నువ్వు మెల్లగా మరణించడం మొదలుపెడతావు ... నువ్వు పర్యటించకపోతే, నువ్వు చదవకపోతే, నువ్వు జీవిత ధ్వనులను వినకపోతే, నిన్ను నువ్వు అభిమానించకపోతే, నువ్వు మెల్లగా మరణించడం మొదలుపెడతావు! నీ ఆత్మ గౌరవాన్ని నువ్వు చంపుకున్నప్పుడు, సహాయం చేసే చెయ్యి అందుకోనప్పుడు, నువ్వు మెల్లగా మరణించడం మొదలు పెడతావు! నీ అలవాట్లకు నువ్వు బానిస అయినప్పుడు, అదే దారిలో రోజూ నడుస్తున్నప్పుడు, నువ్వు అలవాటుగా చేసే పని మార్చనప్పుడు, నువ్వు వివిధ రంగులు ధరించనప్పుడు, లేదా అపరిచయస్తులతో మాట్లాడనప్పుడు, నువ్వు మెల్లగా మరణించడం మొదలుపెడతావు ఆవేశాన్నీ, ఆవేశం సృష్టించే అల్లకల్లోల భావాల్నీ, నీ కళ్ళను చెమ్మగిల్లేలా, నీ గుండె వేగంగా కొట్టుకునేటట్లు చేసే సంఘటనలనూ, గతకాలపు గమకాలను నువ్వు తప్పించుకు తిరుగుతున్నప్పుడు, నువ్వు మెల్లగా మరణించడం మొదలుపెడతావు నీ భద్రతను వదలి అనిశ్చితిలోకి నువ్వు అడుగు పెట్టనప్పుడు, నువ్వు ఒక కల వెనుక పరిగెత్తనప్పుడు, జీవితంలో కనీసం ఒక్కసారి, నువ్వు పరిగెత్తనప్పుడు... మెదడు స్తబ్దంగా మారి ఆలోచనేలేని అంధకారంలో నువ్వు మగ్గుతున్నప్పుడు విచక్షణా జ్ఞానానికి వీడ్కోలు చెప్పి నువ్వొక బండ హృదయంగా మారినప్పుడు నువ్వు మెల్లగా మరణించడం మొదలుపెడతావు నీకు ఇష్టమైన రుచులను, ఆహారాన్నీ ఆరగించే అవకాశాన్ని కోల్పోయి, ఇతరుల నియంత్రణలో నీ జిహ్వ చాపల్యం గిలగిలా కొట్టుకునే దౌర్భాగ్యపు స్థితిలోకి నువు మెల్లమెల్లగ నెట్టివేయబడుతూ నీ జీవితం ఇతరుల నియంత్రణలోకి వెళ్తున్నప్పుడు నీవు మానసికంగా మరణించడం మొదలుపెడతావు! అందుకే! నీ జీవితాన్ని ప్రేమించు, నిన్ను నువ్వు ప్రేమించు..... అమృతహృదయి "అమ్మ"ను ప్రేమించు, బాధ్యతల బండరాళ్ళను భుజంపై మోసి కుటుంబాన్ని నిర్మించిన నాన్నను ప్రేమించు... నీ జీవిత సహచరినీ , పిల్లల్ని ప్రేమించు కానీ ఎవరికీ బానిసగా మారకు .... #🗣️జీవిత సత్యం #💗నా మనస్సు లోని మాట #నా మదిలోని భావాలు...✍🏻 #నా అంతరంగం #😃మంచి మాటలు