📢 வழிகாட்டும் கர்நாடகம்... தமிழக இளைஞர்களுக்கு எப்போது நீதி? கர்நாடக அரசு, அரசுத் துறைகளில் காலியாக உள்ள 72,186 பணியிடங்களை 6 மாதங்களுக்குள் நிரப்ப முதலமைச்சரின் உத்தரவின் பேரில் போர்க்கால வேகத்தில் ஆள்தேர்வு நடவடிக்கைகளை மேற்கொண்டு வருகிறது. நிதித்துறையின் ஒப்புதலுக்குப் பிறகு, 15 புதிய ஆள்தேர்வு அறிவிப்புகள் ஏற்கனவே வெளியிடப்பட்டுள்ளன. இதனால் கர்நாடக இளைஞர்களின் அரசு வேலை கனவுகள் நனவாகும் பாதையில் நகர்கின்றன. ஆனால் தமிழ்நாட்டின் நிலை என்ன? தமிழக அரசுத் துறைகள், பொதுத்துறை நிறுவனங்கள் மற்றும் உள்ளாட்சி அமைப்புகளில் சேர்த்து குறைந்தபட்சம் 6 லட்சம் பணியிடங்கள் காலியாக இருப்பதாக அரசு பணியாளர் அமைப்புகள் தெரிவிக்கின்றன. இருந்தும், புதிய அரசு பொறுப்பேற்று இரண்டரை மாதங்கள் ஆகியும், ஒரு புதிய அரசு ஆள்தேர்வு அறிவிப்பும் வெளியிடப்படவில்லை என்பது வேலையில்லா இளைஞர்களுக்கு பெரும் ஏமாற்றமாக உள்ளது. 2021 சட்டப்பேரவைத் தேர்தலில் திமுக அளித்த வாக்குறுதிகள்: ✅ 3.5 லட்சம் காலிப்பணியிடங்கள் நிரப்பப்படும். ✅ 2 லட்சம் புதிய பணியிடங்கள் உருவாக்கப்படும். ✅ மொத்தம் 5.5 லட்சம் பேருக்கு அரசு வேலை வழங்கப்படும். ஆனால் கடந்த 5 ஆண்டுகளில் 50 ஆயிரத்திற்கும் குறைவானவர்களுக்கு மட்டுமே நிரந்தர அரசு வேலை வழங்கப்பட்டது. மேலும், 2 லட்சம் புதிய பணியிடங்களில் ஒரு பணியிடம் கூட உருவாக்கப்படவில்லை. இதற்கிடையில், ஓய்வு பெற்ற 1.5 முதல் 2 லட்சம் அரசு ஊழியர்களால் ஏற்பட்ட காலியிடங்களும் முழுமையாக நிரப்பப்படவில்லை. தேர்தலின்போது "அரசுத் துறைகளில் உள்ள அனைத்து காலிப்பணியிடங்களும் விரைந்து நிரப்பப்படும்" என்று தவெக தனது தேர்தல் அறிக்கையில் (பொருள் 4/ஏ/3) உறுதியளித்தது. அந்த வாக்குறுதியை நிறைவேற்ற வேண்டியது அரசின் பொறுப்பாகும். தற்போது, டி.என்.பி.எஸ்.சி. வெளியிட்டுள்ள 2026 ஆண்டு திட்டத்தில், ஒருங்கிணைந்த தொழில்நுட்பப் பணிகள் (பட்டப்படிப்பு) – 461 இடங்கள் ஒருங்கிணைந்த தொழில்நுட்பப் பணிகள் (பட்டயப்படிப்பு) – 839 இடங்கள் தொகுதி-I – 26 இடங்கள் என மொத்தம் 1,326 பணியிடங்களுக்கு மட்டுமே அறிவிப்புகள் வெளியிடப்பட்டுள்ளன. இது தமிழ்நாட்டின் வேலைவாய்ப்பு தேவையுடன் ஒப்பிடும்போது மிகவும் குறைவானதாகும். தமிழகத்தில் தற்போது வேலைவாய்ப்பு அலுவலகங்களில் 31.38 லட்சம் பேர் பதிவு செய்து அரசு வேலைக்காக காத்திருக்கின்றனர். பதிவு செய்யாதவர்களையும் சேர்த்தால், ஒரு கோடிக்கும் அதிகமான இளைஞர்கள் அரசு வேலைவாய்ப்பை எதிர்பார்த்து உள்ளனர். இதனை கருத்தில் கொண்டு, அடுத்த ஓராண்டில் குறைந்தது 1.5 லட்சம் பேருக்கு அரசு வேலை வழங்கும் இலக்கை தமிழக அரசு அறிவிக்க வேண்டும். அதற்கான அறிவிப்பு ஆகஸ்ட் 5 அன்று தாக்கல் செய்யப்படவுள்ள 2026–27 திருத்தப்பட்ட நிதிநிலை அறிக்கையில் இடம்பெற வேண்டும். இது வெறும் வேலைவாய்ப்பு கோரிக்கை அல்ல; தமிழ்நாட்டு இளைஞர்களின் எதிர்காலம், குடும்பங்களின் நம்பிக்கை, மாநிலத்தின் வளர்ச்சி ஆகியவற்றை உறுதி செய்யும் அவசியமான நடவடிக்கையாகும். #அரசுவேலை #வேலைவாய்ப்பு #தமிழ்நாடுஇளைஞர்கள் #இளைஞர்களின்எதிர்காலம் #அரசுப்பணியிடங்கள் #TNPSC #தமிழ்நாடு #கர்நாடகம் #PMK #பாமக #மருத்துவர்அன்புமணிராமதாஸ் #AnbumaniRamadoss #GovernmentJobs #Employment #YouthEmpowerment #JobsForYouth #TamilNadu #Karnataka #Recruitment #PublicServiceJobs #EmploymentForAll #🤝பா.ம.க #📺அரசியல் 360🔴 #📺வைரல் தகவல்🤩 #😁தமிழின் சிறப்பு #🙏நமது கலாச்சாரம்