കഥ. അവൾ. ********* ആ ദിവസം അവൾക്ക് ഒരിക്കലും മറക്കാനാകില്ല..! അത് ശരിക്കും ഒരു യാത്ര ആയിരുന്നു, മനസ്സിന്റെ ഇഷ്ടത്തിന് കൈവിട്ട യാത്ര. ഏതായിരുന്നു ആ അക്ഷരങ്ങൾ, അവളെ മയക്കി അങ്ങോട്ട് വലിച്ചടുപ്പിച്ച ആ മാസ്മരിക അക്ഷരങ്ങൾ! ഒരു ദിവസം മുഴുവൻ ഒരു അക്ഷരത്തെ തേടിയുള്ള യാത്ര. കണ്ണടച്ചാലും തുറന്നാലും ഇരുന്നാലും കിടന്നാലും എല്ലാം ആ അക്ഷരം അവളെ പിന്തുടർന്ന് കൊണ്ടിരുന്നു, ഒടുവിൽ സന്ധ്യക്കു ചന്ദനം ചാർത്തി അക്ഷരം വരികൾ ആകാൻ തുടങ്ങിയപ്പോഴേക്കും ശരീരമാകേ എന്തോ പോലെ..പൂത്തുലഞ്ഞ പോലെ, തുടി കൊട്ടുന്ന മനസുമായവൾ അക്ഷരം കൊരുക്കുന്ന വരികളിലേക്ക് ഇറങ്ങാൻ തുടങ്ങി, ഒത്തിരി ഉത്തരവാദിത്വങ്ങൾ തലയിൽ ഉണ്ടായിട്ടും അവൾ അക്ഷരങ്ങളുടെ മാസ്മരികതയിൽ നിന്നും പുറത്ത് വരാൻ ആകാതെ അതിനൊപ്പം രാവോളം ചലിച്ചപ്പോൾ മനസിന്റെ ഭാരങ്ങൾ അടുത്തറിഞ്ഞ അക്ഷരങ്ങൾ അവളെ ഏറ്റുവാങ്ങി. അക്ഷര തുണ എന്നും കൂട്ടാകും എന്നറിഞ്ഞപ്പോൾ എന്താണ് ചെയ്തതെന്ന് അവൾക്കു വാക്കുകളാൽ പറയാൻ കഴിയുന്നില്ല. ചിരിയും കരച്ചിലും എല്ലാം ചേർന്ന സന്തോഷത്തിന്റെ പൂത്തിരി ശരിക്കും നിറഞ്ഞു കത്തുകയായിരുന്നു അവളുടെ മനസ്സിൽ. രാവിന്റെ യാമങ്ങളെല്ലാം തീർന്നത് അവളുടെ അക്ഷരങ്ങൾ എന്നും അവളുടെ തുണയാണെന്ന് ഉറപ്പിച്ചായിരുന്നു. ആ അക്ഷരങ്ങൾ ഇപ്പോഴും തുണയായി തന്നോടൊപ്പം ഉണ്ടെന്ന ആത്മവിശ്വാസത്തിന്റെ ചിരിയാണ് നിങ്ങൾ അവളിൽ കാണുന്നത്. ജീവിത സഹനങ്ങളുടെ സമ്മിശ്ര രൂപമായ അവളിലും ചിരിയുടെ ചിന്തകൾ പടരാൻ തുടങ്ങി; അവളൊരു ജന്മസാഫല്യത്തിന്റെ കുട പിടിക്കാനുള്ള തയ്യാറെടുപ്പിലാണ്, ദൈവത്തെ സാക്ഷി നിർത്തി ജന്മ ലക്ഷ്യം നേടാനുള്ള യാത്രയിൽ നമുക്കും പ്രാർത്ഥിക്കാം... അവളുടെ സ്വപ്ന സാക്ഷത്കാരത്തിന്... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💑 സ്നേഹം ##അവൾ