#🍲 ഭക്ഷണപ്രേമി *🌶️ ഇന്നത്തെ പാചകം 🍳* *കോക്കനട്ട് മിഠായി* +-----+------+-------+-----+ ```കുട്ടിക്കാലത്തെ ഓർമ്മകളിലേക്ക് നമ്മളെ കൂട്ടിക്കൊണ്ടുപോകുന്ന മധുരതരമായ വിഭവങ്ങൾ എപ്പോഴും പ്രിയപ്പെട്ടവയാണ്. പ്രത്യേകിച്ച് 90കളിലെ മിഠായികളുടെയും ടോഫികളുടെയും രുചി ഒന്നു വേറെ തന്നെയാണ്. ഇന്ന് വിപണിയിൽ പലതരം മധുരപലഹാരങ്ങൾ ലഭ്യമാണെങ്കിലും, വീട്ടിൽ തന്നെ ആരോഗ്യകരമായ രീതിയിൽ മായം ചേർക്കാതെ തയ്യാറാക്കുന്ന വിഭവങ്ങൾ നൽകുന്ന സംതൃപ്തി ചെറുതല്ല. പെട്ടെന്ന് അതിഥികൾ വരുമ്പോഴോ, അല്ലെങ്കിൽ മക്കൾക്ക് മധുരം കഴിക്കാൻ തോന്നുമ്പോഴോ വളരെ കുറഞ്ഞ ചേരുവകൾ കൊണ്ട് വെറും 5 മിനിറ്റിനുള്ളിൽ തയ്യാറാക്കാൻ പറ്റിയ ഒരു അടിപൊളി കോക്കനട്ട് മിഠായി ട്രൈ ചെയ്തു നോക്കൂ. ``` ______________________ *ചേരുവകൾ* ______________________ _കണ്ടൻസ്ട് മിൽക്ക്- 200 ഗ്രാം_ _കോക്കനട്ട് ക്രീം- 1/4 കപ്പ്_ _വെണ്ണ- 1 ടേബിൾസ്പൂൺ_ _ഡെസിക്കേറ്റഡ് കോക്കനട്ട്- 5 ടേബിൾസ്പൂൺ_ _ഉപ്പ്- 1 നുള്ള്_ ______________________ *തയ്യാറാക്കുന്ന വിധം* ______________________ ```200 ഗ്രാം കണ്ടൻസ്ട് മിൽക്കിലേക്ക് കോക്കനട്ട് ക്രീമും ഡെസിക്കേറ്റഡ് കോക്കനട്ടും, ഒരു നുള്ള് ഉപ്പും ചേർത്തിളക്കി യോജിപ്പിക്കാം. ഒരു പാനിലേക്ക് ഇത് മാറ്റി അടുപ്പിൽ വച്ച് കുറഞ്ഞ തീയിൽ കട്ടിയാകുന്നതു വരെ ഇളക്കാം. കട്ടിയായി തുടങ്ങുമ്പോൾ വെണ്ണ ചേർത്തിളക്കാം. പാനിൽ നിന്നും വിട്ടു വരുന്ന അവസ്ഥയിൽ എത്തുന്നതു വരെ ഇത് തുടരാം. ശേഷം അടുപ്പണച്ച് വെണ്ണ പുരട്ടിയ ബട്ടർ പേപ്പറിലേക്കു മാറ്റി തണുക്കാൻ വയ്ക്കാം. കൈയ്യിൽ കുറച്ച് വെണ്ണ പുരട്ടി അത് അത് ചെറിയ ചതുരകട്ടകളാക്കിയെടുക്കാം. മറ്റൊരു ബൗളിൽ ഡെസിക്കേറ്റഡ് കോക്കനട്ട് ചേർത്ത് അതിലേക്ക് ഈ ചതുരക്കഷ്ണങ്ങൾ ചേർത്തിളക്കാം. ഇനി ഇത് ഒരു കുപ്പിയിലാക്കി സൂക്ഷിക്കാം, ആവശ്യാനുസരണം കഴിക്കാം.``` +-----+------+-------+-----+