#अधिक मास #गुरुपुष्य अम्रुत योग... #☀️गुड मॉर्निंग☀️ #🌻आध्यात्म 🙏 #😇भक्ती स्टेट्स . *अधिकमासात आईची ओटी* *भरण्याला महत्व का?* *⎝⎝꧁!! 🪷 !!꧂⎠⎠* अधिकमास या महिन्याला हिंदू धर्मात विशेष महत्व प्राप्त आहे. हा महिना भगवान विष्णू यांना समर्पित असल्याने या संपूर्ण महिन्यात धार्मिक विधी,अध्यात्मिक साधना व विष्णूंची पूजा आराधना केली जाते. तसेच अधिकमास या महिन्याला इतर अनेक बाबतीत देखील महत्वाचे मानले जाते. जुन्या रूढी परंपरा या महिन्यात जपल्या जातात. अधिकमास म्हंटले की डोळ्यासमोर येते जावयाचे साग्रसंगीत जेवण आणि धोंड्याचा महिना. मात्र हा महिना केवळ जावयासाठीच विशेष नसतो तर या महिन्यात सुवासिनी मुलीने आपल्या आईची ओटी भरण्याला देखील खास कारण असते. त्यामुळे पाहुयात या महिन्यात आईची ओटी का भरली जाते व त्यासाठी कोणते साहित्य आपल्याकडे असावे. *अधिकमासात आईची ओटी का भरावी* अधिकमास हा महिना धार्मिकदृष्ट्या महत्वाचा मानला जातो. या महिन्यात दान पुण्याला विशेष महत्व आहे. आईला आपण देवाच्या रूपात सदैव पुजतो तिचा आदर करतो. स्वामी तिन्ही जगाचा आईविना भिकारी ही म्हण आपल्याकडे आहे. त्यामुळे हिंदू धर्मात आईला विशेष स्थान दिलेले आहे. आई आपल्या मुलांना जन्म देते त्यांचे पालन पोषण करते, मुलांना वाढवते त्यांना संस्कार देते. मुल जन्माला घालताना आईचा देखील दुसरा जन्म होतो असे बोलले जाते. त्यामुळे आईच्या ऋणातून मुक्त होण्यासाठी आईला दान म्हणजेच ओटी पदरात घातली जाते. यामुळे कौटुंबिक सुख आणि सौभाग्य मुलीला मिळते असे देखील मानतात. *ओटी भरताना कोणते साहित्य असावे* ओटी भरताना तुम्ही काही गोष्टी अवश्य आपल्याजवळ ठेवाव्यात. सर्वात आधी एक खण किंवा कोणताही ब्लाऊजपीस घ्यावा. साडीचोळीने देखील तुम्ही ओटी भरू शकता. साडीचोळीवर थोड्या अक्षता टाकाव्यात त्यांना हळदकुंकूं लावावे. मग ओटीत नारळ घ्यावा,हळकुंड,खारीक,बदाम किंवा पाच प्रकारची फळे ओटीत टाकावीत. ही ओटी आईच्या पदरात घालून तिला नमस्कार करावा. ओटीतील या सर्व वस्तू सौभाग्य,मांगल्य,सुख समृद्धीचे प्रतीक मानले जातात. त्यामुळे ओटी भरताना या वस्तू विसरू नयेत. •┈••✦🌼✦••┈• *❀꧁राम कृष्ण हरी꧂❀*