കെഎസ്ആർടിസി ബസുകളിൽ കാൻസർ രോഗികൾക്ക് നൽകിയിരുന്ന സൗജന്യയാത്ര ‘ഹാപ്പി ലോങ് ലൈഫ്’ വെട്ടി യുഡിഎഫ് സർക്കാർ. ഓർഡിനറി മുതൽ സൂപ്പർഫാസ്റ്റ് വരെയുള്ള ബസുകളിൽ സൗജന്യയാത്ര അനുവദിച്ചിരുന്നു.അതോടൊപ്പം രോഗിക്ക് ബസിൽ സീറ്റും ഉറപ്പു നൽകിയിരുന്നു. ഇത് പ്രകാരം ഹാപ്പി ലോങ് ലൈഫ് കാർഡുകളും നൽകി. ആറ് മാസമാണ് കാർഡിന്റെ കാലാവധി. അതുകഴിഞ്ഞാൽ വീണ്ടും ഓൺലൈനായി അപേക്ഷ നൽകി പുതുക്കണം. എന്നാൽ യുഡിഎഫ് സർക്കാർ അധികാരത്തിൽ വന്ന ശേഷം പുതുക്കി നൽകുന്നത് ഉൾപ്പെടെയുള്ള നടപടികൾ നിർത്തിവച്ചിരിക്കുകയാണ്. പുതിയതായി അപേക്ഷിക്കുന്നവർക്ക് കാർഡും ലഭിക്കുന്നില്ല. കെഎസ്ആർടിസിയുടെ ആസ്ഥാനത്ത് നേരിട്ട് അന്വേഷിക്കുന്നവർക്ക്, സാങ്കേതിക കാരണങ്ങളാൽ കാർഡ് അച്ചടിക്കാൻ കഴിഞ്ഞിട്ടില്ലെന്ന മറുപടിയാണ് ലഭിക്കുന്നത്. പരാതികൾ വർധിച്ചതോടെ ഈ സെക്ഷനിലെ ഫോൺ പോലും എടുക്കുന്നില്ല. പാസ്‌പോർട് സൈസ് ഫോട്ടോ, ആധാർ കാർഡ്, മേൽവിലാസം, ഓങ്കോളജിസ്റ്റ് നൽകുന്ന മെഡിക്കൽ സർട്ടിഫിക്കറ്റ് എന്നിവ സഹിതം www.keralartcit.com #🆕 ലേറ്റസ്റ്റ് അപ്ഡേറ്റ് എന്ന ഔദ്യോഗിക പോർട്ടലിലൂടെയാണ് അപേക്ഷിച്ചിരുന്നത്. ചീഫ് ഓഫീസിൽ നിന്ന്‌ ലഭ്യമാക്കുന്ന കാർഡ് കെഎസ്ആർടിസി യൂണിറ്റ് ഓഫീസർ വഴി അപേക്ഷകന്റെ വീട്ടിലെത്തിക്കുന്നതായിരുന്നു രീതി.