നിഴലായി വന്നവൾ വിധി എഴുതിയ ഒരു അപൂർവ പ്രണയം... 🖤 Part 18 ഓഫീസിന്റെ പ്രധാന കവാടം കടന്ന്... ശരത്ചന്ദ്രനോടൊപ്പം വൃന്ദ അകത്തേക്ക് നടന്നു. "Good morning, Sir." ജീവനക്കാർ ഒരുമിച്ച് അഭിവാദ്യം ചെയ്തു. "Morning..." ശരത്ചന്ദ്രൻ പതിവുപോലെ പുഞ്ചിരിച്ചു. അദ്ദേഹത്തിന്റെ കൂടെ നടന്നുവരുന്ന വൃന്ദയെ കണ്ടപ്പോൾ... എല്ലാവരുടെയും ശ്രദ്ധ ഒരു നിമിഷം അവളിലേക്ക് നീണ്ടു. ശരത്ചന്ദ്രൻ ചുരുക്കത്തിൽ പറഞ്ഞു. "Everyone..." "Meet my wife... Vrinda." "From today, she'll be handling the reception." "Good morning, Ma'am." "Welcome, Ma'am." വൃന്ദ ചെറുപുഞ്ചിരിയോടെ എല്ലാവരെയും നോക്കി. "Good morning..." അപ്പോഴാണ് വിഷ്ണു അങ്ങോട്ട് വന്നത്. "Morning..." ശരത്ചന്ദ്രൻ തലയാട്ടി. വിഷ്ണു ചിരിച്ചുകൊണ്ട് വൃന്ദയുടെ അടുത്ത് നിന്നു. "ഇവളെ എല്ലാവർക്കും അറിയാമെന്നറിയാം..." "എന്നാലും ഒരു ഫോർമാലിറ്റിക്ക് പറഞ്ഞേക്കാം..."😄 "ഇവൾ ശരത് സാറിന്റെ wife മാത്രമല്ല..." "എന്റെ അനിയത്തി കൂടിയാണ്." "ഇവളുടെ ആദ്യ ദിവസമാണ്..." "അതുകൊണ്ട് എല്ലാരും support ചെയ്യണം." "Sure, Sir." എല്ലാവരും ഒരുമിച്ച് പറഞ്ഞു. അപ്പോഴേക്കും... കൈയിൽ ഒരു ഫയലുമായി ഒരു യുവതി അവരുടെ അടുത്തേക്ക് നടന്നു വന്നു. "Good morning, Sir." "Morning, Anjali." ശരത്ചന്ദ്രൻ പറഞ്ഞു. "വൃന്ദ..." "ഇത് അഞ്ജലി." "My P.A." അഞ്ജലി പുഞ്ചിരിച്ചുകൊണ്ട് വൃന്ദയ്ക്ക് നേരെ കൈ നീട്ടി. "Hello, Ma'am." "Welcome to the team." "Thank you."☺️ വൃന്ദയും പുഞ്ചിരിച്ചുകൊണ്ട് കൈ കൊടുത്തു. "Sir..." "Ten thirty meeting-ന്റെ file." "Okay." ഫയൽ ശരത്ചന്ദ്രന് കൈമാറിയ ശേഷം... അഞ്ജലി തന്റെ ജോലിയിലേക്ക് നടന്നു. "വാ..." ശരത്ചന്ദ്രൻ വൃന്ദയെ നോക്കി. "ഓഫീസ് ഒന്ന് കാണിച്ചുതരാം." --- ഓരോ ഡിപ്പാർട്ട്മെന്റും കടന്നുപോകുമ്പോൾ... ശരത്ചന്ദ്രൻ ചുരുക്കത്തിൽ പരിചയപ്പെടുത്തി. "Accounts..." "HR..." "Finance..." ഓരോരുത്തരും ആദരവോടെ പുഞ്ചിരിച്ചുകൊണ്ട് അവരെ അഭിവാദ്യം ചെയ്തു. അവസാനം... അദ്ദേഹം തന്റെ കേബിന്റെ വാതിൽ തുറന്നു. "Come in." വൃന്ദ അകത്തേക്ക് കയറി. വിശാലമായ കേബിൻ... ഒരു വശം മുഴുവൻ ഗ്ലാസ് ജനൽ... ഭംഗിയായി ക്രമപ്പെടുത്തിയ മേശ... അതിനുമുകളിൽ ലാപ്ടോപ്പും കുറച്ച് ഫയലുകളും മാത്രം. അവൾ ചുറ്റും ഒന്ന് നോക്കി. "ഇവിടെയിരുന്നാണ് ഞാൻ കൂടുതലും work ചെയ്യുന്നത്." ശരത്ചന്ദ്രൻ പറഞ്ഞു. പിന്നെ ലാപ്ടോപ്പ് അവൾക്ക് നേരെ തിരിച്ചു. "Reception software ആദ്യം മനസ്സിലാക്കിയാൽ..." "ബാക്കി work easy ആയിരിക്കും." വൃന്ദ അദ്ദേഹത്തിനരികിലെ കസേരയിൽ ഇരുന്നു. ശരത്ചന്ദ്രനും തൊട്ടടുത്ത കസേര വലിച്ചിട്ട് ഇരുന്നു. സ്ക്രീനിൽ software തുറന്ന്... ഓരോ option-ഉം അദ്ദേഹം ക്ഷമയോടെ പറഞ്ഞുകൊടുത്തു. "Visitors details ഇവിടെ enter ചെയ്യണം." "Appointment list ഇവിടെ." "Call log ഇവിടെ." വൃന്ദ ഓരോന്നും ശ്രദ്ധയോടെ കേട്ടിരുന്നു. "ഇനി..." "നീ ഒന്ന് try ചെയ്ത് നോക്ക്." വൃന്ദ mouse-ൽ കൈവെച്ചു. സ്ക്രീനിലേക്ക് നോക്കിക്കൊണ്ട്... ഒരു നിമിഷം സംശയിച്ചു. "ഇത്...?" അവൾ പതിയെ ചോദിച്ചു. ശരത്ചന്ദ്രൻ കുറച്ചുകൂടി അവളുടെ അടുത്തേക്ക് നീങ്ങിയിരുന്നു. സ്ക്രീനിലെ option കാണിക്കാൻ മുന്നോട്ട് ചാഞ്ഞതോടെ... അദ്ദേഹത്തിന്റെ തോളുകൾ... വൃന്ദയോട് വളരെ അടുത്തെത്തി. അറിയാതെ... അദ്ദേഹത്തിന്റെ പെർഫ്യൂമിന്റെ മൃദുവായ ഗന്ധം അവളെ തഴുകി. ഒരു നിമിഷം... വൃന്ദയുടെ ശ്രദ്ധ സ്ക്രീനിൽ നിന്ന് മാറി. അവൾ മെല്ലെ മുഖമുയർത്തി. തൊട്ടരികിലിരുന്ന ശരത്ചന്ദ്രന്റെ മുഖം... വളരെ അടുത്തായിരുന്നു. ഗൗരവത്തോടെ സ്ക്രീനിലേക്ക് നോക്കുന്ന കണ്ണുകൾ... എന്തോ വിശദീകരിച്ചുകൊണ്ടിരുന്ന ചുണ്ടുകൾ... പക്ഷേ... അദ്ദേഹം പറയുന്നതൊന്നും അവൾ കേൾക്കുന്നുണ്ടായിരുന്നില്ല. അവളുടെ കണ്ണുകൾ... അറിയാതെ അദ്ദേഹത്തിന്റെ കണ്ണുകളിൽ തന്നെ ഉടക്കി നിന്നു. "വൃന്ദ..." അദ്ദേഹത്തിന്റെ ശബ്ദം കേട്ടാണ് അവൾ ചിന്തകളിൽ നിന്ന് ഉണർന്നത്. "മ്മ്...?" "ഞാൻ പറഞ്ഞത് കേട്ടില്ലല്ലോ..." അവൾ നാണത്തോടെ ചുണ്ടുകടിച്ചു. "സോറി..." "ഒന്നുകൂടി പറഞ്ഞുതരാമോ...?" ശരത്ചന്ദ്രൻ ചെറുതായി പുഞ്ചിരിച്ചു. ഒന്നും പറയാതെ... അദ്ദേഹം മെല്ലെ അവളുടെ കൈയുടെ മുകളിലേക്ക് തന്റെ കൈ ചേർത്തുവെച്ചു. ആ സ്പർശനത്തിൽ... വൃന്ദയുടെ വിരലുകൾ ചെറുതായി വിറച്ചു. "ഇവിടെയാണ് click ചെയ്യേണ്ടത്." അദ്ദേഹം mouse പതിയെ നീക്കി. "പിന്നെ..." "ഈ option." അദ്ദേഹത്തിന്റെ ശബ്ദം ശാന്തമായിരുന്നു. പക്ഷേ... വൃന്ദയുടെ ഹൃദയം