പുളിങ്ങോം മീന്തുള്ളി തുരുത്തിൽ രക്ഷാപ്രവർത്തനത്തിനിടെ ഒഴുക്കിൽപ്പെട്ട്‌ മുങ്ങിമരിച്ച നീന്തൽ പരിശീലകൻ തിരുവനന്തപുരം കല്ലിയൂര്‍ കിഴക്കേ തെറ്റിവിള സ്വദേശി രാജേഷിന്റെ മരണത്തിൽ അനുശോചനം രേഖപ്പെടുത്തുന്നു. ത്യാഗസന്നദ്ധതയുടെയും മനുഷ്യസ്‌നേഹത്തിന്റെയും ഏറ്റവും വലിയ മാതൃക ലോകത്തിന്‌ നൽകിയാണ്‌ രാജേഷ്‌ ഓർമയിലേക്ക്‌ മറയുന്നത്‌. മീന്തുള്ളി വാട്ടർ ഫാൾസിലെ പരിശീലകനായ അദ്ദേഹം മീന്തുള്ളി തുരുത്തിൽ അകപ്പെട്ട ബെന്നിയെ രക്ഷപ്പെടുത്തി കൂട്ടുകാർക്കൊപ്പം തിരിച്ചു പുഴകടക്കുമ്പോഴാണ് അപകടത്തിൽപെട്ടത്‌. സ്വയരക്ഷക്ക്‌ ധരിച്ച ലൈഫ് ജാക്കറ്റ് ബെന്നിക്ക് നൽകി സുരക്ഷിതനാക്കിയാണ്‌ രാജേഷ്‌ തിരിച്ച് നീന്തിയത്‌. അതിനിടെ ഒഴുക്കിൽപ്പെടുകയായിരുന്നു. സ്വജീവൻ പണയപ്പെടുത്തി രക്ഷാപ്രവർത്തനത്തിനിറങ്ങി ജീവൻവെടിയേണ്ടി വന്ന രാജേഷിന്റെ ജീവത്യാഗം മലയാളികൾ എക്കാലവും ഓർക്കും. രാജേഷിന്റെ കുടുംബത്തിന്റെയും ബന്ധുക്കളുടെയും സുഹൃത്തുക്കളുടെയും നാട്ടുകാരുടെയും ദുഃഖത്തിൽ പങ്കുചേരുന്നു. പേരാവൂർ തൊണ്ടിയിൽ പാലത്തിനടുത്ത് ഒഴുക്കിൽപ്പെട്ട്‌ മരിച്ച ഹനീഫയുടെ മരണത്തിലും അനുശോചനം രേഖപ്പെടുത്തുന്നു. സ. എം വി ഗോവിന്ദൻ മാസ്റ്റർ സിപിഐ എം സംസ്ഥാന സെക്രട്ടറി #🗞️പോസിറ്റീവ് സ്റ്റോറീസ്