🥀🥀ഒരു കോൺട്രാക്ട് കല്യാണം 🥀🥀8️⃣ 🥀 മധു ഞാൻ പറയുന്നത് നീ സമാധാനത്തോടെ കേൾക്കണം... അനൂപ് അവനെ അടുത്തേക്ക് വിളിച്ചിട്ട് പറഞ്ഞു.... .. എന്റെ മധു നീ എടുത്തുചാടി ഒന്നും ചെയ്യല്ലേ.... ഞാൻ പിന്നെ എന്താ ചെയ്യണ്ടത്??? ഒന്നാമത്തെ കാര്യം അന്ന് നടന്ന സംഭവത്തിന്റെ ഉത്തരവാദി ഇവളാണോ എന്ന് തന്നെ നമുക്ക് നിശ്ചയം ഇല്ല... അത് ഞങ്ങളുടെ ഒരു വിശ്വാസം മാത്രമാണ് ഇവൾ  ആണെന്ന്.... ഒരു പക്ഷെ നമ്മുക്ക് തെറ്റ് ധാരണ ഉണ്ടായതാണെങ്കിലോ??? ഏട്ടൻ അവളെ വിളിക്കുന്നത് ഞാൻ എന്റെ കണ്ണ് കൊണ്ട് കണ്ടിട്ടുണ്ട്.... അത് അവൾ തന്നെ ആകണം എന്നു നമുക്ക് ഉറപ്പൊന്നും ഇല്ലല്ലോ...സത്യാവസ്ഥ അറിയട്ടെ എന്നിട്ട് തീരുമാനിക്കാം.... അത് കൊണ്ടാണ് ഞാൻ ശ്രീക്കുട്ടിയോടും പറഞ്ഞത് ആവശ്യമില്ലാത്ത പ്രശ്നങ്ങൾ ഒന്നും ഉണ്ടാക്കരുതെന്ന്.... അത് ഇവ അല്ലെങ്കിൽ പിന്നെ നമുക്ക് സഹിക്കാൻ പറ്റുമോ??? നന്നായിട്ട് അന്ന് നടന്ന സംഭവത്തിന്റെ സത്യാവസ്ഥ അന്വേഷണം നടത്തിയിട്ടു മതി എല്ലാം .... എടുത്തു ചാടി ഒന്നും ചെയ്യരുത്... എനിക്ക് അത്രയുമെ പറയാനുള്ളൂ... കൊച്ചേട്ടാ മതി കഥ പറഞ്ഞത്.... ഞാൻ എന്റേ ഡിക്റ്റക്റ്റീവ് ബുദ്ധി ഉപയോഗിച്ച് ബാക്കി കണ്ട് പിടിച്ചോളാം കേട്ടോ.... ശ്രീ കുട്ടി പറഞ്ഞു.... ഇപ്പോൾ കൊച്ചേട്ടൻ വന്നെ.... അല്ലേൽ കട ആണെന്നൊന്നും വിചാരിക്കില്ല അമ്മ നമ്മളെ കളിയാക്കി നാശമാക്കി കളയും.... അവൾ മാധവിന്റെ കയ്യും പിടിച്ചു മുകളിലത്തെ ഫ്ലോറിലേക്ക് കയറി... അവിടെ ചെല്ലുമ്പോൾ പഴയ കലാ പരിപാടികൾക്ക് കാര്യമായി മാറ്റങ്ങൾ ഒന്നും സംഭവിച്ചിട്ടില്ല... ഓരോന്ന് ഇടുമ്പോഴും ശ്രീക്കു തൃപ്തി ആകുന്നില്ലായിരുന്നു..... . അവസാനം പർപ്പിൾ കളർ ഗൗൺ അവൾക്ക് വേണ്ടി സെലക്ട്‌ ചെയ്തു... പർപ്പിളിൽ മനോഹരമായ ഒരു ഗൗൺ.... ഇട്ട് കണ്ടപ്പോൾ ശ്രീക്കു അത് തന്നെ മതി