ప్రపంచ కార్మిక దినోత్సవ శుభాకాంక్షలు! ( మే డే )! లేదా దేశ ఆర్థిక ప్రగతికై నిరంతరం రక్తం చిందిస్తూ శ్రమించే వారు కార్మిక సోదరులు అంటే! అసలు మే డే అంటేనే ఓక చారిత్రాత్మక చైతన్య దినం.కార్మికులు,కార్మికుల ఉద్యమాల విజయాలను, పోరాటాలను స్మరించుకునే సుదినమే ఈ మే డే.ఈ మే డే అనేది ఒక్క మన దేశ కార్మికులకే కాదు,యావత్తు ప్రపంచ కార్మికులకు ఇదొక పెద్ద పండుగ దినం.చికాగో లో తమ హక్కుల సాధన కోసం రక్తతర్పణం చేసిన కొంతమంది కార్మికుల త్యాగాల మూలాన ఒక్క మన దేశ కార్మిక వర్గాలకే కాదు యావత్తు ప్రపంచ కార్మిక వర్గాలకే కొత్త వెలుగులు ప్రసరించాయి.వెట్టిచాకిరి నుంచి తమను విముక్తి చేయాలనే ఏకైక లక్ష్యంతో అలుపెరుగని పోరు సల్పారు యావత్ ప్రపంచ కార్మిక సోదరులు.ఆ మహోన్నత,అనంత దృఢదీక్షతో కూడిన పోరాటాల పలితమే నేడు యావత్ ప్రపంచ కార్మికులు సాధించుకున్న కేవలం 8 గంటలు మాత్రమే కార్మికులు పనిచేయాలి,మరో 8 గంటలు విశ్రాంతి ఇవ్వాలి,ఇంకో 8 గంటలు రిక్రియేషన్ ఉండాలి.అంతకుమించి కార్మిక సోదరులకు ఎల్లవేళలా పని కల్పించాలి,మెరుగైన వేతనం ఇవ్వాలి ఇదే వారు బల్లగుద్ది మరీ వారు చేసే ప్రదాన డిమాండ్.ఓక విధంగా చెప్పాలంటే కార్మికులు అంటేనే శ్రమజీవులు,తమ శక్తియుక్తుల్ని,రక్త మాంసాల్ని అంతా ధారపోసి అటు తమకు పని కల్పించిన యాజమాన్యానికి,ఇటు తమ కుటుంబ సభ్యుల శ్రేయస్సే,బాగోగులే లక్ష్యంగా పనిచేసే పోరాటయోధులు,పని రాక్షసులు,శ్రమనే మనసా, వాచ,కర్మణ నమ్ముకున్న ఈ కార్మిక సోదరులు.పట్టువదలని విక్రమార్కుల్లా ఇటు పొద్దు అటు పొడిచిన నిత్యం,నిరంతరం ప్రపంచ కార్మికులు అంతా ఏకత్రాటిపై ఐకమత్యంతో మెలగాలని చాటి చెప్పేందుకు ఓక శాశ్వత వేదికగా తమ ఉనికిని బలంగా చాటేందుకు ఈ మే డే ను ప్రతి ఏడాది తమ కార్మిక సోదరులందరి సమక్షంలో కనులపండుగగా,అత్యంత కొలహాలంగా జరుపుకుంటూ వుంటారు ఈ యావత్ ప్రపంచ కార్మికులు! ఏదిఏమైన ఈ (మే డే ),ఈ ప్రత్యేక సుదినంను ప్రపంచ కార్మిక వర్గాల పోరాటాలకు,ఉద్యమాలకు, వారి హక్కుల సాధనకు గుర్తుగా ఎర్ర జెండాలతో,ఎర్రని దుస్తులు ధరించి మరీ ఈ రోజు తమ సంఘీభావాన్ని, గురుతర బాధ్యతను,సోదర భావాన్ని చాటుకుంటూ వుంటారు ఈ కార్మిక సోదరులు.ఏమైనా ప్రపంచ కార్మిక సోదరుల సిద్ధాంతాలు,ఆశయాలు,వారి ఏకైక లక్ష్యం ' ఐకమత్యమే మహాబలం ' అనే నీతి సూత్రానికి కట్టుబడి ప్రపంచ కార్మిక సోదరులంతా తమకు ఏ సమస్య,ఇబ్బంది వచ్చిన,తమ కార్మికుల హక్కులకు ఏ మాత్రం భంగం,ముప్పు వాటిల్లిన పోరాటమే, ఉద్యమమే ఓక మహా ఆయుధంగా,తమ అభిమతంగా చేసుకొని ముందుకు సాగిపోతుంటారు ఈ శ్రామిక, కర్షక,కష్టజీవులు అయిన ఈ కార్మిక లోకం! జయ జయహో కార్మిక సోదరులు! వర్ధిల్లాలి వారి హక్కులు అత్యంత తేజోవంతంగా,దిగ్విజయంగా మరో పది కాలాల పాటు! -బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా! #🧑‍⚖️మే డే కార్మికుల దినోత్సవ శుాకాంక్షలు 🧑‍🔧