റൂഹിന്റെ പാതി ❤️#ai #sto#story #love #new

#📙 നോവൽ - കാശിഭദ്രം 🔻 പാർട്ട് _2 (അവസാനഭാഗം) ✍️ രചന - ജിഫ്ന നിസാർ 💥 സാർ അകത്തുണ്ട് ചെന്നോളൂ.. " വലിഞ്ഞു മുറുകിയ മുഖത്തോടെയിരുന്ന ഭദ്രയോട് ഒരു പോലീസ്കാരൻ പറയുമ്പോൾ അവൾ എഴുന്നേറ്റു. അയാൾ ചൂണ്ടി കാണിച്ചു കൊടുത്ത റൂമിലേക്ക് ചെന്ന് കയറുമ്പോൾ ആദ്യം തന്നെ അവളുടെ കണ്ണിലുടക്കിയത് ടേബിളിൽ ഫ്രെയിം ചെയ്ത് വെച്ച ഒരു പേരാണ്.. സർക്കിൽ ഇൻസ്‌പെക്ടർ കാശിനാഥൻ.. അതൊന്ന് കൂടി വായിച്ചു കൊണ്ടാണ് അവൾ മുഖം ഉയർത്തി നോക്കിയതും. കണ്മുന്നിൽ അവളെ തന്നെ സൂക്ഷിച്ചു നോക്കി നിൽക്കുന്നവൻ. ക്ളീൻ ഷേവ് ചെയ്ത മുഖത്ത് വല്ലാത്ത ഗൗരവം. തുളച്ചുകയറുന്ന നോട്ടം. ഇരിക്കൂ.. ശബ്ദത്തിന് പോലും വല്ലാത്തൊരു മൂർച്ച.. ഭദ്ര കാശിനാഥൻ ചൂണ്ടി കാണിച്ചയിടത്തേക്ക് ഇരുന്നു. പറയൂ.. അവളിൽ നിന്നും നോട്ടം അൽപ്പം പോലും മാറ്റാതെ അവനാവശ്വപെട്ടു. ഭദ്ര താൻ എഴുതി കൊണ്ട് വന്ന പരാതി അവന് നേരെ നീട്ടി. കാശിനാഥൻ അത് വാങ്ങിച്ചിട്ട് അതൊന്ന് വായിച്ചു നോക്കി. ഇതിൽ ശ്രീ ഭദ്ര ആരോപിച്ചതൊക്കെയും റോസ് ഗ്രൂപ്പിൽ നിന്നും തന്നെ ഉള്ളതാണ് എന്നുള്ളതിന്റെ തെളിവ് വല്ലതുമുണ്ടോ.. " കയ്യിലെ പേനയൊന്ന് കറക്കി കൊണ്ടു കാശി നാഥൻ ചോദിച്ചു.. ഭദ്രയുടെ മുഖം ചുളിഞ്ഞു. തെളിവ് കണ്ട് പിടിക്കേണ്ടത് പോലിസിന്റെ ഡ്യൂട്ടി അല്ലേ.. കാശി അവളെ ഒന്ന് നോക്കുക മാത്രം ചെയ്തു. ഈ പറഞ്ഞിരിക്കുന്നതെല്ലാം മിസ് ശ്രീ ഭദ്രയുടെ തെറ്റ് ധാരണകൾ ആവാനും സാധ്യതയുണ്ടല്ലോ എന്നാണ് ഞാൻ ഉദ്ദേശിച്ചത്.. " അവളെഴുതി കൊടുത്ത പരാതി പേപ്പർ ഉയർത്തി കാണിച്ചു കൊണ്ടു കാശി നാഥൻ വീണ്ടും ചോദിച്ചു. എനിക്കങ്ങനെ തോന്നുന്നില്ല. എന്ത് കൊണ്ട്.. റോസ് ഇന്റർ നാഷ്ണൽ ഹോട്ടലിന്റെ മാനേജർ പാർഥിപൻ എന്നെ കാണാൻ എന്റെ വീട്ടിൽ വന്നിരുന്നു.. എന്നെ കാണാനല്ല.. അതെന്റെ കടക്ക് വിലയിടാനുള്ള വരവായിരുന്നു.. " ഭദ്രയുടെ മുഖം ഒന്ന് കൂടി കടുത്തു. എന്നിട്ട് ഇയാളെന്താ ആൻസർ ചെയ്തത്? അൽപ്പം പോലും പതർച്ചയില്ലാതെ തനിക്ക് മുന്നിൽ ഇരിക്കുന്നവൾക്ക് നേരെ നോക്കുമ്പോൾ തോന്നുന്ന കൗതുകം പുറമെ കാണിക്കാതെ വല്ലാത്തൊരു ഗൗരവത്തോടെ തന്നെ കാശി വീണ്ടും ചോദിച്ചു. പറ്റില്ലെന്ന് ഞാൻ അന്ന് തന്നെ പറഞ്ഞതിന്റെ പ്രതിഷേധങ്ങളാണ് അവരീ കാണിക്കുന്നത് മുഴുവനും.. " അങ്ങനെ എങ്കിൽ റോസ് ഗ്രുപ്പ് തന്നെയാണ് ഇതിന്റെ പിന്നിലെന്ന് ശ്രീ ഭദ്ര ഉറച്ചു വിശ്വസിക്കുന്നു എന്നർഥം.. " കാശി അവളെ ഒന്ന് ചുഴിഞ്ഞു നോക്കി. ഭദ്ര ഒന്ന് മൂളിയതല്ലാതെ വേറൊന്നും പറഞ്ഞില്ല. പിന്നെയും കുറച്ചു കാര്യങ്ങൾ കൂടി അവളോട് ചോദിച്ചറിഞ്ഞ ശേഷമാണ് അവൻ ഭദ്രയെ പോകാൻ അനുവദിച്ചത്. "എന്റെയും എന്റെ സഹോദരിയുടെയും ജീവിതമാണത്. ആശ്രയിക്കാൻ ഞങ്ങൾക്ക് വേറെ ആരുമില്ല. ഇതിനൊരു പരിഹാരം വേണം." പോകും മുമ്പ് ഭദ്ര കാശി നാഥനെ നോക്കി പറഞ്ഞു. അപേക്ഷയൊന്നുമല്ലത്. ഇത് ഞങ്ങളുടെ ആവിശ്യം ആണെന്ന് പറയാതെപറയും പോലെ.. ഞാനൊന്ന് അന്വേഷിച്ചു നോക്കട്ടെ.. എന്നിട്ടറിയിക്കാം.." കാശി നാഥൻ അത്രയും മാത്രം പറഞ്ഞു.                            💜💜 മോളെ... റോസ് ഗ്രുപ്പിനെതിരെ പരാതി കൊടുത്തു കഴിഞ്ഞു രണ്ടാമത്തെ ദിവസം.. മാർക്കറ്റിൽ പോയി തിരികെ കടയിലേക്ക് ചെന്ന് കയറിയ ഭദ്രയെ ലക്ഷ്മിയുടെ ഹൃദയം നുറുങ്ങിയുള്ള നിലവിളിയാണ് സ്വഗതം ചെയ്‍തത്. കടക്കുള്ളിലും അടുത്തുള്ള റോഡിലും അതിന്റെ പരിസരത്തുമെല്ലാം തടിച്ചു കൂടിയ ആളുകൾ. എന്താ.. എന്താ ചേച്ചി.. " ചോദിക്കുമ്പോൾ ഉള്ളിലെ വിറയൽ ഭദ്രയുടെ സ്വരം കൂടി ഏറ്റടുത്തു. അവരുടെ കടയിൽ നിന്നും ഭാഷണം കഴിച്ച ഒരാൾ കുഴഞ്ഞു വീണു ഹോസ്പിറ്റലിൽ ആണെന്ന്... പരിശോധനയിൽ അത് ഭഷ്യ വിഷ ബാധ എന്നു ഡോക്ടർമാർ പറയുകയും ചെയ്തു . ആദ്യം അത് കേട്ട നിമിഷം.. ഭദ്ര ഒന്നുലഞ്ഞു പോയി.. ചതി എന്ന് അവളുടെ ഹൃദയം അലമുറയിട്ടു.. പക്ഷേ അതവിടെ കൊണ്ടൊന്നും അവസാനിച്ചതുമില്ല. പിന്നെയും മൂന്നാലു പേരെ കൂടി ഛർദിയോടെ ഹോസ്പിറ്റലിൽ അഡ്മിറ്റ് ചെയ്തു എന്നുള്ള വാർത്ത വന്നെത്തി.. ഫുഡ് ഇൻസ്‌പെക്ടർ വന്നെടുത്തു കൊണ്ടു പോയ കടയിലെ ഭക്ഷണത്തിൽ അഴുകിയതും വിഷമുള്ളതുമൊക്കെ കണ്ടെത്തി. ലക്ഷ്മിയെ അറസ്റ്റ് ചെയ്യണം എന്നുള്ള പ്രതിഷേധം വരെയും എത്തി നിന്നു കാര്യങ്ങൾ. നിലയില്ലാ കയത്തിൽ വീണത് പോലെ.. ഭയം കൊണ്ടു വിറച്ചു കരയുന്ന ലക്ഷ്മിയെ ചേർത്ത് പിടിച്ചു കൊണ്ടു ഭദ്ര പകച്ചു നിന്നു പോയി..                             💥💥 ഇങ്ങോട്ട് നീങ്ങി നിൽക്.." ആദ്യം കണ്ടപ്പോഴുള്ളതിനേക്കാൾ ഗൗരവത്തോടെ കാശി നാഥൻ പറയുമ്പോൾ ലക്ഷ്മി വിറയലോടെ ഭദ്രയെ അള്ളി പിടിച്ചു. സർ.. ഇതൊരു ട്രാപ്പ് ആണ്.. " ഭദ്ര കാശിയെ നോക്കി കൊണ്ടു പറഞ്ഞു. അത് തീരുമാനിക്കാൻ ഇവിടെ പോലീസും കോടതിയും ഉണ്ട്.. അവൻ അവളെ നോക്കി കടുപ്പത്തിൽ പറയുമ്പോൾ അവനിൽ നിന്നും തങ്ങൾക്ക് നീതി കിട്ടാൻ പോണില്ലെന്ന് പോലും ഭദ്രക്ക് ആ നിമിഷം തന്നെ മനസിലാക്കി. പഴകിയ ഭക്ഷണമാണോ കടയിൽ വിളമ്പുന്നതെന്ന് ചോദിച്ചു കൊണ്ടവൻ തുറിച്ചു നോക്കിയതോടെ ലക്ഷ്മിയുടെ ബോധം മറഞ്ഞു.. സംഗതി ഭദ്ര വിചാരിച്ചതിലും വഷളായി കൊണ്ടിരുന്നു ഓരോ നിമിഷവും. കടയുടെ പരിസരത്ത് നിന്നും സ്റ്റേഷന്റെ പരിസരത്ത് നിന്നും മാധ്യമങ്ങൾ അവർക്ക് തോന്നിയത് പോലെ കാര്യങ്ങൾ വളച്ചൊടിച്ചു... ആളുകൾക്ക് മുന്നിൽ വിളമ്പി. അത് വരെയും അമൃദ് പോലെ വന്നവർക്ക് വിളമ്പുന്ന ഭക്ഷണത്തിന്റെ പേരിൽ ഭദ്രക്കും ലക്ഷ്മിക്കും അനാശാസം വരെയും കേൾക്കേണ്ടിയും വന്നു. റോസ് ഗ്രുപ്പ് കാശ്ശെറിഞ്ഞു കളിച്ചത് കൊണ്ടു തന്നെ.. അവർക്കെതിരെ കള്ള സാക്ഷി പറയാനും പടച്ചുണ്ടാക്കിയ തെളിവുകൾ നിരത്താനും നിരവധി പേരുണ്ടായി.. പാടെ തകർന്ന് പോയ ചേച്ചിയെയും ചേർത്ത് പിടിച്ചു കൊണ്ടു ഭദ്ര ആ സ്റ്റേഷനിൽ മുഖം കുനിച്ചു നിന്നു.                        💜💜 ഷട്ടപ്പ്... കാശി നാഥന്റെ ശബ്ദം വല്ലാതുയർന്നു. നിങ്ങളെനിക്ക് വില പറയുന്നോ " അവനുള്ളിലെ കലി ആ സ്വരവും മുഖവും ഏറ്റെടുത്തു. തനിക്കു മുന്നിൽ താൻ വിളിച്ചു പറയുന്നതെല്ലാം കേട്ട് ഒരക്ഷരം മിണ്ടാതെ മുഖം കുനിച്ചു നിൽക്കുന്ന ഒരു പെൺകുട്ടിയുടെ ചിത്രം.. അതവനെ വല്ലാതെ നോവിച്ചു.. ആ നിമിഷം. താൻ പോലും അവളോടൽപ്പം കരുണ കാണിച്ചില്ല എന്നുള്ള കുറ്റബോധം അവനുള്ളിൽ നിറഞ്ഞു തുടങ്ങി.. "ഞങ്ങൾ ഞങ്ങളുടെ തീരുമാനം പറഞ്ഞു.