,” അലി ദേവിനെ പരിചയപ്പെടുത്തി. “ഇത് എന്റെ ഫ്രണ്ട് ലക്ഷ്മി,” നിയയും ഒട്ടും വിട്ടുകൊടുക്കാതെ പറഞ്ഞു. കുസൃതിയോടെ ഉള്ള അവളുടെ മറുപടിയിൽ എല്ലാവരുടെയും മുഖത്ത് ഒരു പുഞ്ചിരി വിരിഞ്ഞു. നിങ്ങളെല്ലാരും ഇവിടെ നിൽക്കുകയാണോ? ഇന്നത്തെ മീറ്റിങ്ങിന്റെ കാര്യങ്ങൾ തീരുമാനിക്കണ്ടേ?” ദേവ് എല്ലാവരെയും നോക്കി ചോദിച്ചു. അയ്യേ… അതങ്ങ് മറന്നുപോയല്ലോ!” അലി ചിരിച്ചുകൊണ്ട് പറഞ്ഞു. ബാക്കിയുള്ളവരെല്ലാം മാവിൻചുവട്ടിൽ എത്തിയിട്ടുണ്ട്. നമുക്ക് അങ്ങോട്ട് പോയിട്ട് ബാക്കി കാര്യങ്ങൾ തീരുമാനിക്കാം,” ദേവ് എല്ലാവരെയും നോക്കി പറഞ്ഞു. അവർ ഒരുമിച്ചു മാവിൻ ചുവട്ടിലേക് നടന്നു. സഖാക്കളേ, ഇന്ന് വൈകുന്നേരം നാല് മണിക്ക് എസ്.എഫ്.ഐയുടെ പാർട്ടി ഓഫീസിൽ നവാഗതർക്കായി ഒരു പൊതുയോഗം സംഘടിപ്പിച്ചിട്ടുണ്ട്. പാർട്ടി മെമ്പർഷിപ്പിനെക്കുറിച്ചും കോളേജിലെ പ്രവർത്തനങ്ങളെ കൂടുതൽ ശക്തിപ്പെടുത്തുന്നതിനെക്കുറിച്ചും ചർച്ച ചെയ്യാനാണ് ഈ യോഗം. എല്ലാവരും നിർബന്ധമായും പങ്കെടുക്കണമെന്ന് അഭ്യർഥിക്കുന്നു.” ലാൽ സലാം, സഖാക്കളേ!” ദേവ് പറഞ്ഞു. ലാൽ സലാം!” ഒരേ സ്വരത്തിൽ എല്ലാവരും മറുപടി നൽകി. അപ്പോഴായിരുന്നു കോളേജ് ബെൽ മുഴങ്ങിയത്. “ അത് കേട്ടതോടെ എല്ലാവരും പല ഭാഗങ്ങളിലായി പിരിഞ്ഞു. ലക്ഷ്മിയും നിയയും ഓരോ വിശേഷങ്ങൾ പറഞ്ഞും പൊട്ടിച്ചിരിച്ചും ക്ലാസിലേക്കുള്ള വഴിയിലൂടെ നടന്നു. അടഞ്ഞുകിടന്ന ക്ലാസ്‌റൂമിന്റെ വാതിൽ തുറന്ന് ലക്ഷ്മിയും നിയയും അകത്തേക്ക് കയറി. ബാഗുകൾ ബെഞ്ചിൽ വെച്ചു. അവർ സീറ്റിൽ ഇരുന്നതിന് പിന്നാലെ തന്നെ റഷീദ് സാറും ക്ലാസിലേക്ക് എത്തി. ഗുഡ് മോണിംഗ്, സാർ,” വിദ്യാർത്ഥികൾ ഒരുമിച്ച് അഭിവാദ്യം ചെയ്തു. ഗുഡ് മോണിംഗ്,” പുഞ്ചിരിയോടെ മറുപടി പറഞ്ഞ ശേഷം സാർ പറഞ്ഞു. ഇന്ന് സെമിനാർ ഹാളിൽ ഒരു പേപ്പർ പ്രസന്റേഷൻ സംഘടിപ്പിച്ചിട്ടുണ്ട്. പരിപാടി മൂന്ന് മുപ്പത് വരെ തുടരും. തുടരും part c #💞 പ്രണയകഥകൾ #📙 നോവൽ #📔 കഥ #തുടർകഥ #prathilipi