നിഴലായി വന്നവൾ വിധി എഴുതിയ ഒരു അപൂർവ പ്രണയം... 🖤 Part 16 മുറിയിലേക്ക് കയറിയ ശേഷം... വൃന്ദ പതിയെ വാതിൽ അടച്ചു. ശരത്ചന്ദ്രൻ കട്ടിലിന്റെ അരികിൽ ഇരുന്നു. ഷർട്ടിന്റെ കൈകൾ ഒന്നുകൂടി മുകളിലേക്ക് മടക്കിവെച്ചുകൊണ്ട് ഒരു ദീർഘനിശ്വാസം വിട്ടു. മുഖത്ത് നല്ല ക്ഷീണം ഉണ്ടായിരുന്നു. മദ്യത്തിന്റെ നേരിയ ഗന്ധവും ഇപ്പോഴും ഉണ്ടായിരുന്നു. വൃന്ദ ഡ്രസ്സിംഗ് ടേബിളിന്റെ മുന്നിൽ നിന്ന് മുടി കെട്ടി വയ്ച്ചു. മുറിയിലാകെ കുറച്ചുനേരം നിശ്ശബ്ദത മാത്രം. പുറത്ത് മഴ വീണ്ടും ചെറുതായി ചാറുന്നുണ്ടായിരുന്നു. പെട്ടെന്നാണ്... "വൃന്ദ..." ശരത്ചന്ദ്രൻ വിളിച്ചത്. "മ്മ്..." അവൾ തിരിഞ്ഞു നോക്കി. "ഇന്ന് ഓഫീസിൽ..." "എല്ലാവരും നിന്നെക്കുറിച്ച് ചോദിച്ചിരുന്നു." വൃന്ദ അതിശയത്തോടെ നോക്കി. "എന്നെക്കുറിച്ചോ...?" "മ്മ്..." "നിന്നെ എപ്പോഴാ ഓഫീസിലേക്ക് കൊണ്ടുവരുന്നത്?' എന്നായിരുന്നു എല്ലാവരുടെയും ചോദ്യം." "'ഒരു ദിവസം എല്ലാവർക്കും പരിചയപ്പെടുത്തണം' എന്നും പറഞ്ഞു." വൃന്ദയുടെ ചുണ്ടിൽ ചെറിയൊരു പുഞ്ചിരി വിരിഞ്ഞു. "അപ്പോ..." "കൊണ്ടുപോകുമോ...?" "നോക്കാം..." "ഒരു ദിവസം കൊണ്ടുപോകാം." അദ്ദേഹം ശാന്തമായി പറഞ്ഞു. വീണ്ടും കുറച്ചുനേരം നിശ്ശബ്ദത. ശരത്ചന്ദ്രൻ കട്ടിലിൽ നിന്ന് എഴുന്നേറ്റ് തലയിണ എടുത്തു. "എവിടേക്കാ...?" വൃന്ദ ചോദിച്ചു. "സോഫയിൽ കിടക്കാം." "വേണ്ട..." "കട്ടിലിൽ തന്നെ കിടന്നോളൂ." അദ്ദേഹം അവളെ ഒന്ന് നോക്കി. അപ്പോ നീ എവിടെ കിടക്കും? ഞാനും കട്ടിലിൽ തന്നെ കിടക്കും. ഇത്രയും വല്യ കട്ടിൽ ഉണ്ടായിട്ട് എന്തിനാ സോഫയിൽ പോയി കിടക്കുന്നെ. വേണേൽ ഇനിയും മൂന്നാല്പേർക് ഉള്ള സ്ഥലം ഉണ്ട് ഇതിൽ... ശരത് തലയിണ വീണ്ടും കട്ടിലിൽ വെച്ചു. "ഓ ശരി..." കിടക്കാൻ നേരം... പെട്ടെന്ന് അദ്ദേഹം ചിരിച്ചുകൊണ്ട് പറഞ്ഞു. "ഒരു കാര്യം ..." "എന്താ...?" "ഉറക്കത്തിൽ..." "നിന്റെ കൈയും കാലുമൊന്നും എന്റെ മേലേക്ക് ഇട്ടേക്കരുത്." "ഇന്നലെ നിന്റെ വീട്ടിൽ വച് എന്തുവായിരുന്നു..." അതുകേട്ട് വൃന്ദയുടെ ഹൃദയം ഒന്ന് പിടഞ്ഞു. പക്ഷേ അത് പുറത്തുകാണിക്കാതെ അവൾ പറഞ്ഞു. "അത്..." "ചിലപ്പോൾ ഇട്ടുന്നൊക്കെ വരും." ശരത്ചന്ദ്രൻ ചെറുതായി ചിരിച്ചു. "മ്മ്..." അത്ര മാത്രം പറഞ്ഞ് കട്ടിലിന്റെ ഒരറ്റത്ത് കിടന്നു. വൃന്ദയും മറുവശത്ത് കിടന്നു. ലൈറ്റ് ഓഫ് ചെയ്തതോടെ... ജനലിലൂടെ കടന്നുവന്ന നിലാവെളിച്ചം മാത്രം മുറിയിൽ നിറഞ്ഞു. "അന്ന് ഉറക്കം നടിച്ചതാണെന്ന് ശരത്തേട്ടന് ഇന്നും അറിയില്ല..." ആ ചിന്തയോടെ... അറിയാതെ...