#🍲 ഭക്ഷണപ്രേമി *🌶️ ഇന്നത്തെ പാചകം 🍳* *മുതിര വിളയിച്ചത്* +-------+------+------+------+ ```ചെറുപയറും, അവലും വിളയിച്ചു കഴിച്ചു ശീലിച്ച മലയാളിക്ക മുതിര വിളയിച്ചത് അപരിചിതമായിരിക്കും. കുതിരക്കു നൽകുന്ന മുതിരക്ക് അടുക്കളയിൽ എന്തു കാര്യം എന്നാണോ?. എന്നാൽ നമ്മുടെ ആരോഗ്യത്തിൽ മുതിരക്കും പങ്കുണ്ട്. പ്രത്യേകിച്ച് മഴക്കാലത്ത് ഇത് കഴിക്കുന്നത് പേശി സന്ധി വേദനകൾക്ക് ഗുണം ചെയ്യും. മാംസ്യവും, ജീവകങ്ങളും, ധാതുക്കളും അടങ്ങിയ പോഷകങ്ങളുടെ ഉറവിടമാണ് മുതിര. ചെറുപയറും മറ്റും പുഴുങ്ങി കഴിക്കുന്നതു പോലെ ഇതും കഴിക്കാവുന്നതാണ്. മുതിര വ്യത്യസ്ത തരത്തിൽ പാകം ചെയ്യാവുന്നതാണ്. അതിൽ തന്നെ കുട്ടികൾക്ക് ഇഷ്ടപ്പെടുന്ന രീതിയിൽ ഇങ്ങനെ പാകം ചെയ്തെടുക്കൂ.``` ________________________ *ചേരുവകൾ* _______________________ _മുതിര- 1 കപ്പ്_ _ഉപ്പ്- 1 ടീസ്പൂൺ_ _വെള്ളം- 1/2 കപ്പ്_ _ശർക്കര- ആവശ്യത്തിന്_ _തേങ്ങ- ആവശ്യത്തിന്_ ______________________ *തയ്യാറാക്കുന്ന വിധം* ______________________ ```ഒരു ബൗൾ വെള്ളത്തിലേക്ക് ഒരു കപ്പ് മുതിരയെടുത്ത് കുതിർക്കാൻ വക്കാം. ഒരു രാത്രി അല്ലെങ്കിൽ 8 മണിക്കൂർ അത് മാറ്റി വക്കാം. ശേഷം അത് വെള്ളം കളഞ്ഞ് ഒരു കുക്കറിലേക്കു മാറ്റാം. അതിലേക്ക് ഒരു ടീസ്പൂൺ​ ഉപ്പ് ചേർത്ത് വെള്ളം ഒഴിച്ച് വേവിച്ചെടുക്കാം. ശേഷം ഒരു പാൻ അടുപ്പിൽ വച്ചു ചൂടാക്കാം. അതിലേക്ക് വേവിച്ച മുതിര ചേർക്കാം. മധുരത്തിനനുസരിച്ച് ശർക്കര പൊടിച്ചതു ചേർത്തിളക്കാം. ശർക്കര അലിഞ്ഞതിനു ശേഷം ആവശ്യത്തിന് തേങ്ങയും ചേർത്തിളക്കി യോജിപ്പിക്കാം. ഇത് ചൂടോടെ വിളമ്പി കഴിച്ചു നോക്കൂ.``` +-----+------+------+------+