#good morning #motivational #🖌பக்தி ஓவியம்🎨🙏 #🕉️ஓம் முருகா #🙏ஓம் முருக சரணம்🙏 ...சரவணபவ... 🙏 வேலவன் வருவான் மயில் மீதினிலே, வேதனைகள் தீர்த்து வெற்றியை அருள்வான்; சேவற்கொடி ஏந்தி செந்தூரில் வீற்றிருந்து, சிந்தையில் குடிகொண்டு சீரெல்லாம் தருவான்...! ஆறுமுகம் காட்டி அன்பரைக் காத்திடுவான், அறிவொளி தந்து அகந்தையை அகற்றிடுவான்; குன்றினில் விளங்கும் குமரனே குருநாதா, குறைவெல்லாம் போக்கி குலமெல்லாம் காப்பாயே...! வேலால் வினைகளை வென்றிடும் வேலவனே, வேண்டுதல் யாவையும் நிறைவேற்றும் தெய்வமே; சரவணப் பொய்கையில் தோன்றிய செல்வமே, சரணம் சரணம் என்று உனை நாடி வந்தோமே...! கந்தனே கருணையின் கற்பகத் தருவே, கண்ணீரைத் துடைக்கும் கனிவான உருவே; துன்பங்கள் அணையத் துணையாக நிற்பவனே, தூய பக்தி நெஞ்சில் துயில்கொள்ளும் முருகனே...! வரும் துயரம் விரட்டும் வள்ளி மணாளனே; வாழ்வெல்லாம் வளமுற அருள் புரியும் வேலவனே; எடுத்த அடியெல்லாம் வெற்றிகள் மலரச் செய்து, எம் குலம் காத்திடும் செந்தில் ஆண்டவனே...! மயில் வாகனனே, மால்மருகனே, மனமெங்கும் உன் திருநாமம் மலரட்டும்; அருள் பொழிந்து எம் வாழ்வை ஒளிரச் செய்து, அன்பும் ஆனந்தமும் அருள்வாய் அருள்மிகு ஆறுமுகா...🙏 ஓம்...சரவணபவ ஷண்முகா சரணம்...🙏