*ప్రభుత్వ పాఠశాలల్లో వ్యాయామ విద్యను మరింత బలోపేతం చేయాలనే లక్ష్యంతో మంత్రి సీతక్క గారిని కలిసిన ఎమ్మెల్యే జారే ఆదినారాయణ* 02/07/2026 | హైదరాబాద్ గ్రామీణ అభివృద్ధి, *స్త్రీ–శిశు సంక్షేమ శాఖ మంత్రిగా ఉన్న Seethakka* గారిని, వ్యాయామ విద్య ఉపాధ్యాయ సంఘం తెలంగాణ (PETA TS) రాష్ట్ర అధ్యక్షులు మరియు అశ్వరావుపేట *ఎమ్మెల్యే Jare Adinarayana గారు* మర్యాదపూర్వకంగా కలిసి రాష్ట్రంలో ప్రభుత్వ పాఠశాలల బలోపేతంపై చర్చించారు. ఈ సందర్భంగా రాష్ట్రవ్యాప్తంగా ఉన్న 1803 ప్రభుత్వ ఉన్నత పాఠశాలల్లో ఖాళీగా ఉన్న వ్యాయామ ఉపాధ్యాయ (PET) పోస్టుల భర్తీపై ప్రధానంగా చర్చ జరిగింది. వెంటనే నోటిఫికేషన్ విడుదల చేసి ఖాళీలను భర్తీ చేయాలని ఎమ్మెల్యే గారు మంత్రి గారి దృష్టికి తీసుకెళ్లారు. పాఠశాలల్లో విద్యార్థుల శారీరక దృఢత్వం, క్రీడల అభివృద్ధి, సమగ్ర వ్యక్తిత్వ వికాసం కోసం వ్యాయామ విద్యకు ప్రత్యేక ప్రాధాన్యం ఇవ్వాల్సిన అవసరాన్ని ఆయన వివరించారు. ఈ పోస్టుల భర్తీ ఆలస్యం కాకుండా చర్యలు తీసుకోవాలని కోరారు. ఈ వినతిపై మంత్రి సీతక్క గారు సానుకూలంగా స్పందిస్తూ, ప్రభుత్వ పాఠశాలల అభివృద్ధి మరియు విద్యార్థుల సమగ్ర వికాసానికి ప్రభుత్వం కట్టుబడి ఉందని పేర్కొంటూ అవసరమైన నిర్ణయాలు తీసుకుంటామని హామీ ఇచ్చారు. ఈ సమావేశంలో *PETA TS రాష్ట్ర ప్రధాన కార్యదర్శి పి. కృష్ణమూర్తి గౌడ్ గారు,* సంఘ ముఖ్య నాయకులు పాల్గొన్నారు. #🌍నా తెలంగాణ #🔹కాంగ్రెస్ #కాంగ్రెస్ పార్టీ తెలంగాణ #🏛️రాజకీయాలు #కాంగ్రెస్