"ഏട്ടനെന്താ ഇന്നലെ വരാഞ്ഞത്...ഏടത്തിയെ കാണാൻ പോയതാണോ?" മുകളിലെ സ്റ്റേയെർകേസ് റൂമിലേ സോഫയിൽ വിഹാന്റെ തൊട്ടടുത്ത് ഇരുന്നുകൊണ്ട് വരുൺ ചോദിച്ചു... "കാണാനല്ല... കണ്ടുപിടിക്കാൻ.." കൈയിലെ ഫോണിൽ നോക്കികൊണ്ട് സോഫയിലേക്ക് ഒന്നുകൂടെ പുറം ചാരി വിഹാൻ പറഞ്ഞു  "എന്താ ഏട്ടാ...." വിഹാൻ പറഞ്ഞത് വ്യക്തമാവാത്ത പോലെ വരുൺ ഏട്ടനെ നോക്കി.. "ഏതാടാ ആ മരം കേറി " വരുണിന്റെ ചോദ്യം സ്കിപ് ചെയ്യാനെന്നപോലെ വിഹാൻ ചോദിച്ചു.. "മരം കേറിയോ?.... ഓ... അത്... അവൾടെ കാര്യം പറയാനാ ഞാൻ വന്നത്.. മുത്തശ്ശിനെ നോക്കാൻ വന്ന ഫിസിയോ തെറാപ്പിസ്റ്റാ ഏട്ടാ... ഏട്ടനല്ലേ ഇന്നലെ പറഞ്ഞത് ഏട്ടനെ കണ്ടിട്ട് മാത്രം അകത്തേക്ക് കയറ്റിയാൽ മതിയെന്ന്.." വരുൺ വ്യക്തമാക്കി.. "വിളിക്ക് " വിഹാൻ ഫോണിൽ നിന്നും കണ്ണെടുക്കാതെ പറഞ്ഞു.. വരുൺ ദേവയെ വിളിക്കാനായി സോഫയിൽ നിന്നും എണീറ്റ് മുന്നോട്ടു നടന്നു... പിന്നെന്തോ ഓർത്തപോലെ തിരിഞ്ഞ് ഏട്ടനെ നോക്കി... "ഏട്ടാ.." നെറ്റിച്ചുളിച്ചു ഫോണിലേക്ക് നോക്കുന്ന വിഹാനെ വരുൺ ഒരിക്കൽ കൂടി വിളിച്ചു.. "എന്താ..ടാ...." കാര്യമായി ഫോണിൽ നോക്കുമ്പോ ശല്യപ്പെടുത്തിയത് ഇഷ്ടപ്പെടാത്ത പോലെ വിഹാൻ പിരികം പൊക്കി അലറി.. "ഏട്ടാ.. അത് പിന്നെ... ആ കുട്ടി ഒരു പാവാ..." ഏട്ടന്റെ സ്വഭാവം നല്ലപോലെ അറിയാവുന്നവൻ ഇത്തിരികൂടി അകലമിട്ട് നിന്നുകൊണ്ട് പറഞ്ഞു  "അതിന് " വിഹാൻ ഒരു ചോദ്യഭാവത്തോടെ വരുണിനെ നോക്കി  "അതിനൊന്നും ഇല്ല....  പിന്നെ... ഓർഫനാ ഏട്ടാ... അച്ഛനും അമ്മയും ഒന്നും ഇല്ല... ഏട്ടൻ ഇത്തിരി മയത്തിൽ ...." വരുൺ വിക്കി വിക്കി പറയാൻ തുടങ്ങി  "അച്ഛനും അമ്മയും ഇല്ലാത്തോരൊക്കെ അനാഥരാണെന്ന് നിന്നോടാരാടാ   പറഞ്ഞെ... പോയി വിളിച്ചിട്ട് വാടാ കോപ്പേ....," വിഹാൻ അലറി പറഞ്ഞപ്പോഴേക്കും വരുൺ പടികളിറങ്ങി താഴോട്ടേക്ക് ഓടിയിരുന്നു.. കഥയുടെ ലിങ്ക് ഇവിടെ ❤️ https://share.aksharathalukal.in/s/52071/view ഇതുപോലെയുള്ള കഥകൾ വായിക്കുവാനും... നിങ്ങളുടെ മനസ്സിലുള്ള കഥകൾ എഴുതി സമ്പാദിക്കുവാനും ഇന്ന് തന്നെ അക്ഷരത്താളുകൾ ഡൗൺലോഡ് ചെയ്യാൻ മറക്കല്ലേ ❤️ #😍 ആദ്യ പ്രണയം #📙 നോവൽ #📔 കഥ #💞 പ്രണയകഥകൾ