കൂടെ നിന്നാൽ അത് സർക്കിൽ സാറിനു തന്നെയാണ് ഗുണം ചെയ്യുന്നത്. ഇടഞ്ഞു നിൽക്കുന്നവരുടെ അവസ്ഥ സാറും കാണുന്നില്ലേ." റോസ് ഗ്രുപ്പ് മാനേജർ എന്നും പറഞ്ഞു കൊണ്ടു മുന്നിൽ വന്നിരുന്നയാൾ. കാശി അയാളെ തുറിച്ചു നോക്കി. മുന്നോട്ടു കുതിക്കാനുള്ള വഴിയിലെ തടസ്സങ്ങൾ ഏത് വിധേനയും ഇല്ലാതാക്കുക എന്നത് ക്രൂരതയല്ല സർക്കിൾ സാറേ.. അതൊരു ബിസിനസ് ട്രിക് മാത്രം.. അത്രയുമേ ഞങ്ങളും ചെയ്തൊള്ളൂ. അവർക്ക് മുന്നോട്ട് ജീവിക്കാനുള്ള ന്യായമായ കാശ്.. അത് ഞങ്ങൾ ഓഫർ ചെയ്തതാണ്. അപ്പോഴവർക്ക് അഹങ്കാരം. അപ്പോൾ പിന്നെ ഞങ്ങൾ ഞങ്ങളുടെ വഴി നോക്കി. ഇനിയിപ്പോ കാര്യങ്ങൾ ഈസിയാണ്.. പിന്നെ ഇത് വന്നു സാറിനോട് പറഞ്ഞത്.. ഈ കേസിൽ സാറിനൊരു പ്രതേക ഇന്ട്രെസ്റ് ഉണ്ടെന്ന് മനസിലാക്കിയിട്ട് തന്നെയാണ്. സർക്കിൽ സാർ വെറുതെ ഒരു വള്ളി കെട്ട് പിടിക്കണ്ടല്ലോ എന്നോർത്ത് കൊണ്ടാണ്. റോസ് ഗ്രൂപ്പിനൊപ്പം നിന്നാലുള്ള ബെന്ഫിറ്റ് അറിയണമെന്നുണ്ടങ്കിൽ സർക്കിൽ സർ സാറിന്റെ മേൽ ഉദ്യോഗസ്ഥൻ മാരോട് വെറുതെ ഒന്ന് അന്വേഷിച്ചു നോക്കിയാ മതി.. അപ്പൊ ശെരിയെന്ന.. പോട്ടെ.. " കാശിക്ക് കാര്യമായി എന്തെങ്കിലും പ്രതികരിക്കാൻ കഴിയും മുൻപ് വന്നയാൾ ഇറങ്ങി പോകുകയും ചെയ്തു. അത് വരെയും അത് വെറുമൊരു കേസ് എന്നത് മാത്രമായിരുന്നു. അയാളാ പറഞ്ഞത് പോലെ അവൻ പ്രതേകിച്ചു ഒരു ഇൻട്രസ്സ്റ്റും കാണിക്കാത്ത വെറുമൊരു കേസ്.. എന്നാലാ വെല്ലുവിളി കേട്ടത് മുതൽ അവനുള്ളിൽ നിസ്സഹായരായ രണ്ടു പെൺകുട്ടികളുടെ മുഖം തെളിഞ്ഞു.. കരഞ്ഞും വിളിച്ചും നിൽക്കുന്ന ഒരുവൾ.. കാരിരുമ്പിന്റെ കരുത്തോടെ മറ്റൊരുവൾ. അവർക്ക് വേണ്ടി എന്തെങ്കിലും ചെയ്ത് കൊടുക്കണം എന്നുള്ള തോന്നൽ അവനിൽ ശക്തമായി. മിഡിയ കൂടി ഏറ്റെടുത്ത കേസായി മാറിയിരിക്കുന്നു. കടയിൽ നിന്നും ഭക്ഷണം കഴിച്ച ആളുകൾ.. അവർക്ക് ജീവഹാനി സംഭവിച്ചിട്ടില്ല എന്നുള്ള കാരണം കൊണ്ടു ലഷ്മിയെയും ഭദ്രയെയും വീട്ടിലേക്ക് പറഞ്ഞു വിട്ടിട്ടുണ്ട്. പക്ഷേ അവരുടെ കടക്ക് പൂട്ട് വീണു കഴിഞ്ഞു. എന്റെയും എന്റെ ചേച്ചിയുടെയും മുന്നോട്ടുള്ള ജീവിതമാണത്. കഴിയുമെങ്കിൽ സഹായിക്കണം .. " ആദ്യദിവസം.. റോസ് ഗ്രൂപ്പിനെതിരെ ഒരു പരാതിയും തന്നു കൊണ്ടു ഇറങ്ങി പോകും വഴി ഭദ്ര പറഞ്ഞ ആ വാക്കുകൾ. അത് കാശിയുടെ ഉള്ളിലെ സ്വസ്ഥത കെടുത്തി. അവനാ കേസിന്റെ പിറകെ തന്നെ കൂടി.. സ്റ്റേഷനിൽ നിന്ന് പോലും കടുത്ത എതിർപ്പ്. തുടരെ വരുന്ന ഫോൺ കോളുകൾ.. വിളിക്കുന്നവർക്കെല്ലാം പറയാനുള്ളത് ഒരൊറ്റ കാര്യം.. റോസ് ഗ്രൂപ്പിനെതിരെ കളിക്കരുത്.. ജീവന് തന്നെ ഭീക്ഷണിയാണ് എന്നുള്ളതും.. ആശ്രയിക്കാൻ ആരുമില്ലാത്ത രണ്ടു പെൺകുട്ടികൾ.. അമ്മയുടെ മോൻ അവർക്കൊപ്പം നിൽക്ക്.. അവർക്ക് നീതി വാങ്ങിച്ചു കൊടുക്ക്.. " മുന്നോട്ടുള്ള യാത്ര വല്ലാതെ കഠിനമാകുമ്പോൾ കാശി അവന്റെ അമ്മയുടെ വാക്കുകൾ ഓർക്കും. തനിക്ക് മുന്നിൽ തല കുനിച്ചു നിൽക്കുന്ന രണ്ടു പെൺകുട്ടികളെ ഓർക്കും. അവനിലേക്ക് അറിയാതെ തന്നെ ധൈര്യം വന്നു നിറയും.. ഒറ്റയ്ക്കുള്ള പോരാട്ടമാണ്. അവനെ തോൽപ്പിക്കാനും അവൻ തോറ്റു കാണാനും തന്നെയാണ് സഹപ്രവർത്തകർക്ക് പോലും ആവേശം.. അതിനിടയിൽ വന്നു പോകുന്ന ഭീക്ഷണി ആ നാട്ടിലേക്ക് വന്നു ചേർന്നിട്ട് ഒരു മാസം ആയത് കൊണ്ടാവും.. സ്ഥലം മാറ്റം എന്നൊരു കടമ്പ അവന് മുന്നിലേക്ക് വന്നില്ല. ഏത് നിമിഷവും എന്തും സംഭവിക്കും എന്നൊരു ബോധത്തോടെ തന്നെ കാശി മുന്നോട്ട് പോയി. ഭദ്ര കൊടുത്ത പരാതിയുടെ അടിസ്ഥാനത്തിൽ അതിന് വേണ്ടുന്ന തെളിവുകൾ എല്ലാം കണ്ട് പിടിച്ചത് അവൻ ഒറ്റക്കാണ്. അതിനിടയിൽ ഒന്ന് രണ്ടു പ്രാവശ്യം അവൻ ഭദ്രയെയും ലക്ഷ്മിയെയും വീട്ടിൽ പോയി കണ്ടു. അവരുടെ ജീവിതം കണ്ടു മനസ്സിലാക്കി. അതോടെ അവനിലെ വാശി ഒന്ന് കൂടി കടുത്തു. ലക്ഷ്മി തളർന്നു തൂങ്ങി കൊണ്ടു തന്നെയാണ്. പക്ഷേ ഭദ്ര ജീവിതം മുന്നോട്ട് കൊണ്ടു പോകാനുള്ള പുതിയ വഴികൾ തിരയുണ്ടെന്ന് അറിഞ്ഞ നിമിഷം കാശിക്കവളോട് വല്ലാത്തൊരു ആരാധനയാണ് തോന്നിയത്. അതിനിടയിൽ.. അവരുടെ ജീവിതത്തിനെ കുറിച്ചും തനിച്ചായി പോയ അവരെ കുറിച്ചും കാശി അറിഞ്ഞു കഴിഞ്ഞു. അതൊക്കെയും കൊണ്ടാണ്... ഏത് വിധേനയും അവർക്ക് നീതി നേടി കൊടുക്കണം എന്നൊരു വാശിയിലേക്ക് അവനെത്തി നിന്നു.. ഒടുവിൽ കാശി നാഥൻ തന്നെ വിജയിച്ചു.. കാശ്ശെറിഞ്ഞു കൊണ്ടു അവന് മുന്നിലെ വഴിയിൽ പല വട്ടം തടസ്സം സൃഷ്ടിക്കാൻ റോസ് ഗ്രൂപ്പും അവന്റെ മേൽ ഉദ്യോഗസ്ഥരിൽ പലരും ശ്രമിച്ചപ്പോഴും അവൻ നീതിയും ന്യായവും തന്നെയാണ് മുറുകെ പിടിച്ചത്.. റോസ് ഗ്രൂപ്പിന്റെ ചതിയെ കുറിച്ച് തെളിവുകൾ സഹിതം ആദ്യം കോടതിയിലും പിന്നെ നന്മയുള്ള മാധ്യമങ്ങൾക് മുന്നിലും കാശി നാഥൻ നെഞ്ചും വിരിച്ചു നിന്നപ്പോൾ അവന് മുന്നിൽ.. ആ നിശ്ചയദാർഡ്യത്തിന് മുന്നിൽ റോസ് ഗ്രൂപ്പ് തല കുനിച്ചു.. താങ്കളുടെ ആഡംബര ഹോട്ടലിന് മുന്നിൽ അത് പോലൊരു കടയുള്ളതിന്റെ നാണക്കേട് കൊണ്ടാണ് അതവിടെ നിന്നും പാടെ തുടച്ചു നീക്കാൻ കുറച്ചു നാളായി നടത്തിയ നാറിയ കളികളെ കുറച്ചും അവർക്ക് ഏറ്റു പറയേണ്ടി വന്നു. തെളിവുകൾ കാണിച്ചു കൊണ്ടു വെറുമൊരു സർക്കിൾ ഇൻസ്‌പെക്ടർ ആയാ കാശി നാഥൻ അവരെ കൊണ്ടു പറയിപ്പിച്ചു എന്ന് പറയുന്നതാവും ശെരി.. കാശിന്റെ ബലത്തിൽ അവർ കാണിച്ച കൂട്ടിയ അഹങ്കാരത്തിന് കനത്ത വില തന്നെ കൊടുക്കേണ്ടിയും വന്നു. സമൂഹത്തിന് മുന്നിൽ അത് വരെയും ഉണ്ടാക്കി എടുത്ത പോയ്‌ മുഖമൂടി അഴിഞ്ഞു വീണതോടെ പിന്നെ അതവരുടെ നില നിൽപ്പിനെ തന്നെ ബാധിച്ചു..                       💜💜 ഒരു താങ്ക്സ് എങ്കിലും പറയാം കേട്ടോ.. " തനിക്ക് മുന്നിലേക്ക് ചായയും കടിയും നീക്കി വച്ചു തന്നവളെ നോക്കി കാശ്ശിയൊരു ചിരിയോടെ പറഞ്ഞു. "എന്തിന്.. സാർ സാറിന്റെ ഡ്യൂട്ടി അല്ലേ ചെയ്തത്. അതിന് സർക്കാർ ശമ്പളവും തരുന്നില്ലേ.ഇനിയിപ്പോ പ്രതേകിച്ചു ഒരു നന്ദി പറച്ചിലിന്റെ ആവിശ്യം ഉണ്ടെന്ന് തോന്നുന്നില്ല." പതിവുപോലെയുള്ള അതേ ഗൗരവത്തോടെ തന്നെ ഭദ്ര അതും പറഞ്ഞിട്ട് തിരിഞ്ഞു നടക്കുമ്പോൾ അവിടെ നിന്നും അത്രയുമേ പ്രതീക്ഷിക്കുന്നുള്ളൂ എന്നൊരു ഭാവത്തിൽ കാശി ഒന്ന് ഊറി ചിരിച്ചു. രണ്ടു ദിവസങ്ങൾക്ക് മുന്നേ... ഭദ്രയും ലക്ഷ്മിയും കൂടി കട വീണ്ടും തുറന്നു പ്രവർത്തിക്കാൻ തുടങ്ങി. ഇനി പഴയ പോലെ കച്ചവടം ഉണ്ടാകുമോ ആളുകൾ ഭയമില്ലാതെ കഴിക്കാൻ വരുമോ എന്നൊക്കെയുള്ള ആശങ്കകൾ ലഷ്മിക്ക് തന്നെയായിരുന്നു കൂടുതൽ. "ജസ്റ്റ്‌ ഒന്നൂടെ ട്രൈ ആക്കി നോക്കടോ.. നിങ്ങൾക്കൊട്ടും പറ്റില്ലെന്ന് തോന്നിയാൽ നമ്മക്കത് വിട്ടേക്കാം. പുതിയ എന്തെങ്കിലും നോക്കാം.."