ఒకప్పుడు ఎవరైనా వాళ్ల బాధ చెప్తూ నా ముందు కన్నీళ్లు పెట్టుకుంటే… వాళ్ల కన్నీళ్లు నా కళ్లలో కూడా కనిపించేవి. వాళ్ల బాధ నా గుండెల్లో భారంగా అనిపించేది. ‘అయ్యో… మనిషి ఇంత కష్టం ఎలా భరిస్తున్నాడు’ అని ఆలోచిస్తూ నేను కూడా ఎమోషనల్ అయ్యేదాన్ని... కానీ ఇప్పుడు… ఎన్నో జీవితాల కథలు విన్నాక, ఎన్నో బాధలు చూసాక… నా కన్నీళ్లు లోపలే ఆగిపోతున్నాయి. మనసు కదలడం మానలేదు… కానీ బయటపడే విధానం మారిపోయింది... ఇప్పుడు ఎవరో ఏడుస్తూ వస్తే నా మనసు వాళ్లతో పాటు ఏడవడం కంటే… వాళ్ల చేతిని పట్టుకుని ‘ఇక్కడ నుంచి ఎలా బయటపడాలి?’ అని ఆలోచిస్తుంది... కొన్నిసార్లు నాకే అనిపిస్తుంది… ‘నా సెన్సిటివిటీ ఎక్కడికి పోయింది?’ అని… కానీ బహుశా జీవితమే నేర్పిన పాఠం ఇది కావచ్చు… ప్రతీ బాధలో మునిగిపోతే అందరినీ బయటకు తీయలేం… కొంచెం దూరంగా నిలబడి, ధైర్యంగా ఉండగలిగితేనే ఇంకొకరికి వెలుగు చూపించగలం. మనసు రాయి కాలేదు…బాధలో ఉన్న వాళ్లకు బలం అవ్వడం నేర్చుకుంది అంతే...😎😎😎😎😎 #💗నా మనస్సు లోని మాట #నా అంతరంగం #నా ఆలోచనలు #నా మదిలోని భావాలు...✍🏻 #✍️నా మది అంతరంగం💜