🥀🥀ഒരു കോൺട്രാക്ട് കല്യാണം🥀🥀1️⃣5️⃣ പുറത്തെ ശബ്ദം കേട്ട് പ്രഭാകരൻ ഓടി എത്തി..... എന്താ ഇവിടെ????ഇവിടെന്താ ഒരു ബഹളം കേട്ടത്??? ശ്രീ എന്താടാ???? തല കുനിച്ചു നിൽക്കുന്ന ശ്രീയെ കണ്ട് അയാൾ ചോദിച്ചു.... ഞാൻ പറയാം സർ കാര്യം എന്താണെന്ന്... ഇയാൾ എന്തോ മെസ്സേജിന്റെ കാര്യം പറഞ്ഞു എന്നെ എടുത്തു പൊക്കി.... ഇതൊരു സാർ അല്ലെ..... എന്താണെങ്കിലും അതിന്റെ സാമാന്യ മര്യാദ ഇയാൾക്ക് കാണിച്ചു കൂടെ... ഒരു സ്റ്റുഡന്റിനോട് ഇങ്ങനെയാണോ പെരുമാറുന്നത്??? അവൾ പ്രഭാകരനോട് ദേഷ്യത്തിൽ ഓരോന്ന് പറയാൻ തുടങ്ങി.... ഇവ നീ എന്തൊക്കെയാ ഈ പറയുന്നത്???? ഞാൻ..... എന്നെ....സർ ഞാൻ അല്ല.... ഇവളാ എന്നെ...... ശ്രീക്കു വാക്കുകൾ പോലും കിട്ടുന്നുണ്ടായിരുന്നില്ല....അവൻ പോലും അറിയാതെ കണ്ണുകൾ നിറഞ്ഞൊഴുകുന്നുണ്ടായിരുന്നു.... ശ്രീ..... താൻ ഇപ്പോൾ ഇവിടെ നിന്നും ഇറങ്ങിക്കോണം... കൂട്ടുകാരന്റെ മകൻ ആണെന്ന് വിചാരിച്ചു നിങ്ങൾക്ക് ഇവിടെ ഇത്തിരി ഫ്രീഡം തന്നു അതാണ് ഞാൻ ചെയ്ത തെറ്റ്... പാടില്ലായിരുന്നു.... പ്രഭാകരൻ ദേഷ്യത്താൽ നിന്നു വിറക്കുന്നുണ്ടായിരുന്നു... ഇത് ഒരു വിദ്യാഭ്യാസ സ്ഥാപനം ആണ് ... ഇവിടെ ഇങ്ങനെ ഒരു അഴിമതി ഞാൻ വെച്ചു പൊറുപ്പിക്കില്ല.... ഇപ്പോൾ ഇപ്പോൾ ഇവിടെ നിന്ന് ഇറങ്ങിക്കോണം.... ഇവാനിയ ഇവൻ ഇങ്ങനെ ആണെന്ന് ഞാൻ അറിഞ്ഞില്ല... ഞാൻ തന്നോട് മാപ്പ് ചോദിക്കുന്നു.... . പ്രഭാകരൻ അവളോട്‌ പറഞ്ഞു.... സർ ഞാൻ പറയുന്നത് ഒന്നു കേൾക്കണം... അനൂപ് ഇടക്ക് കയറി... നീയും ഒന്നും പറയണ്ട...അവനു ഒത്താശ പറയാൻ നീ മാത്രമേ ഉണ്ടാവുകയുള്ളൂ... സംഗതി സ്ത്രീ പീഡനം ആണ്... ഞാൻ ആ പെണ്ണിന്റെ കാല് പിടിച്ചു നോക്കട്ടെ.. ആ പെണ്ണ് കേസ് വല്ലതും കൊടുത്താൽ എന്റെ കഞ്ഞിയിലും പാറ്റ വീഴും... അത് കൊണ്ട് നീ ഇപ്പോൾ ഇവിടെ നിന്ന് ഇറങ്ങിക്കോണം.... എല്ലാം കേട്ടു കൊണ്ട് അവൻ നുറുങ്ങുന്ന ഹൃദയവുമായി ആ സ്ഥാപനത്തിന്റെ പടികൾ ഇറങ്ങി... ശ്രീ.... അനൂപ് അവന്റെ പിറകെ പോയി അവനെ വിളിച്ചു... വേണ്ടടാ... എനിക്കൊന്ന് ഒറ്റക്കിരിക്കണം... ടാ നീ.... വേണ്ട....