എന്ന് അവർക്ക് ധൈര്യം കൊടുത്തത് കാശി തന്നെയാണ്. കുറച്ചു നാളുകൾ അടച്ചിട്ട ആ കട വീണ്ടും തുറന്നു പ്രവർത്തിക്കാൻ ആവിശ്യമുള്ളതൊക്കെയും വാങ്ങി അങ്ങോട്ട് എത്തിച്ചു കൊടുത്തത്. വേണ്ടന്ന് ഭദ്ര പറഞ്ഞിട്ടും കടമായിട്ടാണ് എനിക്കിത് തിരികെ തന്നേക്കണം എന്നൊരു വാക്കോടെ അവനത് പറഞ്ഞു തീർത്തു. ഭദ്രക്കൊരു പിടുത്തമുണ്ട് എങ്കിലും ലഷ്മിക്ക് അവനോടൊരു സൗഹൃദമുണ്ട്. അതവൻ തന്നെ ഉണ്ടാക്കി എടുത്തതാണ്. നന്ദിയും കടപ്പാടും കൊണ്ടു തനിക്ക് മുന്നിൽ നിൽക്കുന്നവളോട് ഞാൻ എന്റെ ഡ്യൂട്ടി ആണ് ചെയ്തത്.. ഇതിന്റെയൊന്നും ആവിശ്യമില്ല.. കഴിയുമെങ്കിൽ എന്റെ സൗഹൃദമാകുക എന്നും പറഞ്ഞത് അവനാണ്. സൗഹൃദം ലക്ഷമിയോട് മാത്രമാണ്. തുടരെയുള്ള കാഴ്ചകളിൽ.. നിലപാടിൽ ഉറച്ചു നിൽക്കാനുള്ള ധൈര്യവും തന്റേടവുമുള്ള അവളുടെ അനിയത്തിയോട് തോന്നുന്ന വികാരം.. അതിന് പ്രണയം എന്ന് തന്നെ പേരിട്ടു നൽകാനാണ് അവനിഷ്ട്ടം. അടുത്തറിയെ ഇത് വരെയും ആരോടും തോന്നാത്ത വിധമൊരു ഇഷ്ടം.. ആ പെണ്ണിനോട് തോന്നി പോയതെങ്ങനെയെന്ന് അവന്നപ്പോഴും അറിയില്ലായിരുന്നു. ഇന്നിപ്പോ രണ്ടു ദിവസം കൂടുമ്പോൾ ഒരിക്കലെങ്കിലും അവളെ ഒന്ന് കാണാതെ വയ്യെന്നായിട്ടും അവനത് തുറന്നു പറഞ്ഞിട്ടില്ല. സുഖമുള്ളൊരു ലഹരി പോലെ അവനതങ്ങനെ ഹൃദയത്തിൽ സൂക്ഷിച്ചു..                              💜💜 ഭദ്ര ഉത്തരമൊന്നും പറഞ്ഞില്ല.. " അത് വരെയുമില്ലാത്ത ടെൻഷനോടെ കാശി അവളെ നോക്കി.. അവൾ പക്ഷേ അവനെ നോക്കുന്നില്ല. അത് കൊണ്ടു തന്നെ ആ മനസ്സിൽ എന്തെന്ന് അവനറിയാനും കഴിയുന്നില്ല. ഇഷ്ടം ഉളിലൊതുക്കി നടക്കാൻ ഇനിയും വയ്യെന്നായപ്പോൾ കാശി തന്നെ അവളോട് തുറന്നു പറഞ്ഞതാണ്. പക്ഷേ ഭദ്രയുടെ മൗനം.. അതവനെ ആശങ്കപെടുത്തുക തന്നെ ചെയ്തു. ഇഷ്ടമല്ലെങ്കിൽ അതും തുറന്നു പറയാം കേട്ടോ.. " അവളുടെ നിൽപ്പ് കണ്ടിട്ട് കാശി പറഞ്ഞു. എനിക്കൊരുപാട് കാര്യങ്ങൾ ചെയ്ത് തീർക്കാനുണ്ട് ഇനിയും.. ഒടുവിൽ പതിയെ പറഞ്ഞു തുടങ്ങിയവൾ. നമുക്കൊരുമിച്ചു ചെയ്ത് തീർക്കലോ.. " ആ മുഖത്തെ തെളിച്ചം കാശ്ശിക്കൊരു സമാധാനം തോന്നി. അവൻ ആവേശത്തിൽ പറഞ്ഞു. "ടോ... താൻ പറയുന്നതും ഇനി എന്നോട് പറയാൻ പോണതും എല്ലാം എനിക്കറിയാം. എല്ലാം അറിഞ്ഞിട്ട് തന്നെയാണ്. കണ്ടന്ന് മുതൽ തോന്നിയ ഇഷ്ടം എന്നൊന്നുമല്ല.. പക്ഷേ അടുത്തറിഞ്ഞ അന്ന് മുതൽ ശ്രീ ഭദ്രയെന്റെ മനസ്സിലുണ്ട്. ആദ്യമൊരു അഭിമാനമായും പിന്നെയെന്റെ ശ്വാസം മുട്ടിക്കുന്ന പ്രണയമായും " ഒരു പോലീസ്കാരന് വേണ്ട പക്വതയോടെ.. എന്നാലോരു കാമുകന് വേണ്ട ആർദ്രതയോടെ അവനത് പറഞ്ഞു തീർക്കുമ്പോൾ.. ആ തുറന്നു പറച്ചിലിന് മുൻപ് തന്നെ അങ്ങനെ ഒരിഷ്ടം തിരിച്ചറിയാൻ കഴിഞ്ഞവൾ അവനെ ഒന്ന് നോക്കി. "കാശി നാഥന്റെ പ്രണയത്തിലേക്കും ജീവിതത്തിലക്കുമാണ് വിളിക്കുന്നത്. അത്രയും സ്നേഹം തോന്നിയിട്ട് തന്നെയാണ്. ലക്ഷ്മിയെ കുറിച്ച് മറന്നിട്ടില്ല. മറക്കേം ഇല്ല. അത് പോലെ തന്നെ നിന്നേം.. എന്നാലും ഞാൻ കാരണം നിന്റെയും അവളുടെയും ജീവിതത്തിൽ നഷ്ടങ്ങളൊന്നും ഉണ്ടാവരുത് എന്നെനിക്ക് നിർബന്ധവുമുണ്ട്. അത് കൊണ്ട് ഭദ്രക്ക് ധൈര്യമായി ഉള്ളിലുള്ളത് എന്നോട് തുറന്നു പറയാം.." കാശി നേർത്തൊരു ചിരിയോടെ അവനെ നോക്കി. അതേ ചിരിയപ്പോൾ ഭദ്രക്കുമുണ്ട്. ഞാനെന്നെ കുറിച്ച് ഓർത്തിട്ടില്ല ഇത് വരെയും.. ഇപ്പോഴും." ഒന്ന് ശ്വാസമെടുത്തു കൊണ്ടവൾ പറഞ്ഞു തുടങ്ങി. "ചെറുപ്പം മുതൽ എന്റെ ചേച്ചി ഒരു പാവമാണ്. വേണ്ടതൊന്നും പിടിച്ചു വാങ്ങാനും ചോദിക്കാനും അവൾക്കറിയില്ല.. അറിയില്ല എന്നല്ല.. അവൾക്ക് ഭയമാണ്. അച്ഛനും അമ്മേം ഞങ്ങളെ വിട്ട് പോയതിൽ പിന്നെ അത് വീണ്ടും കൂടി.." ശാന്തമായിട്ടാണ് അവളത് പറയുന്നത്. എങ്കിലും അവളെന്താണ് പറഞ്ഞു വരുന്നതെന്ന് അവനൊരു ഊഹവും കിട്ടിയതുമില്ല. "ഞാൻ കൂടെ ഇല്ലെങ്കിൽ അവൾക്കും മുന്നോട്ട് ജീവിക്കാൻ വയ്യ.. അവളെ പൂർണ്ണമായും മനസ്സിലാവുന്ന സ്നേഹിക്കുന്ന ഒരാളെ ഏല്പിച് കൊടുക്കും വരെയും ഞാൻ എന്നേ കുറിച്ച് ചിന്തിച്ചു നോക്കുന്നില്ല.." ചിരിയോടെ തന്നെ കാശി അവളെ നോക്കുമ്പോൾ അവനിലൊരു ആശ്വാസം നിറഞ്ഞു. കണ്ണും പൂട്ടി റിജേക്ട് ചെയ്തില്ലല്ലോ എന്നൊരു ആശ്വാസം. സന്തോഷം. "ഞാൻ കാത്തിരിക്കും.." ഉള്ളിലെ പ്രണയം മുഴുവനും നിറഞ്ഞ ആ വാക്കുകൾ. അറിയാതെ തന്നെ ഭദ്രയുടെ മുഖമൊന്നു ചുവന്നു. കാത്തിരിപ്പ് വല്ലാണ്ട് നീണ്ടു പോയാലോ..? സാറിന് മടുത്തു പോകും.. പിന്നെ അന്നെന്നെ പഴി പറയരുത്.. സാറിന്റെ കുറെ നല്ല ദിവസങ്ങൾ ഞാൻ കാരണം പോയെന്ന് പരാതിയും പറയരുത്.. അങ്ങനെ ആണെങ്കിൽ.. അത് വരെയും കാണിക്കാത്ത.. അറിയിക്കാത്ത ഒരു കുറുമ്പോടെ അവളത് ചോദിക്കുമ്പോൾ കാശിയുടെ മനം നിറഞ്ഞു നിൽക്കുന്ന ഒരു ചിരിയുണ്ടവനും. "ഞാനാ മനസ്സിൽ ഉണ്ടല്ലോ.. അത് മതി.. മരണം വരെയും ഈ കാശിനാഥൻ കാത്തിരിക്കും.. അവന്റെ പ്രണയത്തെ..സ്റ്റിൽ ഐ ലവ് യൂ..." കുറച്ചു കൂടി അവൾകരികിലേക്ക് നീങ്ങി നിന്നിട്ടത് പറയുമ്പോൾ അവനിലെ പ്രണയതിന്റെ വലിയൊരു തിര വന്നവളുടെ നെഞ്ചിൽ അലയടിച്ചു.. തൊട്ടു തൊട്ടില്ലെന്ന മട്ടിൽ അരികിൽ നിൽക്കുന്നവൻ. ഭദ്ര അവന്റെ കണ്ണിലേക്കു നോക്കി... L തുറന്നു പറഞ്ഞില്ലേലും ആ മനസ്സിൽ തന്നോടുള്ള ഇഷ്ടമൊക്കെ വളരെ മുൻപ് തന്നെ അറിഞ്ഞു കഴിഞ്ഞതാണ്. തന്നെ നോക്കുമ്പോൾ തന്നോട് മിണ്ടുമ്പോൾ എല്ലാം ആ കണ്ണുകളിൽ പ്രണയത്തിന്റെ പൂത്തിരികൾ മിന്നി മറയുന്നതും ഒത്തിരി പ്രാവശ്യം അറിഞ്ഞിട്ടുണ്ട്.. അന്ന് വരെയും ആരോടും തോന്നാത്തത് പോലൊരിഷ്ടം ആളോട് തോന്നിയിരുന്നു. കാശി പറഞ്ഞത് പോലെ.. അത് ആദ്യകാഴ്ചയിലൊന്നുമല്ല.. തനിച്ചായി പോയ തനിക്കും തന്റെ സഹോദരിക്കും മേൽ.. സംരക്ഷണതിന്റെ കരുത്തുള്ള ആ കയ്യും മെയ്യും ചേർന്നു നിന്നിരുന്ന ഏതോ നാളിൽ.. അറിയാതെ ഉള്ളിലെ മോഹമായി മാറിയിരുന്നു. ഈ സർക്കിൾ ഇൻസ്‌പെക്ടർ കാശി നാഥൻ. പക്ഷേ അപ്പോഴും അവനെ പോലെ ഒരാളെ സ്നേഹിക്കാനും മോഹിക്കാനുമുള്ള യോഗ്യതയൊന്നുമില്ലെന്ന് മനസ്സിലാക്കി എല്ലാം ഉള്ളിലൊതുക്കി. ഇന്നിപ്പോൾ....സ്നേഹം തുറന്നു പറഞ്ഞു കൊണ്ടവൻ തന്നെ തന്നിലേക്ക് ചേർന്നു നിൽകുമ്പോൾ ഇനിയെന്ത് ഭയക്കാൻ. ആ തണലിൽ സുരക്ഷിതമായിരിക്കും എന്ന് ഉറപ്പുമുണ്ടല്ലോ.. തനിച്ചാണെന്നുള്ള തന്റെ ഉള്ളിലെ അരക്ഷിതാവസ്ഥക്ക് മീതെ... പ്രണയതിന്റെ കരുത്തുമായുള്ള അവന്റെ കാത്തിരിക്കാമെന്നുള്ള ആ വാക്ക്. അതിന്റെ ഉറപ്പും.. ഭദ്രക്കുള്ളിലും പുതിയൊരു പ്രതീക്ഷ തെളിഞ്ഞു. അത് വരെയും അനുഭവിച്ചതെല്ലാം അവനിലേക്ക് എത്തി ചേരാനുള്ള വഴികൾ മാത്രമായിരുന്നു എന്നോർക്കുമ്പോൾ പോലും അവൾക്കൊരു നിർവൃതി തോന്നി.. ലക്ഷ്മിയോടെല്ലാം കാശി തന്നെയാണ് തുറന്നു പറഞ്ഞത്. പക്ഷേ അവനത് പറയും മുൻപ് തന്നെ അവൾക്കങ്ങനെയൊരു സംശയം തോന്നിയിരുന്നു.. തനിക്കു വേണ്ടിയാണ് അവരുടെ കാത്തിരിപ്പെന്നറിഞ്ഞപ്പോൾ അത് വേണ്ടന്ന് ലക്ഷ്മി അവരോട് പറഞ്ഞതാണ്. പക്ഷേ കാശിക്ക് വാക്ക് പാലിക്കണമായിരുന്നു.. കാരണം.. അവനും അവനൊപ്പം അവന്റെ പെണ്ണും കാത്തിരിപ്പാണ്.. പ്രണയത്തിന്റെ വസന്തം വരുന്നതും കാത്ത്... പ്രണയം നിറഞ്ഞ കാത്തിരിപ്പ്... 💥💥 എല്ലാവരുടെയും അഭിപ്രായം അറിയിക്കുക ... എന്നാൽ പുതിയ കഥയുമായി പെട്ടെന്ന് വരാം... #💞 പ്രണയകഥകൾ #📔 കഥ

#😎 Motivation Status #💭 Quote for life #🕉 മഹാഭാരതം #📔 കഥ

