എല്ലാ മോഡിഫിക്കേഷനുകളെയും ഒരേ കണ്ണിൽ കാണുന്ന നിയമങ്ങളും സമീപനങ്ങളും മാറണം. അതിശബ്ദമുള്ള എക്സോസ്റ്റ്, അപകടകരമായ ലൈറ്റുകൾ, സ്ട്രീറ്റ് റേസിംഗ് പോലുള്ള കാര്യങ്ങൾ നിയന്ത്രിക്കുന്നത് ശരിയാണ്. കാരണം അത് പൊതുജനങ്ങൾക്ക് ബുദ്ധിമുട്ടും അപകടവും ഉണ്ടാക്കുന്നു. പക്ഷേ പ്രത്യേക അനുമതിയോടെ ഓഫ്-റോഡ്, മഡ് ട്രാക്ക്, ട്രാക്ക് റേസിംഗ് പോലുള്ള ആവശ്യങ്ങൾക്കായി വാഹനങ്ങൾ പൂർണ്ണമായി മോഡിഫൈ ചെയ്യാൻ അവസരം നൽകണം. പൊതുവഴികളിൽ നിയമം പാലിക്കണം, പക്ഷേ നിയന്ത്രിത സ്ഥലങ്ങളിൽ passion പിന്തുടരാൻ സ്വാതന്ത്ര്യം വേണം. പ്രളയവും മണ്ണിടിച്ചിലും പോലുള്ള സമയങ്ങളിൽ മോഡിഫൈ ചെയ്ത ഓഫ്-റോഡ് വാഹനങ്ങൾ രക്ഷാപ്രവർത്തനങ്ങളിൽ സഹായിച്ചിട്ടുള്ളത് നമ്മൾ കണ്ടതാണ്. സാധാരണ വാഹനങ്ങൾക്ക് എത്താൻ കഴിയാത്ത സ്ഥലങ്ങളിൽ ഇത്തരം വാഹനങ്ങൾ സഹായകരമായിട്ടുണ്ട്. അതുകൊണ്ട് എല്ലാ മോഡിഫിക്കേഷനുകളെയും കുറ്റമായി കാണുന്നത് ശരിയല്ല. “എല്ലാ മോഡിഫിക്കേഷനും തെറ്റാണ്” എന്ന് പറയുന്നവരും, നിയമങ്ങളുടെ യഥാർത്ഥ ഉദ്ദേശം മനസ്സിലാക്കാതെ സംസാരിക്കുന്നവരുമാണ് കൂടുതൽ പ്രശ്നം. നിയമങ്ങൾ ഉണ്ടാക്കിയത് പൊതുസുരക്ഷയ്ക്കാണ് — ആളുകളുടെ ആവേശവും സൃഷ്ടിപരതയും ഇല്ലാതാക്കാനല്ല. നിയന്ത്രണം വേണം… പക്ഷേ അതിരുകടന്ന നിയന്ത്രണം വേണ്ട. #🗳️ രാഷ്ട്രീയം #🚙 ഓഫ് റോഡ് #🔵 യുഡിഎഫ് #🔵 കോൺഗ്രസ്സ് #🔴 എൽഡിഎഫ്