അഭിജിത് ദീപ്‌കെയുടെ ഇന്നത്തെ വാക്കുകളിൽ എന്നെ ഏറ്റവും ആകർഷിച്ച ഒരു മുദ്രാവാക്യമുണ്ട്. . ആ മുദ്രാവാക്യം അദ്ദേഹം നാലോ അഞ്ചോ തവണ ആവർത്തിച്ചു. ആവർത്തിക്കുക മാത്രമല്ല, കുട്ടികളെക്കൊണ്ട് അത് ആവർത്തിച്ച് ഏറ്റുചൊല്ലിച്ചു. ഈ നാട് മുഴുവൻ ഇത് ശ്രദ്ധിച്ചു കേൾക്കണമെന്ന് വീണ്ടും വീണ്ടും പറഞ്ഞു കൊണ്ടാണ് ദീപ്‌കേ ആ മുദ്രാവാക്യം വിളിച്ചത്. . "ഹിന്ദു-മുസ്‌ലിം കീ രാജ് നീതി നഹീ ചലേഗി നഹീ ചലേഗി" ഹിന്ദു മുസ്‌ലിം രാഷ്ട്രീയത്തിന്റെ കാലം കഴിഞ്ഞെന്ന്.. അത് ഈ മണ്ണിൽ ഇനി ചിലവാകില്ലെന്ന്.. ഇക്കാര്യം ആവർത്തിച്ചു പറഞ്ഞ ശേഷം ദീപ്‌കേ മറ്റൊരു വാചകം കൂടി പറഞ്ഞു. മോദി സെ കെഹ്നാ ചാഹ്താ ഹൂം, സുബാ ഹോഗയീ ഹെ മാമൂ.. അമ്മാവാ നേരം വെളുത്തിരിക്കുന്നു എന്ന്.. ഇനിയും ഈ കളി തുടരാൻ പറ്റില്ലെന്ന്. ഡൽഹിയിലെ തെരുവുകളിൽ കഴിഞ്ഞ ദിവസങ്ങളിൽ കുട്ടികൾ തൊണ്ടയിടറി ആവർത്തിച്ചു വിളിച്ച മുദ്രാവാക്യവും മറ്റൊന്നായിരുന്നില്ല. "ജബ് ജബ് മോദി ഡർത്താ ഹേ ഹിന്ദു മുസ്‌ലിം കർത്താ ഹേ" ഇന്ത്യയുടെ വിവിധ സംസ്ഥാനങ്ങളിൽ നിന്നെത്തിയെ കുട്ടികൾ, ജാതിയും മതവും സംസ്ഥാന അതിർത്തികളും മറന്ന് കൈകോർത്ത് വിളിച്ച മുദ്രാവാക്യം. എപ്പോഴൊക്കെ മോദി ഭയപ്പെടുന്നുണ്ടോ അപ്പോഴൊക്കെ ഹിന്ദു മുസ്‌ലിം രാഷ്ട്രീയം കളിക്കാറുണ്ടെന്ന്.. ഈ തിരിച്ചറിവിനോളം വലിയ തിരിച്ചറിവ് വേറെയില്ല. ഒരു വിദ്യാഭ്യാസ മന്ത്രിയുടെ രാജി സൃഷ്ടിക്കുന്ന വാർത്താപ്രാധാന്യത്തിന് അപ്പുറം ഹിന്ദി ബെൽറ്റിലെ കുട്ടികളിൽ അത്തരമൊരു തിരിച്ചറിവ് ഉണ്ടാകുന്നുണ്ടെങ്കിൽ അതാണ് ഈ സമരത്തിന്റെ ഏറ്റവും ക്രിയാത്മകമായ ബാക്കിപത്രം. അഭിജിത് ദീപ്‌കെ എന്ന ചെറുപ്പക്കാരൻ നിർവഹിച്ച ഏറ്റവും സർഗാത്മകമായ ചരിത്ര ദൗത്യവും അത് തന്നെയാണ്. (ഒരുപക്ഷെ CJP നാളെ ഇല്ലാതായേക്കാം പക്ഷെ അവർ ഉയർത്തിയ മുദ്രാവാക്യങ്ങളിൽ പലതും നിലനിൽക്കുകതന്നെ ചെയ്യും. തന്മൂലം കുട്ടികളിൽ ഉണ്ടാക്കിയ രാഷ്ട്രീയ ബോധം, മനുഷ്യ സ്നേഹം ഒക്കെ നാളെകളിലും ഇന്ത്യയിൽ ജനാധിപത്യം പുലരാൻ കാരണമാകും.) . . . . #🗳️ രാഷ്ട്രീയം #🔵 യുഡിഎഫ് #💪🏻 സിപിഐഎം #🔴 എൽഡിഎഫ് #🙏 രാഹുൽ ഗാന്ധി