അമ്മ എന്തൊക്കെ പറഞ്ഞലും ഈ വിവാഹം നടക്കില്ല... "നടത്താൻ എനിക്ക് അറിയാം ഹരി  നീ ഈ വിവാഹത്തിന് സമ്മതിക്കും... അഞ്ജനയെ നീ മറക്കാണം  അവൾ ഇന്ന് ജീവനോടെയില്ല അത് എന്താ നീ  മനസ്സിലാക്കാത്തത്..... " "എന്റെ അഞ്ചു ജീവനോടെ ഉണ്ട് അങ്ങനെ വിശ്വാസിക്കാനാ എനിക്ക് ഇഷ്ടം..." "ഞാൻ അന്ന് അമ്പലത്തിൽ കണ്ടാ കുട്ടിയെ ചോദിക്കാൻ പോവാ നിനക്ക് വേണ്ടി അവർക്ക് സമ്മതം ആണെങ്കിൽ ഈ വിവാഹം നടക്കും എന്റെ മകൻ ഒറ്റ തടിയായി  നിൽക്കാൻ ഞാൻ സമ്മതിക്കില്ല എന്റെ മരണ ശേഷം നിനക്ക് ഒരു കൂട്ട് വേണം ...." "അമ്മക്ക് എന്താ പറഞ്ഞ മനസ്സിലാവില്ലേ എനിക്ക് അഞ്ചുവിനെ അല്ലാതെ വരെ പെണ്ണിനെ സ്നേഹിക്കാൻ കഴിയില്ല." അതെല്ലാം നിന്റെ തോന്നൽ മാത്രമാ എന്റെ മകൻ ചന്ദന മോളെ സ്നേഹിക്കും അത്ര പാവം കുട്ടിയാ കാണാനും നല്ല ഐശ്വര്യവും ഉണ്ട്..... ഞാൻ ഇറങ്ങാ.... ഹരി ദേഷ്യത്തിൽ പുറത്തേക്ക് കാറും എടുത്ത് പോയതും ആ അമ്മ ഡ്രൈവറെ കൊണ്ട് ചന്ദനയുടെ വീട്ടിലേക്ക് തിരിച്ചു. "അച്ഛാ ദാ ഈ രണ്ട് വഴുതന  മൂത്തിട്ടുണ്ട്...." "അത്  പൊട്ടിച്ചോ മോളെ പിന്നെ ആ വെണ്ടയും പൊട്ടിച്ചു എടുത്തോ സാമ്പറിൽ ഇടാം...." ചന്ദന വേഗം പറമ്പിൽ നിന്ന് ആവശ്യത്തിന് പച്ചക്കറി പൊട്ടിച്ചു എടുത്തതും അച്ഛനെ കൂട്ടി വീട്ടിലേക്ക് നടന്നു. "മോളെ വലിയ ഒരു കാർ നമ്മുടെ വീട്ടിലേക്ക്  വരുന്നുണ്ടല്ലോ...." "ബാങ്കിൽ നിന്ന് ആവോ അച്ഛാ...." "അവർ നമുക്ക്  ഒരു മാസത്തെ സാവകാശം തന്നതല്ലേ അവർ ആവാൻ വഴി ഇല്ല..." പിന്നെ ആരവും അച്ഛാ ഇത്ര വലിയ കാറിൽ വരുന്നത്... അവരുടെ മുന്നിലായി കാർ വന്നു നിന്നതും അതിൽ നിന്ന് ഇറങ്ങുന്ന മാലതി അമ്മയെ കണ്ട് ചന്ദന അമ്മയുടെ അടുത്തേക്ക് ഓടി. "മാലതി അമ്മേ എന്താ ഇവിടെ എന്നെ കാണാൻ വന്നത് ആണോ..." "മോളെ കാണാൻ തന്നെ വന്നതാ..." ആരാ മോളെ ഇത്.... "അച്ഛാ അന്ന് ഞാൻ പറഞ്ഞില്ലേ ഒരു അമ്മ അമ്പലത്തിൽ   തല കറങ്ങി വീണപ്പോൾ ഞാൻ ഇവിടെ കൊണ്ട് വന്നത് ആ അമ്മയാ ഇത്...." "പുറത്ത് നിർത്തി സംസാരിപ്പിക്കാതെ അകത്തേക്ക് കയറ്റു കുട്ടി...." "അമ്മേ കയറി ഇരിക്ക് ഞാൻ കുടിക്കാൻ കാപ്പി കൊണ്ട് വരാം..." "എനിക്ക് ഇപ്പോ ഒന്നും വേണ്ട എന്റെ കുട്ടിയെ ഞാൻ മോളുടെ അച്ഛനെ കാണാൻ വന്നതാ..." എന്നെയോ എന്തിന്... ചന്ദന മോളെ എന്റെ മകന്റെ പെണ്ണായി തരുമോ എന്ന് ചോദിക്കാൻ... ആ അമ്മ പറഞ്ഞു നിർത്തിയതും ചന്ദനയും അച്ഛനും ഞെട്ടി നിന്നു. "എന്താ രണ്ട് പേരും ഞെട്ടി  നിൽക്കുന്നത് ഞാൻ തമാശ  പറഞ്ഞതല്ല മോളെ ചോദിക്കാനാ വന്നത് ...." നിങ്ങളെ പോലെ ഉള്ളവരുടെ വീട്ടിലേക്ക് വരാൻ ഉള്ള  യോഗ്യത ഒന്നും ഞങ്ങൾക്കില്ല ഇപ്പോ കിടപ്പാടം വരെ പോകുന്ന സ്ഥിതിയിൽ ആണ് മോളെ വിവാഹം കഴിപ്പിച്ചു വിടാൻ ആഗ്രഹം  ഉണ്ടെങ്കിലും മോളെ വെറുതെ വിടാൻ പറ്റുമോ നാട്ടുനടപ്പ് നോക്കണ്ടേ..... ഞാൻ ചന്ദന മോളെ മാത്രം ചോദിച്ചുള്ളൂ സ്ത്രീധനമായി ഞങ്ങൾക്കൊന്നും വേണ്ട ആവശ്യത്തിന് ഞങ്ങൾക്ക് ഉണ്ട് അത് എന്റെ മകന് ഉള്ളതാ എന്ന് വെച്ചാൽ വിവാഹം  കഴിയുന്നതോടെ ചന്ദന മോൾക്കും കൂടെ ഉള്ളതാ അതൊക്കെ .... പിന്നെ നിങ്ങളെ പറ്റി ഞാൻ ഒന്ന്  അന്വേഷിച്ചിരുന്നു അപ്പോ അറിഞ്ഞു മോളുടെ അമ്മയുടെ അസുഖം കാരണം എല്ലാം വിറ്റു എന്നും ഈ വീട് അടുത്ത് ജപ്തി ആകുമെന്നും. " കേട്ടതെല്ലാം സത്യമാ മോളുടെ അമ്മക്ക് കാൻസർ ആയിരുന്നു അതും തലയിൽ കുറെ  ചികിത്സിച്ചു ഭേദമായി വന്നതാ  അപ്പോഴാ അറ്റാക്ക് രൂപത്തിൽ കൊണ്ട് പോയത്. ചികിത്സയ്ക്ക് എല്ലാം വിറ്റു അവളെ തിരിച്ചു കിട്ടാൻ വേണ്ടി....." മരണം കൂടെ ഉണ്ട് അത് ഏത് സമയത്തും സംഭവിക്കാം എനിക്കും പേടിയാ ഞാൻ പോയാൽ എന്റെ മോൻ  ഒറ്റയ്ക്കാകുമോ എന്നോർത്ത് അത് കൊണ്ടാ വിവാഹം വേഗം നടത്താൻ തീരുമാനിച്ചത് പിന്നെ അന്ന് മോളെ കണ്ടപ്പോൾ ഒരുപാട് ഇഷ്ടപ്പെട്ടു അതുകൊണ്ടാ മോളെ ചോദിക്കാൻ അമ്മ ഓടി വന്നത്.... എന്റെ മോന് ചന്ദന മോളെ തരോ ഞാൻ പൊന്ന് പോലെ നോക്കി കൊണ്ട്..... ഞാൻ ഇപ്പോ എന്താ പറയാ ചിലപ്പോൾ ഞങ്ങളുടെ അവസ്ഥ കണ്ട് ഈശ്വരൻ നിങ്ങളെ പറഞ്ഞു വിട്ടത് ആവും എന്റെ കുഞ്ഞ് രക്ഷപ്പെടുന്നത് എനിക്ക് സന്തോഷം തരുന്ന കാര്യമാ എനിക്ക് സമ്മത വിവാഹത്തിന്... മോൾക്കോ... അച്ഛന്റെ ഇഷ്ടം..... "എന്നാൽ മോളുടെ ജാതകം  തന്നോളൂ നോക്കി വിളിക്കാം എന്താ മോളുടെ നാൾ..." കാർത്തിക .. മോന്റെ ജാതകത്തിന് ചേരുന്ന നാൾ തന്നെയാ... എന്നാൽ ഞാൻ നോക്കി വിളിക്കാം അടുത്ത ഡേറ്റ് എടുക്കുള്ളു കാരണം മോന് ഈ ചിങ്ങത്തിൽ തന്നെ വിവാഹം  വേണമെന്നാ അല്ലെങ്കിൽ 40 കഴിയണം.... മോനെ ഒന്ന് കാണാൻ..... മോളുടെ നമ്പർ ഒന്ന് പറഞ്ഞേ അവൾ വേഗം അമ്മക്ക് നമ്പർ പറഞ്ഞു കൊടുത്തതും ഹരിയുടെ നാല് അഞ്ചു ഫോട്ടോ അവളുടെ ഫോണിലേക്ക് വന്നു. ഞാൻ ഫോട്ടോ അയച്ചിട്ടുണ്ട്... പിന്നെ നേരിട്ട് സംസാരിക്കാൻ അവനെ കൂട്ടി ഞാൻ വരാം... എന്നാൽ ഞാൻ ഇറങ്ങട്ടെ.... "അയ്യോ അമ്മേ ഒന്നും കുടിക്കാതെ പോവാണോ... ഇനിയും അമ്മ വരാലോ അപ്പോ കുടിക്കാം... പിന്നെ ബാങ്കിൽ അടക്കാൻ ഉള്ള പണം ഞാൻ അടച്ചോണ്ട്... ആയ്യോാ അത്.... ഈ പൊന്ന് മോളെ ഞങ്ങൾക്ക് തരുന്നതിന് എന്തെങ്കിലും തരണ്ടേ അങ്ങനെ കണ്ടാൽ മതി ആ പണം എന്നാൽ ഞാൻ ഇറങ്ങാ പണിക്കർക്ക് ജാതകങ്ങൾ നോക്കാൻ കൊടുക്കണം ആ അമ്മ പോയതും ചന്ദന അച്ഛനെ നോക്കി. "അച്ഛാ വലിയ വീട്ടിലെ ആലോചന നമുക്ക് വേണോ..." അവർ ഇങ്ങോട്ട് വന്ന് ആലോചിച്ചതല്ലേ മോളെ.. ഇനി ആ മോനെ കുറിച്ചൊന്നും അന്വേഷിക്കണം എന്തോ മനസ് പറയുന്നു എല്ലാം നല്ലതിന് ആണെന്ന് നിന്നെ നല്ലൊരുത്തന്റെ കൈയിൽ ഏല്പിച്ച പിന്നെ അച്ഛന്  സമാധാനത്തോടെ അമ്മയുടെ അടുത്തേക്ക്  പോവാലോ.... ദേ അച്ഛാ വേണ്ടാത്തത് ഒന്നും പറയണ്ട എനിക്ക് അച്ഛൻ മാത്രം ഉള്ളു ... കരയാതെ മോളെ ചുമ്മ പറഞ്ഞതാ അച്ഛൻ അച്ഛന്റെ മോള് വാ ഉച്ചക്ക് ഉള്ളത് ഉണ്ടാക്കാം പിന്നെ അച്ഛനും മകളും അടുക്കള പണിയിലേക്ക് കടന്നു. രാത്രി ഹരി വീട്ടിലേക്ക് കയറി വന്നതും ഹാളിൽ ഇരിക്കുന്ന  അമ്മയെ കണ്ട് നിന്നു. "അമ്മ കിടന്നില്ലേ സമയം 12 കഴിഞ്ഞല്ലോ ...." നിന്നെ നോക്കി ഇരുന്നതാ ചിലത് പറയാൻ.... ആ മോളെ പോയി ഞാൻ കണ്ടു വിവാഹം ഉറപ്പിക്കുകയും ചെയ്തു  ഇന്നേക്ക് 10നാൾ ആ മോൾ നിന്റെ ഭാര്യയായി മണിമംഗലത്തേക്ക് വലതും കാൽ വെച്ച് കയറി വരും അമ്മ പറഞ്ഞു നിർത്തിയതും  ഹരി ദേഷ്യത്തിൽ അവിടെയുള്ളതെല്ലാം തട്ടിത്തെറിപ്പിച്ചു. ഹരി നീ എന്താ കാണിച്ചു കൂട്ടുന്നത്  പ്രാന്ത് കാണിക്കാതെ...." "അമ്മ മര്യാദയ്ക്ക് ഈ വിവാഹം വേണ്ടെന്ന് വെച്ചോ എനിക്ക് പറ്റില്ല മറ്റൊരു പെണ്ണിനെ എന്റെ അഞ്ചുവിന്റെ സ്ഥനത്ത് കാണാൻ....." ഞാൻ അവർക്ക് വാക്ക് കൊടുത്തു ഹരി ഇനി തിരുച്ചെടുക്കുന്ന പ്രശ്നം ഇല്ല അഞ്ജു ഉണ്ടായിരുന്നെങ്കിൽ നിന്റെയും അഞ്ജു മോളുടെയും വിവാഹം ഞാൻ നടത്തി തന്നേനെ ഇത് മരിച്ചു മണ്ണോണ്ടലിഞ്ഞ അവളെ ഓർത്ത് നിന്റെ ജീവിതം നശിക്കാൻ ഞാൻ സമ്മതിക്കില്ല... നീ ഈ വിവാഹത്തിന് സമ്മതിച്ചില്ലെങ്കിൽ പിന്നെ അമ്മയെ നീ കാണില്ല.... അമ്മേ.... ഇത് വെറും വാക്കായി കാണണ്ട ഹരി ഞാൻ പറഞ്ഞാൽ പറഞ്ഞതാ ഇനി നിന്റെ ഇഷ്ടം.... അമ്മ അവനെ നോക്കാതെ റൂമിലേക്ക് പോയതും ഹരി സോഫയിൽ തലക്ക് കൈ താങ്ങി ഇരുന്നു. അഞ്ജു എന്തിനാ നീ എന്നെ വിട്ട് പോയത് നീ ഇപോഴും മരിച്ചുവെന്ന് ഞാൻ വിശ്വാസിക്കുന്നില്ല പക്ഷേ മൂന്ന് വർഷങ്ങൾ കഴിഞ്ഞു പോയി നീ ജീവിച്ചിരിക്കുന്നുണ്ടെങ്കിൽ എന്നെ തേടി നീ വന്നേനെ... അമ്മ ആകെ ദേഷ്യത്തിൽ ആണ് വിവാഹം നടത്താൻ അമ്മ ഏതറ്റവും വരെ പോകും... ഹരി കുഞ്ഞേ.... "എന്താ മല്ലിക ചേച്ചി..." "മാലതി ചേച്ചി ഒന്നും കഴിച്ചിട്ടില്ല കുഞ്ഞ് വരാൻ കാത്തിരിക്കയിരുന്നു ഇപ്പോ കഴിക്കാതെ പോയി കിടന്നു." "ഞാൻ അമ്മയെ കൊണ്ട് വരാം ചേച്ചി എല്ലാം എടുത്ത് വെക്ക്..." "അമ്മേ വാ കഴിക്കാം മരുന്ന് കഴിക്കാൻ  ഉള്ളതല്ലേ..." "എനിക്ക് വേണ്ട നീ പോയി കഴിച്ചോ..." "അമ്മേ ആഹാരത്തിനോട് വാശി കാണിക്കരുത്...." നീ ചന്ദന മോളെ വിവാഹം കഴിക്കാമെന്ന് വാക്ക് തന്നാൽ ഞാൻ ഭക്ഷണം കഴിക്കാം ഹരി അമ്മയെ നോക്കി റൂമിൽ നിന്ന് ഇറങ്ങിയതും മല്ലിക റൂമിലേക്ക് വന്നു. "ചേച്ചി മോൻ ആകെ വിഷമത്തിൽ ആണ്...." അവൻ  ഏതുവരെ പോകുമെന്ന് ഞാൻ നോക്കട്ടെ അവന് മാത്രമല്ല വാശി എനിക്കുമുണ്ട് നീ കഴിച്ചു കിടക്കാൻ നോക്കിക്കോ.... മല്ലിക അവരെ കുറച്ചു നേരം നോക്കി നിന്ന് ബാക്കി വന്ന ഭക്ഷണം എല്ലാം ചൂടാക്കി വെച്ച് കിടന്നു. അച്ഛ... "എന്താ ചന്തു മോളെ....." "ഇനി കുറച്ചു ദിവസം അല്ലെ ഞാൻ ഇവിടെ ഉണ്ടാവു... എന്തോ അച്ഛനെ വിട്ട് പോവാൻ തോന്നുന്നില്ല...." മോൾ പോകുന്നത് നല്ലൊരു വീട്ടിലേക്കാണ് അച്ഛൻ അന്വേഷിച്ചു അവരെ കുറിച്ച് എല്ലാവർക്കും  നല്ലതെ പറയാൻ ഉള്ളു ഹരിയുടെയും നല്ല സ്വഭാവം ആണ് മംഗലത്തെ ബിസ്സിനെസ്സ് നോക്കി നടത്തുന്നത് ആ മോൻ ആണ്. "അയാളെ കൊണ്ട് സംസാരിക്കാണം അച്ഛ എനിക്ക്...." "മോളുടെ കൈയിൽ ആ അമ്മയുടെ നമ്പർ ഇല്ലേ അമ്മയോട് വിളിച്ചു കാര്യം പറ...." "ഇനി നാളെ ആവട്ടെ അവിടെ ഉള്ളവർ കിടന്നിട്ട് ഉണ്ടാവും" "അത് ശെരിയാ നേരം 11 കഴിഞ്ഞു." "ഇപ്പോ അമ്മയും ഉണ്ടായിരുന്നെങ്കിൽ എന്ത്  സന്തോഷം ആയേനെ.... " എല്ലാം മോളുടെ അമ്മ കാണുന്നുണ്ടാവും.... മോൾ പോയി കിടന്നോ... ചന്തു അകത്തേക്ക് പോയതും അച്ഛൻ ഇരുട്ടിലേക്ക് നോക്കി ഇരുന്നു. അമ്മേ.... എന്താ ഹരി.... "ഇന്നലെ രാത്രി ഒന്നും കഴിക്കാതെ കിടന്നത് അല്ലെ എന്തെങ്കിലും കഴിക്ക്..." "നിന്റെ തീരുമാനം അറിഞ്ഞിട്ട് ഞാൻ എന്തും കഴിക്കുന്നുള്ളൂ " "എനിക്ക് സമ്മത വിവാഹത്തിന്..." സത്യം ആണോ മോനെ എനിക്ക് വിശ്വാസിക്കാൻ പറ്റുന്നില്ല ചന്തു നല്ല മോളാ മോനെ അവൾ പൊന്ന് പോലെ നോക്കും..... "അവളെ എനിക്ക് കാണണം..." ആ മോളെ നീ വിവാഹത്തിന് കണ്ടാൽ മതി അല്ലങ്കിൽ ആ കുട്ടിയെ നീ വിവാഹത്തിൽ നിന്ന് പിൻതരിപ്പിക്കാൻ നോക്കും നിന്റെ സ്വഭാവം എനിക്കറിയുന്നതല്ലേ വേണമെങ്കിൽ ഫോട്ടോ കാട്ടി തരാം.... വേണ്ട.. അമ്മ ഇരിക്ക്... നീയും ഇരിക്ക് ഇന്നലെ കഴിക്കാതെ അല്ലെ കിടന്നത് അമ്മയും മോനും ഇരുന്നതും മല്ലിക രണ്ടു പേർക്കും വിളമ്പി കൊടുത്തു. അമ്മേ ഞാൻ ഇറങ്ങാ ഓഫീസിൽ തിരക്ക് ഉണ്ട്.... തിരക്ക് എല്ലാം വേഗം തീർക്കാൻ നോക്ക് വിവാഹം കഴിഞ്ഞ ഒരു ആഴ്ച നിന്നെ എങ്ങോട്ടും വിടില്ല അവൻ അമ്മയെ നോക്കാതെ പോയതും മാലതിയുടെ ഫോൺ അടിച്ചു. ഹലോ ചന്തു മോളെ..... അമ്മേ ചായ കുടി കഴിഞ്ഞോ.... കഴിഞ്ഞു മോളെ അവിടെയോ.... കുടിച്ചു..... "അല്ല എന്താ രാവിലെ തന്നെ അമ്മയുടെ മോൾ വിളിച്ചത്.." "എനിക്ക് ഹരി ഏട്ടനോട് ഒന്ന് സംസാരിക്കാണമായിരുന്നു നേരിട്ട് " "ആയ്യോാ മോളെ ഹരി വീട്ടിൽ ഇല്ല ബിസ്സിനെസ്സ് ആവശ്യത്തിന് വേണ്ടി പുറത്ത് പോയിരിക്കാ വിവാഹത്തിന് അന്ന് രാവിലെ വരുള്ളൂ പെട്ടന്ന് ഇന്നലെ രാത്രി പോവേണ്ടി വന്നതാ....." "എന്നാൽ അമ്മ നമ്പർ തരോ..." അവൻ നെറ്റ് കോൾ ആണ് ചെയ്യാറ്  പുറത്ത് പോയാൽ അതുകൊണ്ട് നമ്പർ അറിയില്ല മോളെ... സാരമില്ല അമ്മേ..... പിന്നെ ഇന്ന് ഉച്ചക്ക് അമ്മ വരുന്നുണ്ട് സാരിയും മറ്റും വാങ്ങേണ്ട അച്ഛനോടും ഒന്ന് പറഞ്ഞേക്ക് ഞാൻ വിളിക്കാൻ ഇരിക്കയിരുന്നു..... "ഞാൻ പറയാം അമ്മേ...." അപ്പോ വൈകിട്ട് കാണാം അമ്മ ഫോൺ വെച്ചതും അവൾ ഹരിയുടെ ഫോട്ടോ നോക്കി. ഒന്ന്  സംസാരിക്കണമെന്നുണ്ടായിരുന്നു പക്ഷേ പറ്റിയില്ലല്ലോ... ഇഷ്ടം ആവും അല്ലെ എന്നെ.... "എന്താ മോളെ തനിച്ചിരുന്നു സംസാരിക്കുന്നത്..." ഒന്നുമില്ല അച്ഛാ പിന്നെ മാലതി അമ്മ ഉച്ചക്ക് ശേഷം വരും ഡ്രസ്സ് വാങ്ങാൻ പോവണമെന്ന് പറഞ്ഞു. "അതിന് എന്താ മോൾ പോയി വാ..." "അപ്പോ അച്ഛൻ വരുന്നില്ലേ..." ഇല്ല മോളെ മോൾ പോയി വാ പിന്നെ ഉച്ചക്ക് ശേഷം അമ്മ വന്നതും അവരുടെ തന്നെ ടെക്സ്റ്റൈൽസ് പോയി ഡ്രസ്സും ഒർണമെന്റ്സും അവൾക്ക് ആവശ്യമുള്ളതെല്ലാം വാങ്ങി ഫുഡും കഴിച്ച് അവളെ കൊണ്ട് ആക്കി പോയി. "ഡാ ഹരി നീ വീട്ടിലേക്ക് പോകുന്നില്ലേ....."( നിജു ) ഇറങ്ങാ.... "നീ അഞ്ജുവിനെ മറക്കാണം ഹരി കുറച്ചു ദിവസം കഴിഞ്ഞ ഒരു പെൺകുട്ടി നിന്റെ ജീവിതത്തിലേക്ക് കടന്നു വരും...." "അതിന് ഞാൻ എന്ത് വേണം എന്റെ ഇഷ്ടം നോക്കി അല്ല ഇത് നടത്തുന്നത്...." "വന്നു കയറുന്ന കുട്ടിയുടെ കണ്ണുനീർ നീയായി വീഴുത്തരുത് നല്ലൊരു ജീവിതം കണ്ട് ആവും ആ കുട്ടി കടന്നു വരുന്നത്...." നല്ല ജീവിതം നടന്നത് തന്നെ... ഹരി അതും പറഞ്ഞ് പോയതും നിജു അവൻ പോകുന്നത് നോക്കി നിന്നു. അങ്ങനെ ദിവസങ്ങൾ കടന്നു പോയി വിവാഹ ദിവസം വന്നെത്തി. രാവിലെ ചന്തുവിനെ ഒരുക്കാൻ ബ്യൂട്ടീഷൻ വന്നതും അവളെ നന്നായി ഒരുക്കി പിന്നെ അച്ഛന്റെ അനുഗ്രം വാങ്ങി അമ്പലത്തിലേക്ക് പുറപ്പെട്ടു. ഈ സമയം ഹരി അഞ്ജുവിന്റെ ഫോട്ടോ കൈയിൽ എടുത്തു നീ അറിയുന്നുണ്ടോ പെണ്ണേ ഇന്ന് എന്റെ വിവാഹമാണ് പക്ഷേ ഈ വിവാഹത്തിന് അധികം ആയുസ്സ് ഇല്ല നീ മാത്രം എന്റെ ഈ നെഞ്ചിൽ ഉണ്ടാവും അവിടെ വേറെ ആരും കടന്നു വരില്ല. അവൻ അവന്റെ വിവാഹ വേഷം നോക്കി പുച്ഛിച്ച് ചിരിച്ച് നിജുവിന്റെ ഒപ്പം അമ്പലത്തിലേക്ക് യാത്ര തിരിച്ചു. എന്നാൽ അവൻ അറിഞ്ഞിരുന്നില്ല അവൾ തന്റെ ജീവന്റെ പാതിയാകുമെന്ന്... "ഹരി നീ എന്താ ദേഷ്യത്തിൽ ഇരിക്കുന്നത്....." "നിനക്ക്  അറിയാവുന്നതല്ലേ എല്ലാം  ഒരു വിവാഹം..." "ഡാ നിന്നോട് ഞാൻ എല്ലാം മറക്കാൻ പറഞ്ഞതല്ലേ അഞ്ജു അല്ല നിന്റെ പാതി ആവുന്നത് മറിച്ച് ആ കുട്ടി ആണ്...." "അവൾ കുറച്ചു നാൾ എന്റെ കൂടെ നിൽക്കു അതു കഴിഞ്ഞാൽ അവൾ തന്നെ എന്റെ ഒപ്പം ജീവിക്കാൻ പറ്റാത്ത ഓടും...." "അപ്പോ നീ രണ്ടും കല്പിച്ചു ആണല്ലേ..." അതെ ആ കുട്ടിയുടെ ഒരു വിധി  ഇറങ്ങ് അമ്പലം എത്തി..... മോനെ വാ മുഹൂർത്തത്തിന് സമയം ആയി ഹരി ദേഷ്യം നിയന്ത്രിച്ച് ചന്തുവിന്റെ അടുത്ത് പോയി നിന്നതും അവൾ അവനെ നോക്കി ചിരിച്ചു. എന്നാൽ അവന്റെ തന്നെ നോക്കി ചിരിക്കാതെ നില്കുന്നത് കണ്ടതും