అడవిని కాపాడితే... జీవితాలే మారుతాయని నిరూపించింది ఈ మహిళ! ఒడిశాలోని డెబ్రిగఢ్ ప్రాంతానికి చెందిన మైతిలీ భుయే ఒకప్పుడు తన కుటుంబ పోషణ కోసం అడవిపైనే ఆధారపడేవారు. కానీ అదే అడవని కాపాడితే భవిష్యత్తు కూడా సురక్షితంగా ఉంటుందని గ్రహించిన ఆమె... తన జీవితాన్ని మార్చుకోవడంతో పాటు, గ్రామంలోని మహిళలకు కూడా కొత్త దారి చూపించారు. అడవిలో కట్టెలు సేకరించే జీవితం నుంచి... మహిళలు ఎకోటూరిజం, వన్యప్రాణుల సంరక్షణ, అటవీ అభివృద్ధి కార్యక్రమాల్లో పనిచేసేలా ఆమె ప్రోత్సహించారు. దీంతో వారికి ఏడాది పొడవునా స్థిరమైన ఉపాధి లభించడంతో పాటు, అడవిని కాపాడే బాధ్యతలోనూ భాగస్వాములయ్యారు. మైతిలీ భుయే స్ఫూర్తితో ఇప్పటికే 40 మంది మహిళలు కొత్త ఉపాధి మార్గాలను ఎంచుకోగా, 60 మందికిపైగా అడవి పరిరక్షణ కార్యక్రమాల్లో భాగమయ్యారు. ఒక మహిళ తీసుకునే నిర్ణయం... ఒక గ్రామాన్నే కాదు, ప్రకృతిని కాపాడే ఆలోచనను కూడా బలపరుస్తుందని చెప్పడానికి ఈ సంఘటనే ఒక మంచి ఉదాహరణ! #TALRadio #GoodNews #PositiveStories #WomenInspiringWomen #WomenEmpowerment #ForestConservation #EcoTourism #NatureConservation #TribalWomen #🙆 Feel Good Status #😇My Status #💪పాజిటీవ్ స్టోరీస్ #📰జాతీయం/అంతర్జాతీయం