ବିଶ୍ୱପ୍ରସିଦ୍ଧ ରଥଯାତ୍ରା ପୂର୍ବରୁ ପ୍ରଶାସନ ପକ୍ଷରୁ ସହରରେ ଜଳବନ୍ଦୀ ସମସ୍ୟା ଦୂର କରିବା ଏବଂ ଯେଉଁଠି ପାଣି ଜମିବ ସେଠାରୁ ତୁରନ୍ତ ନିଷ୍କାସନ କରାଯିବ ବୋଲି ଘୋଷଣା କରାଯାଇଥିଲା କିନ୍ତୁ ବର୍ତ୍ତମାନର ସ୍ଥିତି ସେହି ଦାବିର ସମ୍ପୂର୍ଣ୍ଣ ବିପରୀତ ଚିତ୍ର ଦେଖାଉଛି । ସ୍ଥାନୀୟ ଲୋକଙ୍କ ଅଭିଯୋଗ, ଡ୍ରେନ୍‌ଗୁଡ଼ିକର ଠିକ୍ ଭାବେ ସଫେଇ କରାଯାଇନଥିବାରୁ ବର୍ଷାଜଳ ନିଷ୍କାସନ ହୋଇପାରୁ ନାହିଁ । ଫଳରେ ରାସ୍ତାଘାଟ, ସାହି ଓ ଘରଦ୍ୱାରରେ ପାଣି ଜମି ରହିଛି । ଯାତାୟାତ ମଧ୍ୟ ବାଧାପ୍ରାପ୍ତ ହୋଇଥିବାବେଳେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ସ୍ଥାନୀୟ ବାସିନ୍ଦା ତୁରନ୍ତ ଜଳ ନିଷ୍କାସନ ବ୍ୟବସ୍ଥା, ଡ୍ରେନ୍ ସଫେଇ ଏବଂ ଜଳବନ୍ଦୀ ପରିବାରଙ୍କୁ ଆବଶ୍ୟକ ସହାୟତା ଯୋଗାଇବା ପାଇଁ ପ୍ରଶାସନଙ୍କ ହସ୍ତକ୍ଷେପ ଦାବି କରିଛନ୍ତି । #☔️ଏଥର ରଥଯାତ୍ରାରେ ଭାସିବ ପୁରୀ💧