അവൻ അതും പറഞ്ഞു ദൂരേക്ക് നടന്നു.... അനൂപ് നേരെ ആ നമ്പറുമായി അവളുടെ അടുത്തേക്ക് പോയി.... ഇവാനിയ ഇത് നിന്റെ ഫോൺ നമ്പർ അല്ലെ.... അല്ല ഇതെന്റെ നമ്പർ അല്ല.... നിങ്ങൾക്കൊക്കെ എന്താ വട്ടാണോ??? ആർക്കാ വട്ടെന്ന് നീ അറിയും.. എങ്ങനെ ഒക്കെ ചോദിച്ചിട്ടും അവൾ അങ്ങനെ ഒരു നമ്പർ അവൾക്കില്ലന്ന് ഉറപ്പിച്ചു തന്നെ പറഞ്ഞു.... ഇവാനിയ നിനക്ക് അവനോടു ദേഷ്യം ഉണ്ടായിരുന്നു എന്നറിയാമായിരുന്നു.. പക്ഷെ അതിന്റെ പേരിൽ അവനെ ഇങ്ങനെ ചതിക്കാൻ പാടില്ലായിരുന്നു.... ആര് ആരെ ചതിച്ചു... നിനക്കൊക്കെ വട്ടാണോ?? ആണെങ്കിൽ വല്ലോ ഊളം പാറയിലും പോയി കിടക്കു.... ഇവ അനൂപിനോടും ദേഷ്യപെട്ടു.... അത്രയും പറഞ്ഞു അനൂപും വീട്ടിലേക്ക് പോയി.... ശ്രീ നേരെ പോയത് ബീച്ചിലേക്കാണ്... ആ മണ്ണിൽ അവൻ തല ചായിച്ചു കിടന്നു... പക്ഷെ ആ പെൺകുട്ടി ഇവയാണെന്ന് അറിഞ്ഞപ്പോൾ തൊട്ട് പറിച്ചു മാറ്റാൻ പറ്റാതെ അവൻ അവളെ സ്നേഹിച്ചു പോയിരുന്നു .... കണ്ണടക്കുമ്പോൾ അവൾ ചേട്ടായി എന്നു വിളിക്കുന്നതായിരുന്നു അവന്റെ മനസ്സിൽ മുഴുവൻ.... ആ വിളി ആ സമയത്ത് അവനെ ഭ്രാന്ത്‌ പിടിപ്പിക്കുന്നത് പോലെയാണ് തോന്നിയത്... ആ കടൽ ഇരമ്പുന്നതിലും കൂടുതൽ അവന്റെ മനസ് തിളച്ചു മറിയുന്നുണ്ടായിരുന്നു.... അനൂപ് വീട്ടിൽ എത്തിയതും ആദ്യം ശ്രീയെയാണ് വിളിച്ചത്... പക്ഷേ അവൻ ഫോൺ എടുത്തില്ല... മൂന്നാല് വട്ടം ട്രൈ ചെയ്തതിനുശേഷം അവൻ സരസ്വതിയുടെ നമ്പറിലേക്ക് വിളിച്ചു... അമ്മ ശ്രീ അവിടെയല്ലേ??? ഇല്ല മോനെ രാവിലെ നിങ്ങൾ രണ്ട് പേരും കൂടെയല്ലേ ക്ലാസ്സിൽ പോയത് പിന്നെന്താ??? ആ.. അതെ.... അവൻ വന്നോ എന്നറിയാൻ വിളിച്ചതാ... ആണോ അവൻ ഇവിടെ എത്തിയില്ല... എങ്കിൽ അമ്മ വരുമ്പോൾ എന്നെ ഒന്നു വിളിക്കണേ... എന്താടാ എന്തെങ്കിലും പ്രശ്നം ഉണ്ടോ??? ഒന്നുമില്ല അമ്മ.... അതും പറഞ്ഞു അവൻ കട്ട്‌ ചെയ്തു... കോൾ കട്ട്‌ ചെയ്തിട്ടും അവനു ഒരു സമാധാനവും ഉണ്ടായിരുന്നില്ല.  അനൂപ് കോൾ കട്ട്‌ ചെയ്തു തന്റെ ബൈക്കും എടുത്തു ആ നാടു മുഴുവൻ അവനെ തപ്പി നടന്നു പക്ഷെ അവനു കണ്ടെത്താൻ കഴിഞ്ഞില്ല.... എല്ലാം തകർന്നു നിൽക്കുമ്പോഴാണ് സരസ്വതിയുടെ വരുന്നത്.... അനൂ... അവൻ വന്നിട്ടുണ്ട്... അവന്റെ മുഖമൊക്കെ എന്തോ വല്ലാതെ??? എന്താടാ പറ്റിയത്.???