शहर स्वच्छ व सुंदर ठेवण्यासाठी स्वच्छता कर्मचाऱ्यांचे सहकार्य महत्त्वाचे-नगराध्यक्ष भागवत फुले चाकुरः-चाकुर नगरपंचायतीच्या वतीने स्वच्छ भारत अभियान अंतर्गत 22 जुलै 2026 रोजी नमस्ते (NAMASTE - नॅशनल ॲक्शन फॉर मेकॅनिझ्ड सेनेटेशन इकोसिस्टीम) दिन साजरा करण्यात आला. या कार्यक्रमामध्ये चाकुर नगरपंचायतीचे नगराध्यक्ष भागवत फुले, उपनगराध्यक्ष साईप्रसाद हिप्पाळे, मुख्याधिकारी प्रतीक लंबे साहेब, माजी नगराध्यक्ष करीम गुळवे, नगरसेवक मिलिंद महालिंगे,मुजम्मिल सय्यद संजय पाटील, यांच्या हस्ते सर्व स्वच्छता कर्मचारी यांना सुरक्षा पीपीई(PPE) किट वाटप करण्यात आले. या कार्यक्रमाच्या वेळी नगराध्यक्ष भागवत फुले यांनी सांगितले की, परिसर स्वच्छ तर पर्यावरण स्वच्छ स्वच्छता आपले घर आणि आजूबाजूचा परिसर स्वच्छ असणे तेवढेच गरजेचे आहे. कचरा नेहमी कचराकुंडीतच टाकावा. सांडपाण्याची योग्य विल्हेवाट लावल्याने डास आणि माश्यांचा प्रादुर्भाव टळतो, ज्यामुळे अनेक संसर्गजन्य आजार आटोक्यात येतात. प्लास्टिकचा वापर टाळून व झाडे लावून आपण पर्यावरणाची स्वच्छता व सौंदर्य टिकवू शकतो. स्वच्छता कर्मचाऱ्यांना चाकूर शहर स्वच्छ व सुंदर ठेवण्यासाठी सर्व स्वच्छता कर्मचाऱ्यांनी सहकार्य करावे. आपण सर्व एक परिवार आहे त्यासाठी सर्वांनी मिळून चाकूर शहर स्वच्छ व सुंदर करूया असे सांगितले.तसेच स्वच्छतेचे काम करत असताना सुरक्षा कीट घालूनच कामे करावे, अशा सूचना दिल्या. यावेळी माजी नगराध्यक्ष विद्यामान नगरसेवक मिलिंद महालिंगे यांनी सुद्धा स्वच्छता कर्मचारी यांनी स्वच्छता करत असताना आपल्या आरोग्याची काळजी घ्यावी असे सांगितले. मुख्याधिकारी प्रतीक लंबे म्हणाले शहरातील सफाई कर्मचारी चाकूर शहर स्वच्छ व सुंदर ठेवण्यासाठी कटिबद्ध आहे. स्वच्छतेचे काम करताना हॅन्ड ग्लोज, मास्क,अप्रोन,गमबूट घालावे. आरोग्याची काळजी घेणे हे आपले प्रत्येकाचे काम आहे असे मार्गदर्शन केले. यावेळी पाणीपुरवठा व स्वच्छता अभियंता बळीराम बेलकर, स्वच्छता निरीक्षक आचार्य , शहर समन्वयक विनोद गवई तसेच सर्व अधिकारी व कर्मचारी उपस्थित होते. *चौकट* *सफाई कर्मचाऱ्यांना सुरक्षा कीटचे वाटप* *महाराष्ट्राचे उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष स्व. अजितदादा पवार यांच्या ६७ व्या जयंतीनिमित्त चाकुर नगरपंचायत तर्फे स्वच्छता कर्मचाऱ्यांना सुरक्षा किटचे वाटप करण्यात आले.* *समाजाच्या स्वच्छतेसाठी अहोरात्र परिश्रम घेणाऱ्या स्वच्छता कर्मचाऱ्यांप्रती कृतज्ञता व्यक्त करत त्यांच्या सुरक्षिततेला प्राधान्य देण्याच्या उद्देशाने हा उपक्रम आयोजित करण्यात आला.* *याप्रसंगी चाकुर नगरपंचायतीचे नगराध्यक्ष भागवत फुले, उपाध्यक्ष साईप्रसाद हिप्पाळे, नगरपंचायत गटनेते करीम गुळवे, प्रथम नगराध्यक्ष मिलिंद महालिंगे, पाणीपुरवठा सभापती मुज्जमील सय्यद, नगरपंचायतीचे मुख्याधिकारी लंबे सर, संजय पाटील तसेच नगरपंचायतीचे अधिकारी व कर्मचारी मोठ्या संख्येने उपस्थित होते.* #📝मराठवाडा अपडेट्स