ശ്രീ ടി. ജി. മോഹൻദാസ് ഒരു സംഘപരിവാർ സൈദ്ധാന്തികനാണെങ്കിലും പലപ്പോഴും മോദിയെ വെള്ള പൂശി സിംപ്ലൻ ആക്കാൻ പരമാവധി ശ്രമിക്കാറുണ്ട്. അതുതന്നെയാണ് മറ്റു പരിവാർ പ്രചാരകരിൽ നിന്നും ഇദ്ദേഹത്തെ വ്യത്യസ്തനാക്കുന്നതും. "മോദി ഇന്ത്യയിലെ ഹിന്ദുക്കൾക്ക് വേണ്ടിയൊന്നും ചെയ്തിട്ടില്ല" എന്ന മോഹൻദാസിന്റെ പ്രസ്താവന വളരെ ശരിയാണ്. കാരണം, ഇന്ത്യയിലെ സംഘപരിവാർ അണികളും ബി.ജെ.പി ഭക്തരും വിശ്വസിക്കുന്നത് കഴിഞ്ഞ 12 വർഷക്കാലമായി മോദിയും ആർ.എസ്.എസും ഇന്ത്യയിലെ ഹിന്ദുക്കൾക്ക് വേണ്ടി എന്തൊക്കെയോ ചെയ്തു എന്നാണ്. ​ഇന്ത്യയിലെ ജനസംഖ്യയിൽ 80% ഹിന്ദുമത വിശ്വാസികളാണ്. ഇന്ധനവില വർധനവ്, ആവശ്യസാധനങ്ങളുടെ വിലക്കയറ്റം, തൊഴിലില്ലായ്മ, പട്ടിണി, ദാരിദ്ര്യം എന്നിവയെല്ലാം ഏറ്റവും കൂടുതൽ അനുഭവിക്കുന്നത് ഇന്ത്യയിലെ ഭൂരിപക്ഷം വരുന്ന ഈ ഹിന്ദുമത വിശ്വാസികൾ തന്നെയാണ്. ഹിന്ദുവിന് ഒരു പെട്രോളും മുസ്ലിമിനും ക്രിസ്ത്യാനിക്കും മറ്റൊരു പെട്രോളും ഇവിടെയില്ലല്ലോ. രാജ്യത്ത് നടക്കുന്ന എല്ലാ അസമത്വങ്ങൾക്കും അനീതികൾക്കും ഇരകളാകുന്നത് ഭൂരിപക്ഷം വരുന്ന സാധാരണക്കാരായ മനുഷ്യരാണ്. ​മുംബൈ, കൊൽക്കത്ത, ഡൽഹി തുടങ്ങിയ നഗരങ്ങളിലെ ചുവന്ന തെരുവുകളിൽ ഏറ്റവും നീചമായ ജീവിത സാഹചര്യങ്ങളിലൂടെ കടന്നുപോകുന്ന പെൺകുട്ടികളിൽ ഭൂരിഭാഗവും ഹിന്ദു മതവിശ്വാസികളാണ്. നാഷണൽ ക്രൈം റെക്കോർഡ്സ് ബ്യൂറോയുടെ കണക്കനുസരിച്ച് ഇന്ത്യയിൽ ഓരോ 15 മിനിറ്റിലും ഒരു പെൺകുട്ടി ബലാത്സംഗം ചെയ്യപ്പെടുന്നുണ്ട്. ലക്ഷക്കണക്കിന് കർഷകർ ആത്മഹത്യ ചെയ്യുന്നു. വിദ്യാഭ്യാസവും കിടപ്പാടവുമില്ലാതെ ലക്ഷക്കണക്കിന് കുട്ടികൾ തെരുവിൽ അലയുന്നു; ബാലവേലയിൽ ഏർപ്പെടുന്നു. കൃത്യമായ ചികിത്സയോ മരുന്നോ ലഭിക്കാതെ കോടിക്കണക്കിന് മനുഷ്യർ ദുരിതമനുഭവിക്കുന്നു. ഈ പ്രശ്നങ്ങളെല്ലാം നേരിടുന്നത് രാജ്യത്തെ ഭൂരിപക്ഷം വരുന്ന സാധാരണക്കാരാണ്. ​കഴിഞ്ഞ 12 വർഷത്തിനിടയിൽ ഇവിടെ നിന്ന് രക്ഷപ്പെട്ടത് ഇന്ത്യയിലെ ശതകോടീശ്വരന്മാരായ മുതലാളിമാരും, അവർക്ക് വേണ്ടി നിലകൊള്ളുന്ന ഭരണാധികാരികളും ബിജെപി നേതാക്കളും മാത്രമാണ്. രാജ്യത്തിലെ സാധാരണക്കാരായ ഹിന്ദുക്കൾക്ക് ഈ പ്രശ്നങ്ങൾക്കെല്ലാം പരിഹാരമായി ഭരണകൂടം നൽകിയത് വെറുപ്പിന്റെ രാഷ്ട്രീയമാണ്. ജനങ്ങളുടെ യഥാർത്ഥ പ്രശ്നങ്ങളിൽ നിന്ന് ശ്രദ്ധ തിരിക്കാൻ മതപരമായ വിദ്വേഷം വളർത്തുമ്പോൾ, മറുവശത്ത് സാധാരണക്കാരുടെ ജീവിതം കൂടുതൽ ദുസ്സഹമാവുകയാണ് ചെയ്യുന്നത്. നന്ദി മോഹൻദാസ്, ഈ പരമമായ സത്യം തുറന്നു പറഞ്ഞതിന്. . . . . . . . #🗳️ രാഷ്ട്രീയം #🔶 BJP #👴 മോദിജി #😎 സുരേഷ് ഗോപി #🔴 എൽഡിഎഫ്