അവളുടെ മനസ് പിടഞ്ഞു എന്തിനോ  വേണ്ടി. അവളുടെ കഴുത്തിൽ അവന്റെ പേര് കൊതിയ താലി വീണതും അവൾ കണ്ണടച്ച് പ്രാർത്ഥിച്ചു. പിന്നെ അമ്പലത്തിലെ ചടങ്ങ് കഴിഞ്ഞതും അമ്പലത്തിലെ എതിർ ഭാഗത്ത് ഉള്ള ഓഡിറ്റോറിയത്തിലേക്ക് പോയി ഫോട്ടോ എടുക്കാൻ പോലും തന്റെ അടുത്തേക്ക് ചേർന്നു നിൽക്കാത്തത് കണ്ടതും അവൾ അവനെ നോക്കി. മക്കളെ ഭക്ഷണം കഴിക്കാൻ വാ..... ഹരി മുന്നിൽ നടന്നതും അവൾ അമ്മയെ നോക്കി. എന്താ മോളെ മുഖം വല്ലാതെ ഇരിക്കുന്നത് അവൻ ഫോട്ടോക്ക് നിൽക്കാത്തത് കൊണ്ട് ആണോ അവന് അത് ഒന്നും ഇഷ്ടം ഇല്ല അതുകൊണ്ടാ മോൾ വാ പിന്നെ എല്ലാവരും കൂടെ ഭക്ഷണം കഴിക്കാൽ കഴിഞ്ഞു എഴുന്നേറ്റത്തും പോവാൻ സമയമായി അവൾ അച്ഛനെ കെട്ടിപിടിച്ചു കരഞ്ഞതും അയാളുടെ കണ്ണുകൾ നിറഞ്ഞു ഒഴുക്കി. എന്തിനാ അച്ഛന്റെ മോൾ കരയുന്നത് ഇന്ന് സന്തോഷിക്കണ്ട ദിവസം അല്ലെ കരച്ചിൽ നിർത്തി സന്തോഷത്തോടെ പോയി വാ.... അച്ഛൻ അവളുടെ കൈ പിടിച്ച് ഹരിക്ക് അടുത്തേക്ക് കൊണ്ട് പോയതും ഹരി അച്ഛനെ നോക്കി. മോനെ നിന്റെ കൈയിൽ ഏല്പിക്കാ എന്റെ മോളെ പൊന്ന് പോലെ നോക്കണേ അത് മാത്രം അച്ഛന് പറയാൻ ഉള്ളു. ഹരി അയാളെ നോക്കി അയാളുടെ കൈ പിടിച്ചതും അയാൾ അവനെ നോക്കി ചിരിച്ചു. പിന്നെ അവരുടെ കാർ പുറപ്പെട്ടതും അവർ അച്ഛനെ നോക്കി കൈ വീശി. "ചന്തു സങ്കടം ആയോ..." "അച്ഛനെ വിട്ട് വരുമ്പോൾ ചെറിയ വിഷമം..." ഓ ഞാൻ പരിജയപെടുത്താൻ മറന്നു ഞാൻ നിജു ഹരിയുടെ അമ്മാവന്റെ മകൻ ആണ് കൂടാതെ ബെസ്റ്റ് ഫ്രണ്ടും. പിന്നെ നിജു എന്തൊക്കെയോ പറഞ്ഞു ഇരുന്നതും ചന്തു മറുപടി കൊടുത്തു കൊണ്ടിരിക്കുന്നു എന്നാൽ അവളുടെ ശ്രദ്ധ പലപ്പോഴും കണ്ണടച്ചു കിടക്കുന്ന ഹരിയിലേക്ക് ചെന്ന് പതിച്ചു. ചന്തു ഇറങ്ങിക്കോ വീട് എത്തി ഹരി ആദ്യം ഇറങ്ങി പോയതും ചന്തു പിറകിലായി പോയി. മോളെ വലതുകാൽ വെച്ച് കയറ്  ചന്തു വലതുകാൽ വെച്ച് കയറിയതും പൂജ റൂമിൽ വിളക്ക് കൊണ്ട് വെച്ച് പ്രാർത്ഥിച്ചു. ഹയ് ചേച്ചി ഞാൻ മീനു നിജു ഏട്ടന്റെ പെങ്ങൾ ആണ്... ഹയ് മോളെ... ചേച്ചി വാ ഞാൻ ഇത് എല്ലാം ഊരാൻ സഹായിക്കാം.... ചന്തുവിനെ സഹിച്ചു മീനു പോയതും അവൾ ഫ്രഷ് ആയി ഇറങ്ങി. അമ്മേ.... മോൾ ഫ്രഷ് ആയോ.... മ്മ് എന്നാൽ കുറച്ചു നേരം കിടന്നോ റിസപ്ഷൻ ഒന്നും വേണ്ടെന്ന് ഹരി പറഞ്ഞതുകൊണ്ട് വേണ്ടെന്ന് വെച്ചു. അമ്മ അങ്ങോട്ട് പോവട്ടെ നല്ല ക്ഷീണമുണ്ട് മോളുടെ  മുഖത്ത് കിടന്നോ... ചന്തു ബെഡിലേക്ക് കിടന്നതും പെട്ടന്ന് ഉറങ്ങി. ഡാ ഹരി നീ എങ്ങോട്ടാ കാറിന്റെ കീ കൊണ്ട്... ഓഫീസിലേക്ക്.... "ഓഫീസിലേക്ക് നിനക്ക് എന്താ പ്രാന്ത് ഉണ്ടോ ഇന്നത്തെ ദിവസത്തിന്റെ പ്രത്യേകത പോലും നിനക്ക് അറിയില്ലേ..." എനിക്ക് ഇന്ന് പ്രത്യേകിച്ച് പ്രതേകത ഒന്നും തോന്നിയില്ല ഹരി അതും പറഞ്ഞ് പോയതും നിജു ഉള്ളിലേക്ക് നടന്നു. നിജുട്ടാ ഹരി എവിടെ... അമ്മായി അവൻ ഓഫീസിലേക്ക് പോയി... ഓഫീസിലേക്കോ... അത് പെട്ടന്ന് അർജെന്റ് ആയി പോകേണ്ടി വന്നത് കൊണ്ടാ... "അവനെ പെട്ടന്ന് വിളിച്ചുവരുത്ത് ഒരു പെണ്ണിനെ കെട്ടികൊണ്ട് വന്ന് അവനെ പോവാണോ ചെയേണ്ടത്...." വിളിച്ചിട്ട് എടുക്കുന്നില്ല... "നിജു നീ അവനെ വിളിച്ചു കൊണ്ട് വാ...." "ഞാൻ പറഞ്ഞൽ അവൻ കേൾക്കില്ല ദേഷ്യത്തിൽ ആണ് പോയിരിക്കുന്നത്...." അവൻ ആ കുട്ടിയോട് ദേഷ്യത്തിൽ പെരുമാറാതിരുന്നാൽ മതിയായിരുന്നു. ഒരു പാവം കുട്ടിയാ... "അല്ല ചന്തു എന്നിട്ട് എവിടെ..." "കിടക്ക നല്ല ക്ഷീണം കൊണ്ട് മോൾക്ക് ഇപ്പോ ചെന്ന് നോക്കിയപ്പോൾ ഉറക്കം ആയിരുന്നു...." ഉറങ്ങട്ടെ..... ഹരി ഏട്ടാ... ദുർഗ വാ....... "കല്യാണം കഴിഞ്ഞ അന്ന് തന്നെ ഓഫീസിലേക്ക് വന്നോ ഏട്ടൻ ..." "എല്ലാവർക്കും എല്ലാം അറിയുന്നത് അല്ലെ...." അവൾ ആന്റിയെ വശീകരിച്ച് വെച്ചിരിക്ക ഹരിയേട്ടാ എന്താ അവളോട് സ്നേഹം ആന്റിക്ക് ഞാനും പ്രിയയും അവിടെ ഉണ്ടായിട്ടു പോലും മൈൻഡ് ചെയ്തില്ല ആന്റി. പണം കണ്ട് വന്നതാ അവൾ ഹരി ഏട്ടന്റെ ജീവിതത്തിലേക്ക്. പണമോ... "അതെ അപ്പോ ഹരിയേട്ടൻ ആന്റി അവൾക്ക് പണം കൊടുത്തത് ഒന്നും അറിഞ്ഞില്ലേ...." എന്തിന് പണം കൊടുത്തു...... അവളുടെ വീട് കടത്തിൽ ആയിരുന്നു ഏകദേശം ജപ്തിയുടെ അടുത്ത് എത്തി നിൽക്കുന്ന സമയത്താ ആന്റി വിവാഹ ആലോചന ആയി പോയത് അവൾ വിവാഹത്തിന് സമ്മതിക്കണമെങ്കിൽ വീട് തിരിച്ചു എടുക്കാൻ പണം ചോദിച്ചു അതുപോലെ അവൾക്ക് വിവാഹത്തിന് ഇടാൻ ഉള്ള സ്വർണവും ഇത് എല്ലാം ആദ്യം കൊടുത്ത വിവാഹം നടത്തിയത് നിജു ഏട്ടൻ പറഞ്ഞ ഞാൻ എല്ലാം അറിഞ്ഞത്.... "ഇങ്ങനെ ഒരു കാര്യം നടന്നിരുന്നോ ഇതിന് ഇടയിൽ"😡 "അവളെ സൂക്ഷിച്ചോ അല്ലങ്കിൽ ഏട്ടന്റെ എല്ലാം അവൾ കൈക്കാൽ ആകും...." ഹരി വേഗം പുറത്തേക്ക് പോയതും ദുർഗ പുച്ഛചിരിയോടെ നിന്നു ... ദുർഗ എന്തായി നല്ല തീ പൊരി ഇട്ട് കൊടുത്തോ... കൊടുക്കാതെ പിന്നെ നീയാ  ഹരിഏട്ടന്റെ ഭാര്യയായി വരേണ്ടത് അതിന് വേണ്ടി എന്തും ഞാൻ ചെയ്യും. ആദ്യം അവളെ നമ്മൾ അടിച്ചു പുറത്താക്കണ്ടേ.... നമ്മൾ പുറത്താക്കണ്ട ഹരിയേട്ടൻ തന്നെ പുറത്താക്കിക്കോളും അവളെ കണ്ണെടുത്താൽ കണ്ടുകൂടാ ഏട്ടന് നീ വാ.... ഹരി നീ വന്നോ..... മോളെ ഞാൻ റൂമിലേക്ക് വിട്ടിട്ടുണ്ട് വേഗം ചെല്ല്... ഹരി റൂമിലേക്ക് കയറിയതും ബെഡിൽ ഇരിക്കുന്ന ചന്തു എഴുന്നേറ്റു എന്നാൽ അവനെ വലിഞ്ഞു മുറുകിയ  ദേഷ്യത്തോടെയുള്ള മുഖം കണ്ടതും അവൻ പേടിയോടെ വിറച്ചു നിന്നു. പെട്ടന്ന് ടേബിളിൽ ഇരിക്കുന്ന പാൽ അവൻ തട്ടി തെറിപ്പിച്ചതും അവൾ ബാക്കിലേക്ക് നീങ്ങി അപ്പോഴേക്കും അവന്റെ കൈ അവളുടെ കഴുത്തിൽ മുറുകി. https://share.aksharathalukal.in/s/62137/view കഥ ഇവിടെ ഉണ്ടേ ❤️.. വായിച്ചിട്ട് അഭിപ്രായം പറയണേ ♥️ #📙 നോവൽ #💞 പ്രണയകഥകൾ #😍 ആദ്യ പ്രണയം #📔 കഥ #💖 മഴയും പ്രണയവും

ഏഴിലം പാല.. Part.. 1...✍️..Noorasajith.. #🙋‍♀️ എൻ്റെ സ്റ്റാറ്റസുകൾ #📔 കഥ #📝 ഞാൻ എഴുതിയ വരികൾ #💞 പ്രണയകഥകൾ

ജുവിയേലിന്റെ കഥ -58 (part-2) #🌞 ഗുഡ് മോണിംഗ് #🙂 ശുഭദിനം #💝 ആശംസകള്‍ #😇 ശുഭചിന്ത #📔 കഥ

