उपोषणकर्ते यांच्या समर्थनार्थ चाकुर नगरपंचायतीच्या कमानीवर चढून शेतकऱ्यांचे आंदोलन दोघांचे अंगावर पेट्रोल ओतुन आत्मदहनाचा प्रयत्न चाकुरः-बालाजी पाटील चाकुर हे गेल्या दिवसापासून चाकूर पंचायत नगरपंचायतीच्या समोर अमरण उपोषण करीत आहेत.चाकुर पंचायत समितीअंतर्गत मनरेगा व नरेगा योजनांमध्ये सुमारे २०० कोटी रुपयांचा कथित गैरव्यवहार झाल्याचा आरोप करत. त्याची एसआटी मार्फत उच्चस्तरीय चौकशी करण्याची मागणी महाराष्ट्र राज्यांचे मुख्यमंत्री यांच्याकडे निवेदनाद्वारे केली आहे. त्याच मागणीसाठी ते २० जुलैपासून आमरण उपोषण सुरू आहे. चाकूर येथील आमरण उपोषणाचा दहावा दिवस; आंदोलन तीव्र आत्मदहनाच्या प्रयत्नामुळे प्रशासन अलर्ट मोडवर आहे. चाकूर नगरपंचायत कमानीसमोर विविध जनहिताच्या मागण्यांसाठी सुरू असलेल्या बालाजी पाटील चाकूरकर यांच्या आमरण उपोषणाचा आज दहावा दिवस असून, प्रशासनाच्या अक्षम्य दुर्लक्षामुळे आंदोलन अधिक तीव्र झाले आहे. आज आंदोलनादरम्यान काही शेतकऱ्यांनी आपल्या मागण्यांकडे प्रशासनाचे लक्ष वेधण्यासाठी चाकूर नगरपंचायत कमानीवर चढून अनोखे आंदोलन केले. शेतकरी संगमेश्वर भीमाशंकर तोंडारे आणि भागवत विरभद्र शंकर यांनी हे आंदोलन करत जनतेच्या प्रश्नांवर तातडीने निर्णय घेण्याची मागणी केली.तसेच घरकुल, सिंचन विहीर, गायगोठा व विहीर योजनांमध्ये मोठ्या प्रमाणात गैरव्यवहार झाल्याचा आरोप करत प्रशासनाकडून न्याय मिळत नसल्याची तीव्र भावना व्यक्त करून रवी पटणे व अभिजीत कांबळे यांनी अंगावर पेट्रोल ओतून आत्मदहनाचा प्रयत्न केला. मात्र, पोलीस प्रशासनाने वेळीच सतर्कता दाखवत हस्तक्षेप केल्यामुळे संभाव्य मोठा अनर्थ टळला. या गंभीर घटनेनंतर तालुका व जिल्हा प्रशासन अलर्ट मोडवर आले असून, उपोषणासंदर्भात तातडीने मार्ग काढण्यासाठी प्रयत्न सुरू असल्याचे प्रशासनाच्या अधिकाऱ्यांनी आंदोलनस्थळी सांगितले. उपोषणकर्ते बालाजी पाटील चाकूरकर यांच्या प्रकृतीबाबतही चिंता व्यक्त केली जात असून, जनहिताच्या प्रलंबित मागण्यांवर तातडीने सकारात्मक निर्णय घेऊन हे आंदोलन शांततेत संपवावे, अशी मागणी आंदोलनस्थळी उपस्थित नागरिक, शेतकरी व विविध संघटनांच्या प्रतिनिधींनी केली आहे.चाकुर पोलीस स्टेशनचे पोलीस निरीक्षक बालाजी भंडे व त्यांच्या सहकार्यने आंदोलकांना सहीसलामत कमानी वरून खाली उतरविले.यावेळी शहरातील असंख्य नागरिक जमाले होते. *चौकट* *उपोषणाच्या समर्थनार्थ बुधवारी सकाळी काही शेतकरी कमानीवर चढले. या घटनेमुळे परिसरात मोठी गर्दी झाली. परिस्थितीचे गांभीर्य ओळखून पोलिसांनी तातडीने हस्तक्षेप केला. नगरपंचायतीचे अग्निशमन वाहन घटनास्थळी बोलावून शिडीच्या सहाय्याने कमानीवर चढलेल्या नागरिकांना सुरक्षित खाली उतरविण्यात आले. आत्मदहनाचा प्रयत्न करण्याच्या तयारीत असलेल्या काही कार्यकर्त्यांनाही पोलिसांनी ताब्यात घेतले. #📝मराठवाडा अपडेट्स