രാജ്യത്തെ യുവാക്കളുടെ ശബ്ദം അടിച്ചമർത്താനാകില്ല! ജന്തർ മന്തറിലെ "CJP പ്രതിഷേധം 2.0" ഉയർത്തുന്ന ആവശ്യം വ്യക്തമാണ് — കേന്ദ്ര ആഭ്യന്തര മന്ത്രി അമിത് ഷാ രാജിവെക്കണം. ഇന്ന് ഇന്ത്യയിലെ വിദ്യാർത്ഥികളും യുവജനങ്ങളും ചോദിക്കുന്നത് വളരെ ലളിതമായ ചില ചോദ്യങ്ങളാണ്. തൊഴിൽ എവിടെ? പരീക്ഷകളിലെ സുതാര്യത എവിടെ? ഭരണഘടന ഉറപ്പുനൽകുന്ന ജനാധിപത്യ അവകാശങ്ങൾ എവിടെ? പക്ഷേ, ഈ ചോദ്യങ്ങൾക്ക് മറുപടി നൽകുന്നതിന് പകരം ഓരോ പ്രതിഷേധത്തെയും ദേശവിരുദ്ധമെന്ന് മുദ്രകുത്തുകയാണ് ബിജെപി സർക്കാരിന്റെ രാഷ്ട്രീയ രീതി. ഇത് ആദ്യമായല്ല... കർഷകർ തെരുവിലിറങ്ങിയപ്പോൾ അവരെ "പാക്കിസ്ഥാൻ ഏജന്റുമാർ" എന്ന് വിളിച്ചു. പഞ്ചാബിൽ നിന്നുള്ളവർ പ്രതിഷേധിച്ചപ്പോൾ "ഖലിസ്ഥാനികൾ" എന്ന് മുദ്രകുത്തി. ദക്ഷിണേന്ത്യയിൽ നിന്നുള്ളവർ ശബ്ദമുയർത്തിയപ്പോൾ "നെക്സലുകൾ", "വിദേശ ശക്തികളുടെ ആളുകൾ" എന്നിങ്ങനെ പ്രചരിപ്പിച്ചു. തൊഴിലാളി സംഘടനകളെയും ട്രേഡ് യൂണിയനുകളെയും "രാജ്യവികസനത്തിന് എതിരായവർ" എന്ന് ചിത്രീകരിച്ചു. പ്രതിപക്ഷ നേതാക്കൾ സർക്കാരിനെ വിമർശിച്ചാൽ അവർ രാജ്യവിരുദ്ധരായി. സർക്കാർ നിർമ്മിച്ച റോഡോ പാലമോ തകർന്നാൽ അതിന്റെ ചിത്രം പങ്കുവെച്ച സാധാരണ പൗരന്മാരെയും അധിക്ഷേപിച്ചു. ഇപ്പോൾ അതേ രീതി വിദ്യാർത്ഥികൾക്കും യുവാക്കൾക്കുമെതിരെയാണ്. അവരുടെ പ്രതിഷേധത്തിന് പിന്നിൽ അമേരിക്കയാണെന്നും, ചൈനയാണെന്നും, പാക്കിസ്ഥാനാണെന്നും കഥകൾ മെനയുകയാണ്. പക്ഷേ ഒരു സത്യം പറയാം... ഈ രാജ്യത്തെ സാധാരണ ജനങ്ങൾക്ക് എല്ലാ ദിവസവും പാക്കിസ്ഥാനെ കുറിച്ച് ചിന്തിക്കാൻ സമയമില്ല. അവർ ചിന്തിക്കുന്നത് കുടുംബത്തെ കുറിച്ചാണ്, ജോലി കുറിച്ചാണ്, കുട്ടികളുടെ പഠനത്തെ കുറിച്ചാണ്, വിലക്കയറ്റത്തെ കുറിച്ചാണ്, ജീവിതത്തിന്റെ കഷ്ടപ്പാടുകളെ കുറിച്ചാണ്. പാക്കിസ്ഥാനെ ഓരോ രാഷ്ട്രീയ ചർച്ചയിലും വലിച്ചിഴക്കുന്നത് ആരാണ്? സർക്കാരിനെ വിമർശിക്കുന്നവരെ രാജ്യവിരുദ്ധരായി ചിത്രീകരിച്ച് ജനങ്ങളെ ഭിന്നിപ്പിക്കാൻ ശ്രമിക്കുന്നത് ആരാണ്? ഈ ചോദ്യങ്ങൾക്ക് ഉത്തരം രാജ്യം അറിയുന്നു. ജനാധിപത്യത്തിൽ സർക്കാരിനെ ചോദ്യം ചെയ്യുന്നത് കുറ്റമല്ല. പ്രതിഷേധിക്കുന്നത് രാജ്യദ്രോഹമല്ല. ഭരണഘടന നൽകിയ അവകാശം വിനിയോഗിക്കുന്ന വിദ്യാർത്ഥികളെയും യുവാക്കളെയും ശത്രുക്കളായി കാണുന്നത് രാജ്യത്തിന് അപകടകരമായ രാഷ്ട്രീയ സംസ്കാരമാണ്. വിദ്വേഷവും ഭീതിയും സൃഷ്ടിച്ച് ജനങ്ങളുടെ യഥാർത്ഥ പ്രശ്നങ്ങളിൽ നിന്ന് ശ്രദ്ധ തിരിക്കുന്ന രാഷ്ട്രീയം അവസാനിക്കണം. രാജ്യത്തെ യുവാക്കളുടെ ശബ്ദം കേൾക്കണം. ജനാധിപത്യത്തെ ബഹുമാനിക്കണം. ഉത്തരവാദിത്തം ഏറ്റെടുക്കണം. അതുകൊണ്ട് ഞാനും രാജ്യത്തെ വിദ്യാർത്ഥികളുടെയും യുവജനങ്ങളുടെയും ശബ്ദത്തോട് ഐക്യദാർഢ്യം പ്രഖ്യാപിക്കുന്നു. കേന്ദ്ര ആഭ്യന്തര മന്ത്രി അമിത് ഷാ രാജിവെക്കണം. ജനാധിപത്യം ജയിക്കട്ടെ. ഭരണഘടന സംരക്ഷിക്കപ്പെടട്ടെ. ഇന്ത്യയിലെ യുവജനങ്ങളുടെ ശബ്ദം വിജയിക്കട്ടെ. ഭാരത് മാതാ കീ ജയ്! 🇮🇳🇮🇳🇮🇳 . . . #🗳️ രാഷ്ട്രീയം #🔵 യുഡിഎഫ് #💪🏻 സിപിഐഎം #🔴 എൽഡിഎഫ് #🔶 BJP