#🧟 പ്രേതകഥകൾ! #📙 നോവൽ #✍ തുടർക്കഥ #✍️ വട്ടെഴുത്തുകൾ #📔 കഥ The Flesh Roots - Chapter 5 ( കഥയും കഥാപാത്രങ്ങളും സാങ്കല്പികം മാത്രം. മരിച്ചവരോ ജീവിച്ചിരിക്കുന്നവരോ ആയി എന്തെങ്കിലും സാമ്യം തോന്നിയാൽ അത് കേവലം യാദൃച്ഛികത മാത്രമാണ്.) ……………………………………. പട്ടാമ്പി താലൂക്ക് ആശുപത്രിയിലെ നാലാം നിലയുടെ ജനലുകൾ ഭീകരമായ ശബ്ദത്തോടെ തകർന്നു വീണു. ഉള്ളിൽ നിന്ന് ചോരയിൽ കുതിർന്ന കറുത്ത മാംസവള്ളികൾ പുറത്തേക്ക് ചീറ്റി, ആശുപത്രിയുടെ മതിൽക്കെട്ടുകളിലൂടെ താഴേക്ക് ഇഴഞ്ഞിറങ്ങി. ആശുപത്രിയിലുണ്ടായിരുന്ന നൂറുകണക്കിന് രോഗികളും ജീവനക്കാരും അപ്പോഴേക്കും ആ കറുത്ത വേരുകളുടെ ഭാഗമായി മാറിക്കഴിഞ്ഞിരുന്നു. ഡി.വൈ.എസ്.പി. ഹരിഹരന്റെ വികൃതമായ മുഖം ആശുപത്രിയുടെ പ്രധാന കവാടത്തിലെ മാംസ ഭിത്തിയിൽ ഉയർന്നു നിന്നു. അയാളുടെ കണ്ണുകളിൽ നിന്ന് ചോരയൊഴുകുന്നുണ്ടായിരുന്നു. അതിർത്തിയിൽ സൈനിക ക്യാമ്പ് പൂർണ്ണമായും തകർന്നിരുന്നു. കേണൽ വിക്രമും ഡോക്ടർ അനിതയും അവശേഷിച്ച നാല് സൈനികരുമായി ഒരു അർമഡ് കമാൻഡ് വാഹനത്തിൽ പട്ടാമ്പി ടൗണിലെ പ്രധാന പാലത്തിന് സമീപത്തേക്ക് പിൻവാങ്ങി. "ഡോക്ടർ! ഇത്രയും വേഗത്തിൽ ഇത് എങ്ങനെ പടരുന്നു? ഇതിന് അവസാനമില്ലേ?" വിക്രം ശ്വാസമെടുക്കാൻ പാടുപെട്ടുകൊണ്ട് ചോദിച്ചു. "ഇതൊരു പരപോഷിയായ മാംസശൃംഖലയാണ് കേണൽ," അനിത തന്റെ ലാപ്ടോപ്പിലെ സാറ്റലൈറ്റ് സാമ്പിൾ ഡാറ്റയും ജനറ്റിക് എൻസൈം ഗ്രാഫുകളും പരിശോധിച്ച് പറഞ്ഞു. "ഇത് ഓരോ മനുഷ്യന്റെയും നാഡീവ്യൂഹത്തെയും തലച്ചോറിനെയും സ്വന്തം ചിന്താശേഷിയായി മാറ്റുകയാണ്. തൃത്താലയിലെയും ആശുപത്രിയിലെയും ചേർത്ത് പതിനായിരത്തോളം മനുഷ്യരുടെ തലച്ചോറുകളാണ് ഇതിനെ ഇപ്പോൾ നിയന്ത്രിക്കുന്നത്! എന്നാൽ ഇതിനൊരു മാതൃകേന്ദ്രം ഉണ്ടോ, അത് എവിടെയാണെന്നോ കണ്ടെത്താൻ നമ്മുടെ പക്കൽ നിലവിൽ ഒരു തെളിവുമില്ല. ഇത് ലക്ഷ്യമില്ലാതെ അതിവേഗം വികസിക്കുന്ന ഒരു മഹാമാരി പോലെ തോന്നാം... പക്ഷേ ഇതിനൊരു നിയന്ത്രണ കേന്ദ്രം ഉണ്ടായിരിക്കണം!" പെട്ടെന്ന്, പട്ടാമ്പി ടൗൺ ഹാളും റെയിൽവേ സ്റ്റേഷനും ഒന്നായി തകർന്നു വീണു. തൃത്താലയിൽ നിന്ന് വന്ന ഭീമാകാരമായ മാംസമലയും ആശുപത്രിയിൽ നിന്ന് വളർന്ന മാംസകേന്ദ്രവും പട്ടാമ്പി ടൗണിന്റെ നടുവിൽ വെച്ച് ഒന്നുചേർന്നു! അയ്യായിരത്തിലധികം മനുഷ്യരുടെ മുഖങ്ങൾ അടങ്ങിയ ആ കൂറ്റൻ മാംസ സമുദ്രം പട്ടാമ്പി ടൗണിനെ ഒരു കൂന പോലെ മൂടി. അതിലെ ആയിരക്കണക്കിന് കണ്ണുകൾ ഒരേസമയം കമാൻഡ് വാഹനത്തിന് നേരെ തിരിഞ്ഞു. റെയിൽവേ ട്രാക്കുകളിലെ ഇരുമ്പ് പാളങ്ങൾ പോലും ആ വേരുകളുടെ ശക്തിയിൽ പിരിഞ്ഞുപോയി. അന്തരീക്ഷത്തിലാകെ അസ്ഥികൾ പൊട്ടുന്ന ശബ്ദവും, ആയിരക്കണക്കിന് മനുഷ്യരുടെ വിലാപങ്ങളും നിറഞ്ഞു. "വിക്രമേട്ടാ..." പെട്ടെന്ന്, ആ ഭീമൻ മാംസശരീരത്തിൽ നിന്ന് കേണൽ വിക്രമിന്റെ സ്വന്തം ഭാര്യയുടെ ശബ്ദം ഉയർന്നു കേട്ടു! വിക്രം ഞെട്ടി വിറച്ചു. തൃശൂരിൽ ആയിരുന്ന തന്റെ ഭാര്യയുടെ മുഖം ആ മാംസമതിലിൽ തെളിയുന്നത് അയാൾ കൺമുന്നിൽ കണ്ടു. കറുത്ത വേരുകൾ അപ്പോഴേക്കും ഭൂഗർഭ ജലനാളികളും ഫോൺ ലൈനുകളും വഴി തൃശൂരിലേക്ക് വരെ പടർന്നു തുടങ്ങിയിരുന്നു! "അതിലേക്ക് നോക്കരുത് കേണൽ! അത് നിങ്ങളുടെ മനസ്സിനെയാണ് ആക്രമിക്കുന്നത്!" അനിത ഉറക്കെ വിളിച്ചു പറഞ്ഞു. പക്ഷേ, വൈകിപ്പോയിരുന്നു. പട്ടാമ്പി ഭാരതപ്പുഴയുടെ അടിത്തട്ടിലൂടെ കറുത്ത വേരുകൾ അതിവേഗം അടുത്ത ജില്ലകളിലേക്ക് പടരാൻ തുടങ്ങി. ഭാരതപ്പുഴയിലെ വെള്ളം മുഴുവൻ കറുത്ത ചോരയായി മാറി. ആ നിമിഷം, കമാൻഡ് വാഹനത്തിന്റെ അടിത്തട്ട് പിളർന്ന് നാല് വലിയ മാംസവള്ളികൾ ഉള്ളിലേക്ക് തുളച്ചുകയറി. രണ്ട് സൈനികർ നിലവിളിക്കാൻ പോലും കഴിയാതെ ആ വേരുകൾക്കുള്ളിലേക്ക് വലിഞ്ഞുപോയി. "നമുക്ക് ഇവിടെ നിൽക്കാനാകില്ല! തൃത്താലയിലെ ആ റെഡ് സോൺ അതിർത്തിയിലേക്ക് തിരികെ പോകാം," ഭയത്തിൽ പതറി അനിത കേണൽ വിക്രമിന്റെ തോളിൽ പിടിച്ച് കുലുക്കി. "അവിടെനിന്ന് മാത്രമേ ഇതിന്റെ ഭൂഗർഭ പടർച്ചയുടെ സിഗ്നലുകൾ ട്രാക്ക് ചെയ്യാൻ സാധിക്കൂ! ഇതിന്റെ ഉറവിടം എവിടെയാണെന്ന് കണ്ടെത്താൻ മറ്റ് വഴികളൊന്നുമില്ല!" വിക്രം തളർന്നുപോയെങ്കിലും, കമാൻഡ് വാഹനത്തിന്റെ ഹാൻഡ് ബ്രേക്ക് മാറ്റി വാഹനം പൂർണ്ണ വേഗതയിൽ തൃത്താലയിലെ അതിർത്തി ലക്ഷ്യമാക്കി തിരിച്ചു. അവർക്ക് പിന്നാലെ, പട്ടാമ്പി നഗരത്തെ പൂർണ്ണമായും വിഴുങ്ങിയ പതിനായിര കണക്കിന് മുഖമുള്ള ആ ഭീമൻ മാംസശരീരം, ആയിരക്കണക്കിന് ഇരകളെ തേടി ഒരു കൂറ്റൻ മാംസ തരംഗം പോലെ ഇഴഞ്ഞു വരുന്നുണ്ടായിരുന്നു.. ……… തുടരും

#💞 പ്രണയകഥകൾ #📔 കഥ #📙 നോവൽ നീയെൻ നീലാംബരി 🦋17 " മനു..... മനു എന്ത് പറ്റി....." ചുരുണ്ടു കൂടി കിടന്ന് കരയുന്ന അഭിയെ കുലുക്കി വിളിച്ചു മധു ചോദിച്ചു. മറുപടി പോയിട്ട് ആ കിടപ്പിൽ നിന്ന് പോലും അഭി ഒന്ന് ചലിച്ചത് പോലുമില്ല. മധുവിന് വല്ലാതെ ടെൻഷൻ ആയി തുടങ്ങി. ജീവിതത്തിൽ ആദ്യമായി ഒരാണ് കരയുന്നത് അവൾ കണ്ടത് അവളുടെ അച്ഛനെയാണ്. അതിനു ശേഷം ഇന്ന് വരെ മറ്റൊരാളെ അങ്ങനെയവൾ കണ്ടിട്ടില്ല. അതുകൊണ്ടായിരിക്കണം മധുവിനു വല്ലാത്ത അസ്വസ്ഥത തോന്നി. രണ്ടും കൽപ്പിച്ചു മധു ബലമായി അവനെ നേരെ കിടത്തി. അവളോട് എതിർക്കാനുള്ള ആരോഗ്യം ഇല്ലാത്തത് കൊണ്ടു തന്നെ അവൻ മലർന്നു കിടന്നു. ആ കണ്ണുകൾ ചുവന്ന കളർ ആയി മാറിയിട്ടുണ്ടായിരുന്നു. " മനു ഓക്കേ അല്ലെ.... എന്ത് പറ്റി...? " വെപ്രാളത്തോടെ മധു ചോദിച്ചു. " താൻ എനിക്ക് ഒരു pain killer എടുത്തു തരാമോ? Please.... " മുഖം ചുളിഞ്ഞു പോകുന്ന വേദനയോടെ അഭി പറഞ്ഞു. മധു വേഗം വലിപ്പ് തുറന്ന് ഓരോ ടാബ്‌ലറ്റ്സ് പാക്കറ്റ് അവനെ കാണിച്ചു. അതിൽ അഭി പറഞ്ഞു തന്ന പാക്കറ്റിൽ നിന്നോരെണ്ണം എടുത്തു. വെള്ളവും എടുത്തു അഭിക്ക് നേരെയത് നീട്ടി. അഭി വേഗത്തിൽ അത് വാങ്ങി കഴിച്ചു. അത് കഴിച്ചു കുറച്ചു സമയം രണ്ടു പേരും പരസ്പരം ഒന്നും മിണ്ടിയില്ല. മധു അഭിയെ തന്നെ ഉറ്റു നോക്കി കൊണ്ടിരുന്നു. എന്ത് കൊണ്ടോ അവൻ ഓക്കേ അല്ലെന്ന് മധുവിന് തോനുന്നുണ്ടായിരുന്നു. അപ്പോഴാണ് അഭിയുടെ ഡ്രസ്സ്‌ മുഴുവൻ നനഞ്ഞിരിക്കുന്നത് മധു ശ്രദ്ധിക്കുന്നത്. അവളതിൽ പിടിച്ചു. അതിനൊരു ചെറിയ ചൂടുണ്ടെന്ന് കണ്ടതും മധു അഭിക്ക് നേരെ മുഖമുയർത്തി. " ഇത് എന്താ മനു..... എങ്ങനെയാ നനഞ്ഞത്... താൻ ഒന്ന് എണീറ്റെ....." മധു അഭിയെ പിടിച്ചെഴുന്നേൽപ്പിച്ചു. നീറുന്ന വയറിൽ കൈവച്ചു നിറക്കണ്ണുകളോടെ അഭി എണീറ്റിരുന്നു. എന്തോ തോന്നലിൽ മധു അഭിയുടെ ടീഷർട്ട് പിടിച്ചു പൊക്കി. അഭി ഒന്ന് ഞെട്ടി പോയി. പക്ഷെ പൊള്ളി ചുവന്നു കിടക്കുന്ന അവന്റെ ശരീരം കണ്ടതും മധു ഒന്ന് എങ്ങി പോയ " എന്താ ഇത്.... എങ്ങനെ പൊള്ളിയതാ ഇത്?" വല്ലാത്തൊരു വെപ്രാളമുണ്ടായിരുന്നു ആ സ്വരത്തിൽ. " അത് ചപ്പാത്തിക്ക് കുഴക്കുമ്പോൾ ചൂടുവെള്ളം അറിയാതെ വീണതാണ്... കുഴപ്പമില്ല..... മാറിക്കോളും. " അവളുടെ കണ്ണുകളിലെ ആകുലത കണ്ടിട്ടെന്തോ അഭി പറഞ്ഞു.  