29 आणि 30 जुलै चा हवामान अंदाज महाराष्ट्र राज्यात पावसाच्या सरी हजेरी लावत आहेत. तर काही ठिकाणी ऊन-सावल्यांचा खेळ सुरु आहे. आज विदर्भ आणि मराठवाड्यात जोरदार ते अति जोरदार पावसाचा इशारा दिला असून कोकण, मध्य महाराष्ट्रात पावसाचा अंदाज हवामानशास्त्र विभागाने दिला आहे. उद्या म्हणजेच गुरुवारी विदर्भ आणि मराठवाड्यात पावसाचा जोर कायम राहण्याचा अंदाज आहे. राज्यात गुरुवारी गोंदिया, गडचिरोली, भंडारा, नागपूर, चंद्रपूर, वर्धा, अमरावती, जालना, छत्रपती संभाजीनगर, जळगाव, पुणे घाटमाथा, सातारा घाटमाथा, कोल्हापूर घाटमाथ्यासह रायगड जिल्ह्यांत काही ठिकाणी जोरदार पावसाचा ऑरेंज अलर्ट देण्यात आला आहे. #हवामान #महाराष्ट्र #शेतकरी #पाऊस तर हिंगोली, परभणी, बीड, धुळे, नाशिक, नाशिक घाटमाथा, ठाणे, मुंबई, रत्नागिरी, सिंधुदुर्ग जिल्ह्यांत जोरदार पावसाचा येलो अलर्ट देण्यात आला असून यवतमाळ, अकोला, वाशिम, बुलढाणा, नांदेड, लातूर, बीड, अहिल्यानगर, पुणे, सातारा, नंदुरबार, पालघर जिल्ह्यांत विजांसह वादळी पावसाचा येलो अलर्ट हवामानशास्त्र विभागाने दिला आहे. तर उर्वरित राज्यात ऊन सावल्यांच्या खेळात हलक्या सरी हजेरी लावण्याचा अंदाज आहे. #⛈️'या' जिल्ह्यांत अतिवृष्टीचा इशारा⚠️