വൃന്ദയുടെ ചുണ്ടിൽ ഒരു ചെറിയ കള്ളച്ചിരി വന്നു. ആ രാത്രിയിൽ ഇരുവരും സമാധാനത്തോടെ ഉറങ്ങി. ••• 🌅 ••• പുലർച്ചെ... അലാറം മുഴങ്ങുന്നതിന് മുൻപേ... വൃന്ദ ഉണർന്നു. അവൾ മെല്ലെ എഴുന്നേറ്റ് നോക്കിയപ്പോൾ... ശരത്ചന്ദ്രൻ നല്ല ഉറക്കത്തിലായിരുന്നു. "പാവം..." അറിയാതെ അവളുടെ മനസ്സിലൂടെ കടന്നുപോയി. ഇന്നലെ രാത്രി വൈകിയും... ഓഫീസ് മീറ്റിംഗും...ഫ്രണ്ട്സ്ന്റെ ട്രീറ്റും... അതിന് പിന്നാലെ യാത്രയും... എല്ലാത്തിന്റെയും ക്ഷീണം ആ മുഖത്ത് ഇപ്പോഴും ഉണ്ടായിരുന്നു. അവനെ ഉണർത്താതെ... വൃന്ദ പതിയെ ബാത്‌റൂമിലേക് നടന്നു. കുളിച് ഫ്രഷ് ആയി അടുക്കളയിൽ എത്തിയപ്പോൾ ... സാവിത്രിയമ്മ ചായ തയാറാക്കുകയായിരുന്നു. "ഗുഡ് മോണിംഗ് അമ്മേ..." "ഗുഡ് മോണിംഗ് മോളേ..." വൃന്ദ പുഞ്ചിരിച്ചു. "മീനൂട്ടിയുടെ ടിഫിൻ ഞാൻ റെഡിയാക്കട്ടെ...?" സാവിത്രിയമ്മ സന്തോഷത്തോടെ അവളെ നോക്കി. "അത് ഞാൻ ചെയ്യാമെന്ന് വിചാരിച്ചതാ." "സാരമില്ല അമ്മേ..." "ഞാൻ ചെയ്തോളാം." അൽപ്പസമയത്തിനുള്ളിൽ... മീനാക്ഷിക്ക് ഇഷ്ടമുള്ള തക്കാളിച്ചോറും മുട്ട പൊരിച്ചതും സാലടും തയ്യാറായി. ടിഫിൻ ബോക്സും ബാഗും എല്ലാം റെഡിയാക്കി. അപ്പോഴേക്കും... മീനാക്ഷി കണ്ണും തിരുമ്മി അടുക്കളയിലേക്ക് വന്നു. "അയ്യോ..." "ഇന്ന് ഞാൻ വൈകിപ്പോയോ...?" അവൾ ചോദിച്ചതും... വൃന്ദ ചിരിച്ചു. "ഇന്ന് കുറച്ച് വൈകി." "സാരമില്ല വേഗം റെഡിയാവൂ." "ടിഫിൻ റെഡിയാണ്." "ഞാൻ ഉണ്ടാക്കിയതാ." അത് കേട്ട മീനാക്ഷിയുടെ മുഖം വിടർന്നു. "ആണോ...?" "എന്നാ ഇന്ന് ഞാൻ മുഴുവൻ കഴിക്കും." എല്ലാവരും ചിരിച്ചു. അപ്പോഴാണ്... മുറിയിൽ നിന്ന് ശരത്ചന്ദ്രൻ പുറത്തേക്ക് വന്നത്. മുടിയൊക്കെ അലങ്കോലമായി... ഉറക്കച്ചടവോടെ. അദ്ദേഹത്തെ കണ്ട സാവിത്രിയമ്മ ചിരിച്ചു. "എന്താ മോനെ..." "ഇന്ന് സൂര്യൻ ഉദിച്ചിട്ടാണോ എഴുന്നേറ്റത്...?" ശരത്ചന്ദ്രൻ ചെറുതായി ചിരിച്ചു. "കുറച്ച് വൈകിപ്പോയി അമ്മേ." സാവിത്രിയമ്മ കുറച്ചുനേരം അദ്ദേഹത്തെ നോക്കി നിന്നു. പിന്നെ പതിയെ ചോദിച്ചു. "ഇന്നലെ..." "മദ്യപിച്ചിരുന്നോ നീ...?"🤨 ശരത്ചന്ദ്രൻ ഒരു നിമിഷം വൃന്ദയെ നോക്കി. പിന്നെ അമ്മയെ നോക്കി മെല്ലെ പറഞ്ഞു. "ഓ... ഇല്ല രണ്ട് പെഗ് മാത്രം..." "ഫ്രണ്ട്സിന്റെ നിർബന്ധിച്ചപ്പോ."🫣 സാവിത്രിയമ്മ ഒരു ദീർഘനിശ്വാസം വിട്ടു. "ശീലമാക്കണ്ട." "ഏയ്യ്...ഇല്ല അമ്മേ..." "ഇടയ്ക്കൊക്കെ അല്ലെ ഉള്ളു." സാവിത്രിയമ്മ പിന്നെ ഒന്നും പറഞ്ഞില്ല. വൃന്ദ മാത്രം... ശരത്ചന്ദ്രന്റെ മുഖത്തേക്ക് ഒന്ന് നോക്കി. അവനും അത് ശ്രദ്ധിച്ചിരുന്നു. ഒരു നിമിഷം... ഇരുവരുടെയും കണ്ണുകൾ തമ്മിൽ ഇടഞ്ഞു. അറിയാതെ... രണ്ടുപേരുടെയും ചുണ്ടിൽ ഒരു ചെറിയ പുഞ്ചിരി വിരിഞ്ഞു. (തുടരും...) 💗 #📔 കഥ #📝 ഞാൻ എഴുതിയ വരികൾ #📙 നോവൽ #💞 പ്രണയകഥകൾ