നീയെങ്കിലും ഒന്ന് പറ... അവനോടു ചോദിച്ചപ്പോൾ അവൻ ഒന്നും പറയുന്നില്ല... നീയെങ്കിലും ഒന്നു പറയു... അവനു എന്താ പറ്റിയത്??? ഒന്നും പറ്റിയില്ല അമ്മ... ഞാൻ അങ്ങോട്ട് വന്നോളാം .. അനൂപ് അവടെ നിന്നും വേഗം ശ്രീയുടെ വീട്ടിലേക്കാണ് പോയത്.... അവിടെ ചെന്നപ്പോൾ എല്ലാം തകർക്നവനെ പോലെയിരിക്കുന്ന ശ്രീ യുഎ കണ്ട് അനൂപിന് സഹിച്ചില്ല.... എടാ അവൾ നിന്നോട് പകരം വീട്ടിയതാ... നീ അത് വിട്ടേരെ.... അനൂപ് പറഞ്ഞു... അതെ എന്റെ മനസ് എടുത്തിട്ടാടാ അവൾ പകരം വീട്ടിയത്... ഞാൻ എത്ര ആത്മാർത്ഥമായിട്ട അവളെ സ്നേഹിച്ചത്??? പക്ഷെ അവൾ.... പറ്റുന്നില്ല എനിക്ക്   .... കണ്ണടക്കുമ്പോൾ അവളുടെ ചേട്ടായി എന്നുള്ള വിളി എന്റെ കാതിൽ മുഴങ്ങി കേൾക്കുവ.... അനൂ...പറ്റുന്നില്ലടാ.... അവൻ അനൂപിനെ കെട്ടി പിടിച്ചു വലിയ വായിൽ കരയാൻ തുടങ്ങി... കരച്ചിൽ കേട്ട് എല്ലാവരും ഓടി എത്തി... അവസാനം അനൂപിന് എല്ലാവരോടും കാര്യങ്ങൾ ഒക്കെ പറയേണ്ടി വന്നു.... കാര്യങ്ങൾ ഒക്കെ അറിഞ്ഞപ്പോൾ എല്ലാവരും അവളെ കുറ്റം പറഞ്ഞു കൊണ്ടിരുന്നു..... ശ്രീ ഒട്ടും ഒക്കെ അല്ലായിരുന്നു... രാത്രി വൈകുന്നത് വരെ അനൂപ് അവന്റെ കൂടെ തന്നെ ഇരുന്നു.... അമ്മ ഞാൻ പോകുവാ അവനെ നന്നായി ശ്രദ്ധിക്കണം.... അവൻ വല്ലാത്ത ഒരു മാനസിക അവസ്ഥയിൽ ആണ്..എനിക്ക് അവന്റെ മുഖം കണ്ടിട്ട് തന്നെ പേടിയാകുന്നു.. അന്നേ ഞാൻ അവനോട് പറഞ്ഞതാ.. ഇതൊന്നും നമുക്ക് പറ്റില്ല എന്ന്.. പക്ഷെ അവൻ കേട്ടില്ലാ...അന്ന് അവനു ആ പെണ്ണായിരുന്നു വലുത്... അനൂപിന് സങ്കടം സഹിക്കാൻ പറ്റുന്നുണ്ടായിരുന്നില്ല.... മോനെ നിനക്കിന്നു പോകണോ??? അവന്റെ കൂടെ ഇവിടെ നിന്നു കൂടെ??? പോകാൻ ഇറങ്ങിയ അനൂപി നോട് സരസ്വതി ചോദിച്ചു.... അത് അമ്മ.... വീട്ടിൽ എല്ലാവരും നാളെ ഗുരുവായൂർ പോകാൻ പ്ലാൻ ചെയ്തിട്ടുണ്ട്.... വെളുപ്പിനെ പോകണം ഞാനല്ലേ ഉള്ളു വണ്ടി ഓടിക്കാൻ അത് കൊണ്ടാണ് പോകുന്നത് അല്ലെങ്കിൽ പോകില്ലായിരുന്നു.... മോനെ....