नाशिक मधील भोंदू बाबा अशोक खताचे प्रकरण चांगलेच गाजले होते. याप्रकरणात अशोक खरातला अटक झाली असून त्यांचे भक्त असणाऱ्या अनेक राजकीय नेत्यांचे कनेक्शन उघड झाले होते. त्यात रूपाली चाकणकर यांचेही नाव समोर आले होते. त्याच प्रकरणावर "महाराष्ट्र एपस्टीन फाईल्स" नावाचा चित्रपट लवकरच येणार आहे. या चित्रपटात अभिनेत्री दीपाली सय्यद हिने रुपाली चाकणकरांची भूमिका साकारली आहे. आता त्याच चित्रपटाच्या टिझरला पाहून रुपाली चाकणकर चांगल्याच संतापल्या आहेत. त्या म्हणाल्या, "जो कथित सिनेमा येतो आहे ते प्रकरण न्यायालयात प्रलंबीत आहे. एखादे पात्र साकारताना सबंधित पात्राची परवानगी घेणे आवश्यक असते. माझी कुठलीही परवानगी घेण्यात आलेली नाही. त्यामुळे त्यांच्या विरोधताही मी कायदेशीर कारवाईचे पाऊल उचलणार आहे." तसेच त्यांच्यावर होणाऱ्या आरोंपावर रुपाली चाकणकर म्हणाल्या, "खरात प्रकरणात माझ्यावर आणि कुटुंबियांवर वाटेल तसे आरोप करण्यात आले. कुटुंबियांना टार्गेट करण्यात आले. माझी मुलं शैक्षणिक क्षेत्रात असूनही त्यांच्यावरही वाटेल तसे आरोप करण्यात आले. दिल्ली हायकोर्टातही मी याचिका दाखल केलेली आहे. त्यात रुपाली ठोंबरे, सुषमा अंधारे, अंजली दमानिया आणि आशा मिरगे यांना नोटिसा गेलेल्या आहेत. 10 जुलैला दिल्ली हायकोर्टात मी स्वतः हजर राहणार आहे. तसेच काही यूट्यूब चॅनेल्स आहेत त्यांच्याविरोधातही आम्ही कोर्टात जाणार आहे." #🏛️राजकारण #🔴आजचे ताजे अपडेट्स📰 #👌हृदयस्पर्शी फोटो #1️⃣महाराष्ट्र अपडेट्स #👌प्रेरणादायी स्टेट्स