മാത്രം... അസാധാരണ വേഗത്തിൽ മിടിക്കുകയായിരുന്നു. ശരത്ചന്ദ്രൻ കൈ പിൻവലിച്ച് എഴുന്നേറ്റു. "ഇനി ഒന്ന് try ചെയ്ത് നോക്ക്." വൃന്ദ പറഞ്ഞതുപോലെ ചെയ്തു. "Good..." "Fast learner ആണലോ ." വൃന്ദ ചിരിച്ചു. --- കുറച്ചുനേരം കഴിഞ്ഞ്... റിസപ്ഷനിൽ ആദ്യ Visitor എത്തിയപ്പോൾ... വൃന്ദ ചെറിയൊരു ടെൻഷനോടെയാണ് സംസാരിച്ചത്. എന്നാൽ... അവൾ എല്ലാം കൃത്യമായി കൈകാര്യം ചെയ്തു. മീറ്റിംഗിലേക്ക് പോകുന്നതിനിടെ... ശരത്ചന്ദ്രൻ ഒരു നിമിഷം റിസപ്ഷനരികിൽ നിന്നു. "Everything okay...?" "Yes..." "Good." അത്ര മാത്രം പറഞ്ഞ് അദ്ദേഹം മീറ്റിംഗ് ഹാളിലേക്ക് നടന്നു. --- ഉച്ചയ്ക്ക്... ശരത്ചന്ദ്രനും വിഷ്ണുവും വൃന്ദയും Directors' Dining Room-ലിരുന്നു ഒരുമിച്ച് ഭക്ഷണം കഴിച്ചു. "ആദ്യ ദിവസം എങ്ങനെയുണ്ട്...?" വിഷ്ണു ചോദിച്ചു. "ആദ്യം നല്ല ടെൻഷൻ ഉണ്ടായിരുന്നു ഏട്ടാ..." "ഇപ്പോൾ okay ആണ്." "Good..." വിഷ്ണു ചിരിച്ചു. ശരത്ചന്ദ്രൻ ശാന്തമായി പറഞ്ഞു. "ഒരാഴ്ച കഴിഞ്ഞാൽ..." "ഈ ടെൻഷൻ ഒക്കെ മാറും." വൃന്ദയും പുഞ്ചിരിച്ചുകൊണ്ട് തലയാട്ടി. --- വൈകുന്നേരം... ഓഫീസ് സമയം അവസാനിക്കാറായപ്പോൾ... ശരത്ചന്ദ്രൻ കേബിനിൽ നിന്ന് പുറത്തുവന്നു. റിസപ്ഷനിൽ ഇരുന്ന വൃന്ദയെ പോകാം എന്ന ഭാവത്തോടെ നോക്കി. അവൾ bag എടുത്ത് എഴുന്നേറ്റു. അപ്പോഴേക്കും വിഷ്ണുവും പുറത്തുവന്നു. "എനിക്ക് ഇന്ന് വേറെ ഒരു മീറ്റിംഗ് ഉണ്ട്." "നിങ്ങൾ ഇറങ്ങുവല്ലേ." "അതേടോ." ശരത്ചന്ദ്രൻ പറഞ്ഞു. "Bye ഏട്ടാ..." വൃന്ദ കൈവീശി. --- വീട്ടിലേക്കുള്ള യാത്രയിൽ... ശരത്ചന്ദ്രൻ ചോദിച്ചു. "ആദ്യ ദിവസം എങ്ങനെയുണ്ടായിരുന്നു...?" വൃന്ദ ജനലിലൂടെ പുറത്തേക്ക് നോക്കിക്കൊണ്ട് മെല്ലെ ചിരിച്ചു. "ഒരുപാട് ഇഷ്ടമായി..." "Good." അതൊരു വാക്ക് മാത്രമായിരുന്നു. പക്ഷേ... ആ വാക്കിൽ... അവളുടെ ആദ്യ ദിവസത്തെ സന്തോഷം അംഗീകരിച്ച ഒരാളുടെ സംതൃപ്തിയുണ്ടായിരുന്നു. കാർ വീട്ടുമുറ്റത്ത് നിർത്തി വൃന്ദ അകത്തേക്ക് കയറിയതും... മീനാക്ഷി ഓടിയെത്തി. "വൃന്ദമ്മേ..." "ഓഫീസ് എങ്ങനെയുണ്ടായിരുന്നു...?" വൃന്ദ അവളെ ചേർത്തുപിടിച്ചു. "ഒരുപാട് വിശേഷങ്ങളുണ്ട്..." "എല്ലാം പറയാം വാ..." (തുടരും...) 🖤 #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #📙 നോവൽ