సిరికిం జెప్పఁడు; శంఖ చక్ర యుగముం జేదోయి సంధింపఁ; డే పరివారంబునుఁ జీరఁ' డభ్రగపతిం బన్నింపఁ' డాకర్ణికాం తర ధమ్మిల్లముఁ జక్క నొత్తఁడు; వివాదప్రోత్థిత శ్రీకుచో పరిచేలాంచలమైన వీడఁడు గజప్రాణావనోత్సాహియై.. అర్థం: సిరికిం = లక్ష్మీదేవికి; చెప్పఁడు = చెప్పలేదు ; శంఖ = శంఖము; చక్ర = సుదర్శన చక్రము;యుగముం = రెండింటిని; చేదోయి = రెండు చేతులలోనూ; సంధింపఁడు = ధరించలేదు; ఏ పరివారంబును = తన చుట్టు ఉన్నవారిని; చీరఁడు = పిలువలేదు; అభ్రగపతిం =గరుత్మంతుడిని ; బన్నింపఁడు = పిలువలేదు; ఆకర్ణికాంతర = చెవుల మీద పడుతున్న;ధమ్మిల్లముఁ = జుట్టును; చక్కనొత్తఁడు = సర్దుకోలేదు; వివాద = తగవు వలన; ప్రోత్థిత = ఎత్తిన;శ్రీ = లక్ష్మీదేవి యొక్క; కుచ = గుండెల మీద; పరి చేలాంచలము = చీర కొంగు; ఐన =అయినా; వీడఁడు = విడువలేదు; గజ = గజేంద్రుని; ప్రాణా = ప్రాణాలను; వనోత్సాహియై =రక్షించాలనే తొందరలో; భావం: గజరాజు ప్రాణాలను కాపాడాలన్న తొందరలో శ్రీహరి, లక్ష్మీదేవికి చెప్పలేదు; శంఖ చక్రాలను ధరించ లేదు; తనవారిని ఎవరినీ రమ్మనలేదు; గరుత్మంతుడిని రమ్మనలేదు; చెదరినజుట్టును కనీసం సర్దుకోలేదు; (ఆటలో తలెత్తిన) వివాదం మూలాన తాను పట్టుకున్న లక్ష్మీదేవి చీర కొంగును సైతం విడిచిపెట్టలేదు.. సేకరణ 🙏 #దేవుళ్ళ స్టేటస్ #జై శ్రీకృష్ణ 🚩 #శ్రీ కృష్ణ #🌅శుభోదయం #🙏🏻భక్తి సమాచారం😲