📖നേർവായന എപ്പിസോഡ് :1494 ഇന്നത്തെ വിഷയം: പര്‍ദ്ദയുടെ പ്രാധാന്യം ◼️ ഭാഗം - 01 ➖➖➖ ➖➖➖➖➖➖ 🔲ഇസ്‌ലാമിൽ സ്ത്രീകളുടെ വസ്ത്രധാരണത്തെയും ഹിജാബിനെയും കുറിച്ചുള്ള ശരിയായ കാഴ്‌ചപ്പാട് വിശുദ്ധ ഖുർആന്റെയും പ്രവാചകചര്യയുടെയും വെളിച്ചത്തിൽ മനസ്സിലാക്കേണ്ടതുണ്ട്. ബാഹ്യമായ ഒരു വസ്ത്രം ധരിക്കുക എന്നതിനപ്പുറം, അത് അല്ലാഹുവിനോടുള്ള സമർപ്പണത്തിന്റെയും വ്യക്തിത്വ സംരക്ഷണത്തിന്റെയും ഭാഗമാണ്. വിശ്വാസിനികളായ സ്ത്രീകൾ തങ്ങളുടെ വസ്ത്രധാരണത്തിൽ പുലർത്തേണ്ട സൂക്ഷ്മതയെക്കുറിച്ച് അല്ലാഹു 2 ആയത്തുകളിലൂടെ വ്യക്തമാക്കുന്നുണ്ട്: 1. ജിൽബാബ് ധരിക്കാനുള്ള കൽപ്പന يَٰٓأَيُّهَا ٱلنَّبِىُّ قُل لِّأَزْوَٰجِكَ وَبَنَاتِكَ وَنِسَآءِ ٱلْمُؤْمِنِينَ يُدْنِينَ عَلَيْهِنَّ مِن جَلَٰبِيبِهِنَّ ۚ ذَٰلِكَ أَدْنَىٰٓ أَن يُعْرَفْنَ فَلَا يُؤْذَيْنَ ۗ وَكَانَ ٱللَّهُ غَفُورًا رَّحِيمًا നബിയേ, നിന്‍റെ പത്നിമാരോടും പുത്രിമാരോടും സത്യവിശ്വാസികളുടെ സ്ത്രീകളോടും അവര്‍ തങ്ങളുടെ മൂടുപടങ്ങള്‍ തങ്ങളുടെമേല്‍ താഴ്ത്തിയിടാന്‍ പറയുക: അവര്‍ തിരിച്ചറിയപ്പെടുവാനും, അങ്ങനെ അവര്‍ ശല്യം ചെയ്യപ്പെടാതിരിക്കുവാനും അതാണ് ഏറ്റവും അനുയോജ്യമായത്‌. അല്ലാഹു ഏറെ പൊറുക്കുന്നവനും കരുണാനിധിയുമാകുന്നു. (ഖുർആൻ:33/59) ഈ വചനത്തിൽ പറയുന്ന ‘ജിൽബാബ്’ എന്നാൽ ശരീരത്തെ മുഴുവനായി മൂടുന്ന വസ്ത്രമാണ്. ഇന്നത്തെ കാലത്ത് നാം ഉപയോഗിക്കുന്ന പർദ്ദ ഇതിന്റെ ആധുനിക രൂപമാണ്. ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ 2. സൗന്ദര്യം വെളിപ്പെടുത്താതിരിക്കൽ وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ….. സത്യവിശ്വാസിനികളോടും അവരുടെ ദൃഷ്ടികള്‍ താഴ്ത്തുവാനും അവരുടെ ഗുഹ്യാവയവങ്ങള്‍ കാത്തുസൂക്ഷിക്കുവാനും, അവരുടെ ഭംഗിയില്‍ നിന്ന് പ്രത്യക്ഷമായതൊഴിച്ച് മറ്റൊന്നും വെളിപ്പെടുത്താതിരിക്കുവാനും നീ പറയുക. അവരുടെ മക്കനകള്‍ കുപ്പായമാറുകള്‍ക്ക് മീതെ അവര്‍ താഴ്ത്തിയിട്ടുകൊള്ളട്ടെ. (ഖുർആൻ:24/31) ഇസ്‌ലാം ഒരു പ്രത്യേക നിറത്തിലോ ഡിസൈനിലോ ഉള്ള വസ്ത്രം തന്നെ ധരിക്കണം എന്ന് നിർബന്ധിക്കുന്നില്ല. പകരം, സ്ത്രീകൾ ധരിക്കുന്ന വസ്ത്രം താഴെ പറയുന്ന നിബന്ധനകൾ പൂർത്തിയാക്കുന്നതായിരിക്കണം: ➖➖➖➖➖➖➖➖ Like Our Pinterest: https://in.pinterest.com/Wisdom_Media/_created/ ➖➖➖➖➖➖➖➖ 1.ശരീരം മുഴുവൻ മറയ്ക്കുന്നതായിരിക്കണം 2.വസ്ത്രം സുതാര്യമല്ലാത്തതായിരിക്കണം: ശരീരത്തിന്റെ നിറമോ ചർമ്മമോ പുറത്തുകാണിക്കുന്ന തരത്തിൽ നേർത്തതാകരുത്. 3.ശരീരവടിവ് പ്രകടിപ്പിക്കാത്തത്: ശരീരാവയവങ്ങൾ എടുത്തു കാട്ടുന്ന തരത്തിൽ ഇറുകിപ്പിടിച്ചതാകരുത്. 4.അന്യപുരുഷന്മാരെ ആകർഷിക്കുന്ന അലങ്കാരങ്ങൾ ഇല്ലാത്തത്: വസ്ത്രം ധരിക്കുന്നത് തന്നെ സൗന്ദര്യം മറയ്ക്കാനാണ്. അതിനാൽ വസ്ത്രം തന്നെ ഒരു വലിയ അലങ്കാരമായി ധരിച്ചയാളിലേക്ക് ആളുകളെ ആകർഷിക്കുന്ന തരത്തിൽ മാറരുത്. 5.പുരുഷന്മാരുടെ വസ്ത്രത്തോട് സാദൃശ്യമില്ലാത്തത്: പുരുഷന്മാരുടെ വസ്ത്രധാരണ രീതി സ്ത്രീകളും, സ്ത്രീകളുടേത് പുരുഷന്മാരും അനുകരിക്കരുതെന്ന് ഇസ്ലാം കർശനമായി വിലക്കിയിട്ടുണ്ട്. ➖➖➖➖➖➖➖ Like Our ShareChat: https://sharechat.com/profile/wisdommedia?d=n ➖➖➖➖➖➖➖➖ ഇന്ന് മുസ്ലിം സ്ത്രീകൾ ധരിക്കുന്ന പല വസ്ത്രങ്ങളും അവരുടെ കഴുത്തും കാലുകളും പുറത്ത് കാണുന്ന തരത്തിലുള്ളതാണ്. അവിടെയാണ് പര്‍ദ്ദയുടെ പ്രസക്തി. ➖➖➖➖➖➖➖➖➖ Source: Kanzul uloom #WisdomIslam #wisdom students #wisdomwomen #wisdomgirls #wisdomyouth