സാരമില്ല... നീ കൂടെ ഉണ്ടങ്കിൽ എനിക്ക് ഒരു സമാധാനമായി ഉണ്ടായേനെ.... അമ്മ അവനെ നോക്കണം.. എനിക്ക് ഒരു സമാധാനം ഇല്ല... . അനൂ ഇങ്ങനെ ഒക്കെ പെൺകുട്ടികൾക്ക് പെരുമാറാൻ പറ്റുമോ??? അതും ഒരാളുടെ ലൈഫ് വെച്ചിട്ട്...??? ചില പെൺകുട്ടികൾ അങ്ങനെ ആണമ്മേ.... അവൻ രാവിലെ വരെ എത്ര സന്തോഷത്തിൽ ആയിരുന്നു... പക്ഷെ ഇപ്പോൾ....എനിക്ക് അവനെ കണ്ടിട്ട് പറ്റുന്നില്ല.... അവൻ വല്ലോ കടും കയ്യും ചെയ്യുമോ എന്ന എന്റെ പേടി.. അതൊന്നുമില്ലാ ഞാൻ നോക്കിക്കോളാം.... സരസ്വതി കൊടുത്ത ധൈര്യത്തിൽ അവൻ വീട്ടിലേക്ക് പോയി.... ഞാൻ പോകുന്നു... അവനെ നോക്കണം  അമ്മേ... അവൻ വീണ്ടും അത് തന്നെ പറഞ്ഞിട്ട് അവിടെ നിന്നും ഇറങ്ങി... അനൂപേട്ടാ... ശ്രീ കുട്ടി വെളിയിലേക്ക് ഇറങ്ങിയ അവനെ വിളിച്ചു... എന്താ മോളെ... ഏട്ടാ ആ പെണ്ണിന്റെ ഫോട്ടോ ഉണ്ടോ??? എന്തിനാ?? ഒന്നു കാണാൻ.... വേണ്ട അത് വിട്ടേരെ നിങ്ങൾ ഏട്ടനെ ശ്രദ്ധിച്ചാൽ മതി.... അല്ല അനൂപേട്ടാ ഒന്നു കണ്ടിരിക്കാൻ ആണ്.. . പ്ലീസ്‌.... മ്മ് കാണിക്കാം.... ശ്രീകുട്ടിയുടെ നിർബന്ധം സഹിക്കാൻ കഴിയാതെ വന്നപ്പോൾ അനൂപ് കാണിക്കാം എന്നു സമ്മതിച്ചു... അപ്പോഴേക്കും അകത്തു നിന്ന് മാധവും വന്നു... ആ സമയം കൊണ്ട് അനൂപ് ഇൻസ്റ്റഗ്രാമിൽ നിന്നും അവളുടെ ഫോട്ടോ തപ്പിയെടുത്തു... ഫോട്ടോയിൽ കാണുമ്പോൾ എന്ത് നല്ല പെണ്ണാ... ആ ഫോട്ടോയിൽ അതിന് സ്വഭാവം എഴുതി വെക്കില്ലല്ലോ... അത് ശരിയാ... മധു നീ ഏട്ടനെ നോക്കിക്കോണേ.... അനൂപേട്ടൻ സമാധാനമായി ഇരുന്നോ ഞാൻ നോക്കിക്കോളാം ഏട്ടനെ.... അനൂപ് അതും പറഞ്ഞു ബൈക്കും എടുത്തു തന്റെ വീട്ടിലേക്ക് പോയി... മാധവും ശ്രീകുട്ടിയും ഫുൾ ടൈം അവന്റെ കൂടെ തന്നെ നിന്നു... മോനെ വന്നേ വല്ലതും കഴിക്കാം... രാത്രി ആയപ്പോൾ സരസ്വതി അവനെ വിളിച്ചു.. ശ്രീ ഒന്നും മിണ്ടാതെ ദൂരേക്ക് മാത്രം നോക്കി ഇരിക്കുകയായിരുന്നു.... ശ്രീ നീ ഇങ്ങനെ ഇരിക്കുന്നത് കാണുമ്പോൾ എനിക്ക് സഹിക്കുന്നില്ല... നീ എന്തെങ്കിലും പറ ഒന്ന്... പക്ഷെ അവൻ ഒന്നും മിണ്ടിയതെ ഇല്ല... ഉച്ച മുതൽ അവൻ ഒന്നും കഴിച്ചിട്ട് പോലും ഉണ്ടായിരുന്നില്ല... എനിക്കൊന്നും വേണ്ട... അവൻ അത്രയും പറഞ്ഞു വീണ്ടും അതെ ഇരിപ്പ് തുടർന്നു... ആ ഇരിപ്പ് കണ്ട് ആ സ്ത്രീയുടെ ഹൃദയം പല കഷ്ണങ്ങളായി