എന്ന് പറഞ്ഞു... അവൾക്കും അത് ഒരുപാട് ഇഷ്ടമായി... ശ്രീക്കു അതെ കളർ ഷർട്ടും വൈറ്റ് കോട്ടും പാന്റും എടുത്തപ്പോൾ അവന്റെ പരുപാടി കഴിഞ്ഞു.... ബാക്കി ഉള്ളവരുടെ കളർ സെലക്ട്‌ ചെയ്യുന്നതായിരുന്നു അടുത്ത ടാസ്ക്.. ആദ്യം എല്ലാവരും റെഡ് കളർ പറഞ്ഞു... റെഡ് കളറിൽ അത്രയും സെലെക്ഷൻ ഇല്ലാത്തത് കൊണ്ട് അത് വൈറ്റ് കളർ ആയി.... .വൈറ്റിൽ ചർച്ചകൾ തുടങ്ങിയപ്പോൾ പെട്ടെന്ന് അഴുക്കാകും എന്ന ഒബ്ജെക്ഷൻ വന്നു... അവസാനം എല്ലാവരും കൂടെ ഐക കണ്ടെന പീകൊക്ക്  ബ്ലൂ സെലക്ട്‌ ചെയ്തു... അത് കഴിഞ്ഞു മാളിൽ നിന്നു തന്നെ ലഞ്ച് കഴിച്ചു.... ഉച്ച കഴിഞ്ഞു ബാക്കി എല്ലാ പർചേസും തീർത്തു.... അവർ വീട്ടിൽ  എത്തിയപ്പോഴേക്കും വൈകുന്നേരം ആയി... എല്ലാവരും കൂടെ ചേർന്നു വീടൊക്കെ ഒന്നു ക്ലീൻ ചെയ്തു ചെറിയ അലങ്കോല പണികൾ ഒക്കെ ചെയ്തു... പിന്നെ എല്ലാം ഓർഡർ ചെയ്തിരുന്നത് വീട്ടിൽ വന്നപ്പോൾ ക്ലീനിങ് പരിപാടികൾ മാത്രമേ ഉണ്ടായിരുന്നുള്ളു.... കുറച്ചു കഴിഞ്ഞപ്പോൾ ശ്രീ അറേഞ്ച് ചെയ്ത ബ്യൂട്ടീഷ്യൻ ഇവയെ ഒരുക്കാൻ എത്തി... തനിക്ക് എന്തെങ്കിലും സജഷൻസ് ഉണ്ടെങ്കിൽ പറയണം നേരത്തെ... ചേച്ചി എനിക്ക് ലൈറ്റ് ആയിട്ട് മേക്കപ്പ് ഇട്ടാൽ മതി ഒത്തിരി വാരിവലിച്ച് ഇടണ്ട... ആഹാ ഇങ്ങനെ പറയുന്ന ഒരാളെ ഞാൻ ഇന്ന് ആദ്യമായി കാണുകയാണ്... ഇപ്പോഴത്തെ പെൺ കുട്ടികൾ കടയിൽ സാധനം വാങ്ങണം പോകുന്നതും ഒരു പാക്കറ്റ് ലിപ് സ്റ്റിക്കും ഇട്ടിട്ടാ... അപ്പോൾ ഇങ്ങനെ ഒരാളെ ഞാൻ ആദ്യം കാണുവാ.. അത് കുഴപ്പമില്ല.... തന്റെ ഇഷ്ടം പോലെ ഞങ്ങൾ ചെയ്തോളാം.... കസ്റ്റമേഴ്സിന്റെ സംതൃപ്തിയാണ് ലാവണ്യ മേക്കപ്പ് സ്റ്റുഡിയോ എയിം ചെയ്യുന്നത്... അത് കൊണ്ട് തന്റെ ഇഷ്ടം എല്ലാം... അവർ പതുക്കെ മേക്കപ്പ് തുടങ്ങി... കുറച്ചു കഴിഞ്ഞപ്പോൾ ശ്രീ അവിടേക്ക് കയറി വന്നു... ലവു..... ആ ശ്രീ പറ... അയ്യോ സോറി ഞാൻ തന്നെ ഇയാൾക്ക് പരിചയപ്പെടുത്തി ഇല്ലല്ലോ... ഇവ ഇത് ലാവണ്യ... എന്റെ കൂടെ പഠിച്ചതാ... അത് പോലെ തന്നെ ഇവയെയും അവൾക്ക് പരിചയപ്പെടുത്തി... പിന്നെ നീ ആയതുകൊണ്ട് എനിക്ക് തുറന്നു പറയാമല്ലോ... കുറച്ച് ലൈറ്റ് ആയിട്ട് മേക്കപ്പിട്ടാൽ മതിയാകും.. ഹസ്ബന്റും വൈഫും കൊള്ളാമല്ലോ രണ്ട് പേരും എനിക്ക് പണി കുറക്കുവാണോ??? ലാവണ്യ ചോദിച്ചു.. അതെന്തേ അങ്ങനെ ചോദിച്ചത്??? അതോ ഇവിടെ ഒരാൾ വന്നപ്പോഴേ എന്നോട് പറഞ്ഞു ലൈറ്റ് മേക്കപ്പ് മതിയെന്ന്... ആഹാ അത് കൊള്ളാമല്ലോ... പിന്നെ ലവു ഒരു കാര്യം നീ റിസപ്ഷന് നിന്നിട്ടെ പോകാവൂ... അല്ലെങ്കിൽ എല്ലാ തവണത്തെയും പോലെ സമയം ഇല്ല എന്നും പറഞ്ഞു ഓടിക്കോണം... അയ്യടാ... നിന്റെ കല്യാണമോ എന്നെ വിളിച്ചില്ല.. നീ ഇതിലും ഓസാൻ നോക്കണ്ട... ഞാൻ വയറു നിറച്ചു കഴിച്ചിട്ടേ പോകു... ശ്രീ... അപ്പോഴേക്കും താഴെ നിന്നും അവനു വിളി വന്നിരുന്നു... നിങ്ങൾ കണ്ടിന്യൂ ചെയ്യൂ... ഞാൻ അങ്ങോട്ട് പോകട്ടെ... അവൻ അതും പറഞ്ഞു താഴേക്ക് പോയി... പാവം ചെക്കൻ...ഇവൻ ഇപ്പോഴേ കല്യാണം കഴിച്ചു പോകും എന്ന് ഞങ്ങൾ ആരും സ്വപ്നത്തിൽ പോലും വിചാരിച്ചില്ല.. ആർക്ക് എന്ത്‌ ഹെല്പ് വേണമെങ്കിലും ചെയ്യും... അത്രക്ക് നല്ല സ്വഭാവമാ.... മോളുടെ ഭാഗ്യം... അയ്യോ വല്ലാത്ത ഭാഗ്യം തന്നെ... മനസ്സിൽ അങ്ങനെ പറഞ്ഞു എങ്കിലും ഒന്നും പുറത്തു കാണിക്കാതെ ഇവ അവർ പറയുന്നതെല്ലാം ഒരു പുഞ്ചിരിയോടെ കേട്ടിരുന്നു... അപ്പോഴേക്കും റീസെപ്ഷൻ തുടങ്ങാൻ സമയം ആയിരുന്നു.... ക്ഷെണം കിട്ടിയ ആളുകൾ ഒക്കെ വന്നു തുടങ്ങിയിരുന്നു.. ലാവണ്യ അവളെ ലൈറ്റ് ആയിട്ട് മേക്കപ്പ് ചെയ്തു മുടി കേൾ ചെയ്തു അഴിച്ചിട്ടു.... മുടിയുടെ മുകളിൽ മനോഹരമായ ഒരു ഫ്ലോറൽ ക്ലിപ്പ് കുത്തിയിരുന്നു..... പർപ്പിൾ കളർ നെക്ലസും അതെ കളർ വളയും ഇട്ടു.... അതെ കളർ തന്നെ ലൈറ്റ് വെയിറ്റ് കമ്മലും ഇട്ട് അവൾ ഒരുങ്ങി താഴേക്ക് പോകാൻ റെഡിയായി ഇരുന്നു... ഇവയുടെ ഒരുക്കം കഴിഞ്ഞതും അടുത്തത് ശ്രീകുട്ടിയുടെ ഊഴം ആയിരുന്നു... അവൾക്ക് പീകോക് കളറിലുള്ള ദാവണി ആയിരുന്നു.... ലാവണ്യ ആ ദാവണി ഒരു നോർത്തേൻ സ്റ്റൈലിൽ ഉടുപ്പിച്ചു.... അവൾക്കും അതെ കളറിൽ ഉള്ള ആക്‌സറീസ് എല്ലാം ഇട്ടു... ശ്രീക്കുട്ടി ഒരുങ്ങി സ്റ്റെപ്പുകൾ ഇറങ്ങി വരുമ്പോൾ രണ്ട് കണ്ണുകൾ അവളെ ഇമ ചിമ്മാതെ നോക്കി നിൽപ്പുണ്ടായിരുന്നു... ശ്രീ കുട്ടി ആരും കാണാതെ തന്റെ കണ്ണുകൾ കൊണ്ട് അയാളോട് എങ്ങനെ ഉണ്ട് എന്നു ചോദിച്ചു... സൂപ്പർ എന്ന് അയാൾ ആംഗ്യം കാണിച്ചു   ...... കൃത്യം ആറു മണി ആയപ്പോൾ തന്നെ എല്ലാവരും എത്തി റിസപ്ഷൻ തുടങ്ങി... ചെക്കൻ ഒരു നസ്രാണി പെണ്ണിനെ കെട്ടിയത് കൊണ്ട് രാഘവന്റെ വീട്ടുകാർക്കൊക്കെ നല്ല ദേഷ്യം ഉണ്ടായിരുന്നു... അത് കൊണ്ട് തന്നെ അമ്പലത്തിലെ താലി കെട്ടിന് അവർ ആരും എത്തിയില്ല..... രാഘവൻ പിന്നെ വൈകിട്ടത്തെ റിസപ്ഷൻ ക്ഷെണിച്ചപ്പോൾ അവരെല്ലാവരും തന്നെ എത്തി....എന്നാലും ആർക്കും വലിയ സന്തോഷം ഒന്നും ഉണ്ടായിരുന്നില്ല... സരസ്വതി യുടെ വീട്ടുകാർ പിന്നെ യാഥാസ്ഥിതികരായത് കൊണ്ട് അവർ പെട്ടെന്ന് തന്നെ അതിനെ അക്‌സെപ്റ്റ് ചെയ്തു... രാഘവന്റെ വീട്ടുകാർ ആദ്യം കുറെ മസ്സിൽ പിടിച്ചു എങ്കിലുംപിന്നീട് അവരും കൂൾ ആയി... റിസപ്ഷൻ തുടങ്ങി കുറച്ചു കഴിഞ്ഞപ്പോഴാണ് ഇവ മുകളിൽ നിന്നും താഴേക്ക് വന്നത്... ഒരുമിച്ചു പന്തലിലേക്ക് കയറണം എന്ന് എല്ലാവരും പറഞ്ഞതോടു കൂടി ശ്രീ അവളെയും കാത്തു സ്റ്റെപ്പിന്റെ താഴെ തന്നെ നിൽപ്പുണ്ടായിരുന്നു.... അവളെ കണ്ടതും അവന്റെ കണ്ണുകൾക്ക് മറ്റൊന്നും കാണാൻ കഴിയുന്നുണ്ടായിരുന്നില്ല..... ഇവ ആ ഡ്രെസ്സിൽ അത്രക്ക് സുന്ദരി ആയിരുന്നു... പെട്ടെന്നാണ് ക്യാമറമാൻമാർ ചാടി വീണത്.... അപ്പോഴാണ് അവനു