#⛈️सावधान! राज्यात पुढेच 3 दिवस धोक्याचे🙆🏻‍♂️ राज्यात पावसाच्या सरी हजेरी लावत आहेत.कोकण आणि उत्तर मध्य महाराष्ट्रात पावसाचा जोर कायम राहण्याचा अंदाज असून उर्वरित राज्यात मात्र उघडीप राहील, असा अंदाज हवामानशास्त्र विभागाने दिला आहे. #बातमी #बातम्या #महाराष्ट्र #शेती #शेतकरी #हवामान #पाऊस #Maharashtra आज पुणे घाटमाथ्यावर काही ठिकाणी मुसळधार ते अतिमुसळधार पावसाचा रेड अलर्ट जारी करण्यात आला आहे. तर नाशिक घाटमाथा, सातारा घाटमाथा, पालघर, ठाणे, रायगड जिल्ह्यांत काही ठिकाणी जोरदार पावसाचा ऑरेंज अलर्ट देण्यात आला आहे. तर मुंबई, नाशिक, धुळे, नंदुरबार, कोल्हापूर घाटमाथा आणि रत्नागिरी जिल्ह्यांत काही ठिकाणी जोरदार पावसाचा येलो अलर्ट देण्यात आला आहे. तर उर्वरित राज्यात मात्र प्रामुख्याने उघडीप राहून ऊन सावल्यांचा खेळ पहायला मिळण्याची शक्यता हवामानशास्त्र विभागाने वर्तवली आहे. उद्या म्हणजेच शनिवारी पुणे घाटमाथा, सातारा घाटमाथा आणि रायगड जिल्ह्यांत जोरदार पावसाचा ऑरेंज अलर्ट देण्यात आला आहे. तर नाशिक घाटमाथा, पालघर, ठाणे, मुंबई, कोल्हापूर घाटमाथा, रत्नागिरी, सिंधुदुर्ग जिल्ह्यांत जोरदार पावसाचा येलो अलर्ट देण्यात आला असून उर्वरित राज्यात पावसाची उघडीप कायम राहण्याचा अंदाज हवामानशास्त्र विभागाने व्यक्त केला आहे.