🇮🇳 नमन तुज मातृभूमी...नमन तुज पुत्रा...🙇 शौर्या तुला वंदितो २६ जुलै 🚩 ⚔️🇮🇳 कारगिल विजयोत्सव⚔️ एक ऐतिहासिक दिवस.. या दिवशी पाक विरुद्ध कारगिल युद्धात विजय मिळवत भारताने 'ऑपरेशन विजय' मोहीम यशस्वी केली. भारत एक सार्वभौम.. स्वतंत्र.. शांतताप्रीय.. विश्वासार्ह, अध्यात्मवादी देश. जगत कल्याणासाठी सदैव योगदान देणारा. पण दुर्दैवाने भारताची प्रगती खुपणारे शेजारी वारंवार कुरापत काढतातच. आंतरराष्ट्रीय नियमांची पायमल्ली करत.. जगाला अंधारात ठेवून. मानवतेला काळिमा फासत पाकने शांतताप्रिय भारतावर आक्रमण केले. पाकने सीमेजवळ अत्यंत छुप्या पद्धतीने युद्धाची जोरदार तयारी केली आणि कारगिल क्षेत्रातील उंच शिखरे ताब्यात घेतली.. आपले सैन्य शिखरांच्या पायथ्याशी होते तेव्हा वरच्या बाजूने पाक सैन्य तोफांचा भडीमार करत आपल्या अनेक सरंक्षक चौक्या ताब्यात घेतल्या होत्या.. जागोजागी रस्त्यावर त्यांनी भूसुरुंगही पेरले होते. अश्या खडतर परिस्थितीत पहाडावर चढाई करत मुकाबला करणे अवघड होते. युद्धाच्या इतिहासात सर्वाधिक उंचीवर लढले गेलेले पण तरीही पहाड उतारावरील भारतीय सैन्याने मोठ्या धैर्याने छातीवर गोळ्या झेलत.. अतुलनीय शौर्य गाजवून.. प्राणाची बाजी लावून ही शिखरे पुन्हा ताब्यात घेत विजय मिळवला. या मर्यादित युद्धाला इतरत्र पसरू दिले नाही. या विजयासाठीच्या अत्यंत बिकट परिस्थितीत दुर्गम शिखरावर लढलेल्या ह्या मोहिमेला 'ऑपरेशन विजय' नाव होते. युद्धानंतर पाकमधील लोकशाही सरकार जात लष्करी राजवट आली. तर भारताने आपले लष्करी सामर्थ्य वाढविण्यासाठी लक्ष केंद्रित केले. भारताच्या सामर्थ्याने शत्रूला धडकी भरते. अत्यंत प्रतिकूल परिस्थितीतही लढणाऱ्या आमच्या तिरंग्यासाठी प्राणाची बाजी लावून दगाबाज पाकला अद्दल घडवून.. भारत देश सदैव 'अजिंक्य' आहे हे सिद्ध करणाऱ्या भारतीय शूरवीर सैनिकांना शतशः नमन. 🇮🇳 जयहिंद 🇮🇳 🇮🇳 वंदे मातरम् 🇮🇳 . . कारगील विजय दिवस 🇮🇳 जय जवान 🇮🇳 #🇮🇳आम्ही भारतीय🫡 #I ❤️️ इंडियन आर्मी 🇮🇳 #📲देशभक्ती स्टेटस #🇮🇳 लाखात एक माझा फौजी