സ്ഥലകാല ബോധം ഉണ്ടായത്... പിന്നെ എല്ലാം ക്യാമറമാൻ മാരുടെ കൺട്രോളിൽ ആയിരുന്നു.... പിന്നെയുള്ള സമയം അവർ മുഴുവനായി ഇവയെയും ശ്രീയെയും ഏറ്റെടുത്തു കഴിഞ്ഞിരുന്നു... അവർ പറഞ്ഞതനുസരിച്ചു അവൾ താഴേക്ക് വന്നതും അ ശ്രീ തന്റെ വലതു കൈ നീട്ടി.... ഇവ തന്റെ ഇടതു കൈ ആ കയ്യിലേക്ക് വെച്ചു.. പിന്നെ ഇരുവരും ഒന്നിച്ചാണ് പന്തലിലേക്ക് നടന്നു പോയത്.... പന്തലിൽ എത്തിയതും രാഘവൻ തന്നെയാണ് അവരെ സ്റ്റേജിൽ അറേഞ്ച് ചെയ്ത സെറ്റിയിലേക്ക് ഇരുത്തിയത്.... പിന്നെ നീണ്ട ഫോട്ടോ എടുപ്പ് മഹാ മഹം ആയിരുന്നു.. പിന്നെ ഡിജെ തുടങ്ങി.... ഡാൻസ് ചെയ്തും പാട്ട് പാടിയും എല്ലാവരും ആ റിസപ്ഷൻ കളർ ആക്കി... ശ്രീ കുട്ടി ഡാൻസ് ചെയ്തു കൊണ്ടിരിക്കുമ്പോൾ കയ്യിലിരുന്ന ഫോണിൽ ഒരു വാട്സാപ്പ് മെസ്സേജ് നോട്ടിഫിക്കേഷൻ വന്നു... ഓപ്പൺ ആക്കി നോക്കിയതും അവളുടെ മുഖം പരിഭ്രമം കൊണ്ട് നിറഞ്ഞു.... അവൾ വീണ്ടും ഒന്നും കൂടെ വായിച്ചു നോക്കി.... എന്റെ ലച്ചുട്ടാ എനിക്ക് നിന്നെ കാണണം നീ വേഗം മുകളിലെ രണ്ടാമത്തെ റൂമിന്റെ സൈഡിലെ ഇടനാഴിയിലേക്ക് വാ... ഇല്ല ഞാൻ വരില്ല.... അവൾ തിരിച്ചു റിപ്ലൈ കൊടുത്തു... നീ വന്നേ പറ്റു.. എന്റെ പോന്നു ലച്ചൂട്ടി അല്ലെ... ഏട്ടാ അവിടെ ഒക്കെ നിറയെ ആളുകൾ ആണ്... എടി ഞാൻ ഇവിടെ നിൽപ്പുണ്ട്.. ഇവിടെ ആരും ഇല്ല നീ വേഗം വാ... ഞാൻ കാത്തിരിക്കും... പ്ലീസ്.... അതിനുള്ള റിപ്ലൈ ശ്രീ കുട്ടി കൊടുത്തത് അവൻ ഓപ്പൺ പോലും ചെയ്തില്ല... അപ്പോഴേ അവൾക്ക് കല്ലു കടി ഫീൽ ചെയ്തു... ശ്രീ കുട്ടി ചുറ്റും നോക്കി എല്ലാവരും ഡിജെ ഡാൻസിന്റെ തിരക്കിൽ ആണ്.. ആരും തന്നെ ശ്രദ്ധിക്കുന്നെ ഇല്ല എന്നു കണ്ടതും അവൾ മുകളിലേക്ക് നടന്നു... അവൻ പറഞ്ഞ സ്ഥലത്തെത്തിയതും ഒരു കൈ അവളെ റൂമിലേക്ക് കയറ്റി ഡോർ അടച്ചതും ഒരു പോലെ ആയിരുന്നു.... അവൻ ശ്രീ കുട്ടിയെ ഭിത്തിയിൽ ചേർത്തു നിർത്തി അവന്റെ കണ്ണുകൾ ആ മുഖത്തു കൂടെ ഖളഞ്ഞു നടന്നു.... അനൂപേട്ടാ എന്താ ആദ്യം കാണുന്നത് പോലെ.... ഞാൻ എന്റെ ലച്ചൂട്ടനെ ഇങ്ങനെ ആദ്യം കാണുവല്ലേ..... അയ്യടാ... ഒലിപ്പിക്കാൻ വന്നിരിക്കുന്നു... എന്താ കാണണം എന്ന് പറഞ്ഞത്??? അവിടെ എന്നെ ആരെങ്കിലും തിരക്കുന്നതിന് മുൻപ് എനിക്ക് പോകണം... പൊക്കോ... അതിന് മുൻപ് ഞൻ എന്റെ പെണ്ണിനെ ഒന്നു കാണട്ടെ ടി.... അതും പറഞ്ഞു അനൂപ് അവളിലേക്ക് അടുക്കുകയും ആരോ വെളിയിലൂടെ നടന്നു പോകുന്ന ശബ്ദം കേട്ടു.... കണ്ടല്ലോ ഇനി ഞാൻ പോകുവാ.... ശ്രീ കുട്ടി അവന്റെ കയ്യും വിട്ടു റൂമിൽ നിന്ന് ഓടി വേഗം എല്ലാവരുടെയും ഇടയിൽ എത്തി... ഹോ രക്ഷ പെട്ടു ആരും കണ്ടില്ല.... അവൾ  നെഞ്ചത്ത് കൈ വെച്ചു... പക്ഷെ ഇതെല്ലാം മറ്റൊരാൾ കാണുന്നുണ്ടായിരുന്നു എന്ന് ഇരുവരും അറിഞ്ഞില്ല..  പിന്നെ എല്ലാവരും കൂടെ ഫുഡിലൊക്കെ കഴിച്ചു... ഫുഡോക്കെ കഴിഞ്ഞു എല്ലാവരും കൂടെ പന്തലിൽ കൂടി വട്ടത്തിൽ ഇരുന്നു സംസാരിക്കാൻ തുടങ്ങി..... എല്ലാവരും അങ്ങോട്ടും ഇങ്ങോട്ടും പരിചയപെടുത്തി... അപ്പോഴേക്കും ഇവയെ എല്ലാവരും ആ വീട്ടിലെ അംഗമായി അംഗീകരിച്ചു കഴിഞ്ഞിരുന്നു... ആദ്യം രാഘവന്റെ വീട്ടുകാരാണ് പരിചയപ്പെടുത്തിയത്.... എല്ലാവരും കൂടെ ഒന്നിച്ചു വന്നു പറഞ്ഞപ്പോൾ അവൾക്ക് ആകെ വട്ട് പിടിച്ചു എന്നിട്ടും അവൾ അതെല്ലാം ഒരു പുഞ്ചിരിയോടെ നേരിട്ടു... എല്ലാവരും ഒരു ഹാപ്പി മൂഡിൽ ഇരിക്കുബോഴാണ് ശ്രീക്കു ഒരു മെസ്സേജ് വന്നത് .. അത് വന്നതും അവൻ ആകെ ഡെസ്പ് ആയി... അത്രയും നേരം ഉണ്ടായിരുന്ന സന്തോഷം എവിടെയോ പോയി  മറയുന്നത് അവൻ അറിയുന്നുണ്ടായിരുന്നു... 🥀🥀തുടരും 🥀🥀 "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #💖 മഴയും പ്രണയവും #പ്രതിലിപി കഥകൾ## #പ്രതിലിപി മലയാളം #💞 നിനക്കായ്