#🏏క్రికెట్ 🏏 #యస్తికా భాటియా 🔥 *సచిన్, కోహ్లీ కూడా చేయలేని సెంచరీ ఫీట్- ఈమె చేసేసింది❗* July 13, 2026🏏 ఎవరో అడిగారు… ప్రిస్టేజియస్ లార్డ్స్‌ స్టేడియంలో మన వుమెన్ క్రికెటర్ యస్తికా భాటియా సెంచరీ చేసింది, సరే, సంతోషం. కానీ అందులో మరీ చెప్పదగిన ఘనత ఏముంది అని! క్రికెట్ చరిత్రలో ఎందరో సెంచరీలు చేస్తుంటారు కదా, దీనికి అంత ప్రాముఖ్యం ఏముందీ అని! ఖచ్చితంగా ఉంది… క్రికెట్ పుట్టినిల్లు అయిన లార్డ్స్‌లో ఒక భారతీయ అమ్మాయి టెస్ట్ సెంచరీ సాధించింది… ఆ మైదానంలో టెస్ట్ సెంచరీ చేసిన తొలి క్రీడాకారిణి ఆమె..! లార్డ్స్‌లో టెస్ట్ సెంచరీని చూడటం ఒక అద్భుతమైన అనుభూతి.. దానిని అనుభవించిన వారికి, అది జీవితంలో మరచిపోలేని గొప్ప, అందమైన, చరిత్రాత్మక క్షణం… ఇంకా వివరంగా చెప్పాలంటే… పెద్ద పెద్ద దిగ్గజాలుగా పేరుపొందిన మగ క్రికెటర్లు కూడా అక్కడ సెంచరీ సాధించలేకపోయారు… ఇప్పటివరకు, లార్డ్స్‌లో (పురుషుల క్రికెట్‌లో) 176 మంది టెస్ట్ సెంచరీ సాధించారు. ఆ 176 మందిలో, కొంతమంది బ్యాటింగ్ దిగ్గజాల పేర్లు లేవు… ఉదాహరణలు కావాలా..? 51 టెస్ట్ సెంచరీలు సాధించిన సచిన్ టెండూల్కర్, లార్డ్స్‌లో ఒక్క టెస్ట్ సెంచరీ కూడా చేయలేదు. 45 టెస్ట్ సెంచరీలు సాధించిన జాక్ కల్లిస్ కూడా లార్డ్స్‌లో ఒక్క టెస్ట్ సెంచరీ కూడా చేయలేదు. రికీ పాంటింగ్ తన 41 టెస్ట్ సెంచరీలలో లార్డ్స్‌లో ఒక్క సెంచరీ కూడా చేయలేదు. వెస్ట్ ఇండీస్ దిగ్గజం బ్రియాన్ లారాకు గానీ, ఆధునిక బ్యాటింగ్ దిగ్గజం విరాట్ కోహ్లీకి గానీ సెంచరీ తెలియని లార్డ్స్ అది, ఇప్పుడు ఒక బలమైన మహిళకు సెంచరీ అవకాశమిచ్చింది… మహిళల క్రికెట్‌లో లార్డ్స్‌లో టెస్ట్ సెంచరీ సాధించిన తొలి మహిళగా ఆమె రికార్డు సృష్టించింది. సెంచరీ సాధించినందుకు లార్డ్స్ హానర్స్ బోర్డ్స్ మొదటి స్థానంలో ఉంది యస్తికా భాటియా… (ఇదే మ్యాచులో స్మృతి మంధానా 83, 70 పరుగులు చేసింది రెండు ఇన్నింగ్సులో, కానీ సెంచరీ చేయలేకపోయింది…) 142 ఏళ్ల చరిత్రలో లార్డ్స్‌లో మహిళల టెస్ట్ మ్యాచ్ జరగడం ఇదే మొదటిసారి. ఆ చరిత్రాత్మక మ్యాచ్ భారత్, ఇంగ్లాండ్ మధ్య జరుగుతోంది. ఇండియా స్పష్టమైన ఆధిక్యత సాధించి, గెలుపు ముంగిట్లో నిలబడింది. నిన్న… చరిత్రకు సాక్ష్యంగా నిలుస్తున్న ఈ మ్యాచ్‌లో యస్తికా భాటియా, క్రాంతి గౌడ ఒక అద్భుతమైన చరిత్రను లిఖించుకున్నారు… *లార్డ్స్‌లో టెస్టు సెంచరీలు సాధించిన భారతీయులు…* * వెంగ్‌సర్కార్: 103 (1979), 157 (1982), 126* (1986) * కేఎల్ రాహుల్: 129 (2021), 100 (2025) * వినూ మన్కడ్: 184 (1952) * గుండప్ప విశ్వనాథ్: 113 (1979) * రవిశాస్త్రి: 100 (1990) * మహ్మద్ అజారుద్దీన్: 121 (1990) * సౌరవ్ గంగూలీ: 131 (1996) * అజిత్ అగార్కర్: 109* (2002) * రాహుల్ ద్రవిడ్: 103* (2011) * అజింక్య రహానే: 103 (2014) * యాస్తిక భాటియా: 113 (2026)