#ఆషాడ మాస విశిష్టత #అషాడ మాస విశిష్టత ఆషాఢమాసం ... విశేషాలు, ప్రాముఖ్యత #అమ్మ పూజకు అనువైన మాసం 🔱 ఓం శ్రీ మాత్రే నమః 🕉️🙏 #అషాడ మాస విశిష్టత ఆషాఢమాసం ... విశేషాలు, ప్రాముఖ్యత #ఆషాడ మాసం - ఆధ్యాత్మికతకు అనువైన మాసం 15th July 2026 *ఆషాఢమాసం ప్రారంభం* : ఆషాఢమాసంలో గ్రామదేవతలను ఆరాధిస్తారు. గ్రామదేవతలు మొత్తం నూట ఎనిమిది మంది ఉన్నారంటారు. వారి తోడబుట్టిన వాడు పోతురాజు. సరిహద్దులో, పొలిమేరలో, ఊరిమధ్యలో మనకు గ్రామదేవతలుంటారు. జాతర సమయంలో గ్రామదేవతకు కొలుపులు సమర్పిస్తారు. తెలుగునాట గ్రామదేవతలకు జరిగే పండుగల్లో ముఖ్యంగా... బోనం, వేపను పూజించడం, ఘటం, గరగ సమర్పించడం, గాజులు, గవ్వలు సమర్పించడం, గుమ్మడికాయ కొట్టడం మొదలైనవి ప్రధానాంశాలుగా చెప్పవచ్చు. ఆషాఢమాసం వచ్చిందంటే తెలంగాణ నేలపై బోనాల సంబురాలు మొదలవుతాయి. నెత్తిన బోనం కుండలతో, ఘటాలతో.... పోతురాజుల విన్యాసాలతో, ఫలహారపు బళ్లతో భాగ్యనగర వీధులన్నీ కళకళలాడుతాయి. తల్లీ బైలెల్లినాదో... చల్లంగ మమ్మేలు మాయమ్మో... అంటూ జానపదుల పాటలు హుషారెత్తిస్తాయి. వర్షకాలంలో వచ్చే మహమ్మారుల నుంచి కాపాడమని జగన్మాతకు బోనాలు సమర్పిస్తారు. పంటలు వృద్ధి చెందాలని, ప్రతి ఇల్లు పిల్లాపాపలతో వర్ధిల్లాలని కోరుకుంటారు. ముఖ్యంగా హైదరాబాద్, సికింద్రాబాద్ నగరాల్లో ప్రతి ఆదివారం బోనాల పండుగ చూసేవారికి చూడవేడుకగా సాగుతుంది