നുറുങ്ങുന്നുണ്ടായിരുന്നു... അനൂപിന് വീട്ടിൽ ചെന്നിട്ടും ഇരു സമാധാനം ഉണ്ടായിരുന്നില്ല.... അത് കൊണ്ട് തന്നെ അവൻ ഫോൺ എടുത്തു ശ്രീയെ വിളിച്ചു... ആദ്യം രണ്ട് മൂന്ന് ബെൽ അടിച്ചിട്ടും അവൻ ഫോൺ എടുത്തില്ല... അത് കൊണ്ട് ടെൻഷൻ അടിച്ചിട്ട് അവൻ സരശ്വതിയെ വിളിച്ചു... അമ്മേ അവനെ വിളിച്ചിട്ട് ഫോൺ എടുക്കുന്നില്ല.... അമ്മ റൂമിൽ ഒന്നു പോയി ഫോൺ കൊടുക്കുമോ?? അതിനെന്താ കൊടുക്കാമല്ലോ.... അവർ അതും പറഞ്ഞു ഫോണും എടുത്തു അവന്റെ റൂമിലേക്ക് പോയി... ശ്രീ നീ ഒക്കെ അല്ലെ??? ആണെടാ... കഴിച്ചോ?? മ്മ്. എങ്കിൽ ഫോൺ അമ്മയുടെ കയ്യിൽ കൊടുത്തിട്ട് സമാധാനമായി ഉറങ്ങണം കേട്ടോ...ഒന്നും ആലോചിക്കേണ്ട... നമുക്കുള്ളതാണെങ്കിൽ നമ്മൾ എത്ര തടഞ്ഞാലും അത് നമ്മളിലേക്ക് തന്നെ വരും..പക്ഷെ ഇത് നമുക്കുള്ളതല്ല.... നീ അത് വിട്ടേക്ക്... ഒന്നും ഓർക്കേണ്ട . .. സമാധാനമായി കിടന്നുറങ്ങു.... മ്മ്... എല്ലാത്തിനും മൂളി അവൻ കാൾ കട്ട്‌ ആക്കി... അനൂപ് സമാധാനത്തിൽ കട്ടിലിലേക്ക് കിടന്നു.... ഫോൺ എടുത്തു അലാറം സീരിയസ് ചെയ്തു.... അന്നത്തെ ദിവസം മുഴുവൻ അലച്ചിൽ ആയത് കൊണ്ട് അവൻ വേഗം ഉറങ്ങി പോയി..... ഉറക്കത്തിൽ എപ്പോഴോ ഫോൺ റിങ് ചെയ്യുന്ന ശബ്ദം കെട്ടിട്ടാണ് അവൻ ചാടി എഴുന്നേറ്റത്.. ഇരുട്ടത്ത് കൈയ്യെത്തി തന്റെ ഫോൺ എടുത്തു ഓൺ ആക്കുമ്പോൾ ഫോണിന്റെ ഡിസ്‌പ്ലൈയിൽ സരസ്വതിഅമ്മ എന്ന് എഴുതിയിക്കുന്നത് കണ്ട് അവൻ റൂമിലെ ക്ലോക്കിലേക്ക് നോക്കി മ്മ്.. സമയം വെളുപ്പിനെ രണ്ടര കഴിഞ്ഞിരിക്കുന്നു.... ഇതെന്താ അമ്മ ഇപ്പോൾ വിളിക്കുന്നത്... ഈശ്വര എന്റെ ശ്രീ..... അനൂപ് ദൈവത്തെ വിളിച്ചു കൊണ്ട് വിറക്കുന്ന കൈകൾ കൊണ്ട് അവൻ ആ ആൻസർ ബട്ടൺ പ്രെസ്സ് ചെയ്തു... മാധവ് ആയിരുന്നു ഫോണിൽ... മറുപ്പുറത്തു നിന്നുള്ള വാർത്ത കേട്ട് അവനു ഭ്രാന്ത് പിടിക്കുന്നത് പോലെയാണ് തോന്നിയത്...... ഇവനിയാ..  ..... അവൻ ദേഷ്യംത്തിൽ ഉറക്കെ വിളിച്ചു കൊണ്ട് ബൈക്കുമെടുത്തു ശ്രീയുടെ വീട്ടിലേക്ക് പോയി.... 🥀🥀തുടരും 🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #പ്രതിലിപി കഥകൾ## #💞 നിനക്കായ് #പ്രതിലിപി മലയാളം