മധു എന്ത് ചെയ്യണമെന്ന് ഒന്ന് ഓർത്തു നിന്നു. എന്നിട്ട് ടേബിളിൽ വച്ചിരിക്കുന്ന ഫോൺ എടുത്തു സജീവനെ വിളിച്ചു. ഒരു പത്തു മിനുട്ട് കഴിഞ്ഞതും മധുവിന്റെ ഫോൺ റിങ് ചെയ്തു. മധു വേഗത്തിൽ പുറത്തു പോയി തിരികെ വന്നു കയ്യിൽ ഒരു പ്ലാസ്റ്റിക് കവർ ഉണ്ടായിരുന്നു. മധു അഭിക്കടുത്തേക്ക് നീങ്ങി. അഭിയോട് കട്ടിലിനു പുറത്തേക്ക് കാലിട്ടിരിക്കാൻ പറഞ്ഞു. ഇവളിതെന്താ ചെയ്യാൻ പോകുന്നത് എന്ന സംശയത്തോടെ അഭി മധു പറഞ്ഞ പോലെയിരുന്നു. മധു അഭിയുടെ ടീഷർട്ടിൽ പിടിച്ചു മുകളിലേക്കുയർത്തി ഊരി മാറ്റി. എന്നിട്ട് അവന്റെ മുന്നിലായി മുട്ട് കുത്തിയിരുന്നു. അഭി ഉമിനീരിറക്കി പോയി. കവറിൽ നിന്നും ഒരു ഓയ്ലമെന്റ് എടുത്തു. മറ്റെങ്ങും ശ്രദ്ധിക്കാതെ അഭിക്ക് പൊള്ളിയിടങ്ങളിൽ പതുക്കെ ചൂണ്ടുവിരലിൽ എടുത്ത ഓയിൽമെന്റ് പുരട്ടി തുടങ്ങി. വയറിന്റെ നല്ലൊരു ഭാഗം തന്നെ ചുവന്നു കിടക്കുന്നുണ്ടായിരുന്നു. അവൾ മരുന്ന് പുരട്ടുമ്പോൾ നീറ്റൽ സഹിക്കാതെ അഭി കണ്ണുകൾ മുറുക്കിയടച്ചു. അഭിയിട്ടിരിക്കുന്ന ട്രൗസറും മുകൾ ഭാഗം നനഞ്ഞിരുന്നു. മധു പതുക്കെ അതൊന്ന് താഴ്ത്തി. അഭി വല്ലാത്ത വെപ്രാളത്തോടെ ഒന്ന് പുറകിലേക്ക് നീങ്ങി പോയി. " അടങ്ങിയിരിക്ക് മനു.... പൊള്ളലുണ്ട്..... " ഒരു ശാസന സ്വരത്തിൽ അവൾ പറഞ്ഞതും അഭി മുന്നിലേക്ക് തന്നെ നീങ്ങി ഇരുന്നു. അവന്റെ അരക്കെട്ടിലും അതിനു കുറച്ചു താഴെയുമായി മധുവിന്റെ കുഞ്ഞി വിരലുകൾ മരുന്നുമായി തഴുകി നടന്നു. ഇപ്പോൾ അഭിക്ക് വേദനയായിരുന്നില്ല. മറ്റെന്തൊക്കെയോ അനുഭവപ്പെടും പോലെ. അഭിയുടെ ശരീരം അതിന്റെതായ മാറ്റങ്ങൾ കാണിച്ചു തുടങ്ങി. അത് കണ്ടതും മധു ചിരിയടക്കി പിടിച്ചു അവളെ കൊണ്ടാവുന്നിടത്തൊക്കെ മരുന്ന് പുരട്ടി എണീറ്റു. അഭിക്ക് അവളുടെ മുഖത്ത് നോക്കാൻ നാണക്കേട് തോന്നി. അമ്മാതിരി ചതിയാണല്ലോ അവന്റെ ശരീരം അവനോട് കാണിച്ചത്. മധു ഇടുന്നിടത്ത് നിന്നെണീറ്റു. " നല്ല മരുന്നാണ് വേഗം മാറിക്കോളും കേട്ടോ.... " അതിയായ വാത്സല്യത്തോടെ മധു പറഞ്ഞു. അത് കേട്ടതും ഉള്ളിലുണ്ടായിരുന്ന സങ്കടങ്ങൾ മുഴുവൻ അണപ്പൊട്ടി ഒഴുകും പോലെ അഭിക്ക് തോന്നി. അഭി പെട്ടന്നവളുടെ അരക്കെട്ടിലൂടെ കൈകൾ കോർത്തുപിടിച്ചു മുഖം അവളുടെ വയറിലേക്കമർത്തി. മധു പകച്ചു പോയി. അപ്പോഴേക്കും അവൾ ധരിച്ചിരിക്കുന്ന വസ്ത്രവും കഴിഞ്ഞു അഭിയുടെ കണ്ണുനീരിന്റെ നനവ് മധുവിന്റെ വയറിനെ നനച്ചു തുടങ്ങി. ഒന്ന് പകച്ചെങ്കിലും മധു സ്വബോധം വീണ്ടെടുത്തു. പതുക്കെ അഭിയുടെ വളർന്നു തുടങ്ങിയ മുടിയിഴകളെ തഴുകി. ഇത്രയും പാവം പിടിച്ചൊരു മനുഷ്യനെ മുന്നേ കണ്ടിട്ടില്ലല്ലോ എന്ന് പോലും മധു ചിന്തിച്ചു. " ബാലേ...... മടുത്തെടി..... ജീവിതം തന്നെ മടുത്തു. ഈ ലോകത്ത് എനിക്കാരുമില്ല. അച്ഛൻ അമ്മ മുത്തശ്ശൻ എല്ലാവരും എന്നെ തനിച്ചാക്കി പോയെടി.... എന്ത് പാപം ചെയ്തിട്ടാണ് ഞാൻ ഇതൊക്കെ അനുഭവിക്കുന്നത്. അമ്മ പോയതിൽ പിന്നെ എല്ലാം അവസാനിച്ചു എന്ന് കരുതിയിടത്തു നിന്ന് മുത്തശ്ശൻ എന്നെ തിരിച്ചു കൊണ്ടു വന്നു. എനിക്കും എന്തൊക്കെയോ ചെയ്യാൻ കഴിയുമെന്ന് പഠിപ്പിച്ചു തന്നു. എല്ലാവരും എന്നെ ബഹുമാനിച്ചു തുടങ്ങി. ഞാൻ ആത്മാർത്ഥമായി പ്രണയിച്ചു തുടങ്ങി. പക്ഷെ അതിനെല്ലാം വെറും അൽപ്പായുസ്സ്‌ മാത്രമേ ഉണ്ടായിരുന്നുള്ളു. ഒറ്റ ദിവസം കൊണ്ട് എന്റെ ജീവിതം മാറിമറിഞ്ഞു. 26 വയസ്സിൽ ഞാനൊരു മഹാരോഗിയായി. ഹോസ്പിറ്റലും മരുന്നുകളും സർജറിയും വേദനകളും മാത്രമായെന്റെ ജീവിതം. ശരിക്കും ഞാൻ തളർന്നു പോയി.... ഓപ്പറേഷൻ കഴിഞ്ഞു വന്നപ്പോഴേക്കും എനിക്ക് ആകെ ഉണ്ടായിരുന്ന മുത്തശ്ശനും എന്നെ തനിച്ചാക്കി പോയി. ഇതെല്ലാം ഞാൻ എങ്ങനെയാണ് അതിജീവിച്ചതെന്ന് എനിക്ക് തന്നെയറിയില്ല ബാലെ..... അതിനു ശേഷം എനിക്കിവിടെ ഒരു പട്ടിയുടെ വില പോലും കിട്ടിയിട്ടില്ല. അതിനു ശേഷം വയറു നിറച്ചു ഞാൻ ഭക്ഷണം കഴിച്ചിട്ടില്ല. ഒന്ന് സമാധാനത്തോടെ ഉറങ്ങിയിട്ടില്ല. മനസ്സ് തുറന്ന് ചിരിച്ചിട്ടില്ല. ജീവൻ അവസാനിപ്പിക്കാനുള്ള ധൈര്യം ഇല്ലാഞ്ഞിട്ടാണ്.. അല്ലെങ്കിൽ എപ്പോഴേ ഞാൻ...... നിനക്കറിയാമോ എന്നും ഞാൻ എണീക്കുന്നത് പോലും ഒന്ന് വേഗം ഈ ജീവിതം ഒന്ന് തീർന്ന് കിട്ടിയിരുന്നെങ്കിൽ എന്നോർത്തു മാത്രമാണ്. എന്നെ ആർക്കും വേണ്ടെടി. എനിക്കാരുമില്ല. എന്തിനേറെ ഈ നീ പോലും എന്നെ കല്യാണം കഴിച്ചത് പണത്തിനു വേണ്ടിയല്ലേ.....  വയ്യെനിക്ക്. എല്ലാവരുടെയും ആട്ടും തുപ്പും കേട്ടെനിക്ക് വയ്യാതായി. ഈ നശിച്ച ജീവിതം ഒന്ന് തീർന്നു കിട്ടിയിരുന്നെങ്കിൽ ബാലെ......." അഭി നെഞ്ചു പൊട്ടി കരഞ്ഞു. ഉള്ളിൽ ഒതുക്കി പിടിച്ചിരുന്ന സകല ദുഃഖങ്ങളും അവൻ കരഞ്ഞു പറഞ്ഞു. മധുവിന്റെ നെഞ്ചു നീറി തുടങ്ങി. കണ്ണുകൾ നിറഞ്ഞു തുടങ്ങി. നിറഞ്ഞു കവിഞ്ഞത് തുളുമ്പി പുറത്തു ചാടി..... അനാഥത്വത്തിന്റെ വേദനറിയുന്നവൾക്ക് അഭിയുടെ വേദനയുടെ ആഴം തിരിച്ചറിയാൻ പ്രയാസമായിരിക്കില്ലല്ലോ. അവനെ തന്നോട് ചേർത്തു പിടിച്ചു മധു നിറഞ്ഞൊഴുകുന്ന കണ്ണുകൾ അടച്ചു പിടിച്ചു. താൻ അനുഭവിച്ചതിനേക്കാൾ വേദന തന്റെ മുന്നിലിരിക്കുന്നവൻ അനുഭവിക്കുന്നുണ്ടെന്ന തിരിച്ചറിവ് അവളെ ചുട്ടു പൊള്ളിച്ചു. എത്ര നേരം അവരങ്ങനെ നിന്നെന്നറിയില്ല. അഭിക്ക് മനസ്സിന് കുറച്ചു ഭാരം കുറഞ്ഞ പോലെ തോന്നി. എന്നാൽ മധുവിന്റെ മനസ്സിന് ഭാരം കൂടിയിരിക്കുന്നു. അഭിയോട് സഹതാപത്തിനപ്പുറം മറ്റെന്തോ ഒന്ന് കൂടി ഉണ്ടായിരിക്കുന്നു. അതിനേക്കാൾ ഏറെ ഇനി ഒരു മനുഷ്യനെയും വാക്കുകൾ കൊണ്ടു പോലും അവനെ വേദനിപ്പിക്കാൻ അനുവദിക്കില്ലെന്ന് മധു തീരുമാനിച്ചു കഴിഞ്ഞിരുന്നു. അതൊരു കടുത്ത തീരുമാനമായിരുന്നു. ഇനിയാരാലും തിരുത്താൻ ആവാത്ത തീരുമാനം..... " മനു...... " അവന്റെ തേങ്ങൽ ചീളുകൾ അവസാനിച്ചെന്ന് തോന്നിയതും മധു പതുക്കെ വിളിച്ചു. അഭി കണ്ണീർ ഉണങ്ങിയ മുഖം ഉയർത്തി അവളെ നോക്കി. ഇടുപ്പിൽ ചുറ്റിയ കൈകൾ എടുത്തു. " എണീക്ക്.... മുഖം കഴുക്. ഞാൻ ഭക്ഷണം ഉണ്ടാക്കി തരാം.... മരുന്ന് കഴിക്കണ്ടതല്ലേ..." അഭിയുടെ മുഖത്തെ കണ്ണീരിന്റെ അവശേഷിച്ച നനവ് കൈകൾ കൊണ്ട് പതുക്കെ തുടച്ചു മധു പറഞ്ഞു. അഭി അമ്മമാരെ അനുസരിക്കുന്ന കൊച്ചു കുഞ്ഞിനെ പോലെ തലയാട്ടി. അങ്ങനൊരു മൃദുവായ സമീപനം അവന്റെ ഉള്ളം ആഗ്രഹിച്ചിരുന്നു. അഭി പതുക്കെ എണീറ്റു. വയറും അതിനു താഴെ  ഭാഗങ്ങളും വേദനയോ നീറ്റലോ എന്ന് തിരിച്ചറിയാനാവാത്ത വിധം എന്തോ ഒന്ന് അവനു അനുഭവപ്പെട്ടു. " ആ ട്രൗസർ ഊരിയിട്ട് ഒരു കോട്ടൺ മുണ്ട് എടുത്തുടുക്ക്.  ഷർട്ട്‌ ഇടണ്ട.... എന്നിട്ട് അടുക്കളയിലേക്ക് വാ ഞാൻ അവിടെ ഉണ്ടാവും.... " അതും പറഞ്ഞു ഡോർ ലക്ഷ്യമാക്കി മധു നടന്നു. പെട്ടന്ന് എന്തോ ഒരു തോന്നലിൽ അവളെ തന്നെ നോക്കി നിൽക്കുന്ന അഭിക്കരികിലേക്ക് ഓടി വന്നു അവനെ വേദനിപ്പിക്കാത്ത വിധം ഒന്ന് കെട്ടിപിടിച്ചു. കാൽപാതത്തിന്റെ വിരലുകളിൽ നിന്ന് ഏക്കി കുത്തി അവനു നേരെ മുഖം കൊണ്ടു വന്നു. എന്നിട്ട് നെറ്റിയിൽ കുഞ്ഞൊരു ചുംബനം നൽകി. " ഇനിയാരും വേദനിപ്പിക്കില്ല.... അതിന് ഈ മധുബാല അനുവദിക്കില്ല..... " പതുക്കെ അവന്റെ ചെവിയിൽ പറഞ്ഞു കൊണ്ടവൾ റൂമിൽ നിന്നും പുറത്തേക്ക് പോയി. അഭി കുഞ്ഞൊരു ചിരിയോടെ അവൾ പോകുന്നത് നോക്കി നിന്നു. അവളിനി ആരായാലും എന്തിനു വേണ്ടി തന്നെ കല്യാണം കഴിച്ചതായാലും വേണ്ടില്ല ഒരു താങ്ങായി അവൾ ഉണ്ടാവുമെന്നൊരു തോന്നൽ അവന്റെ മനസ്സിൽ കടന്ന് കൂടിയിരുന്നു. അതികം ആയുസ്സില്ലാത്ത ഒരുവന് അതിൽ കൂടുതൽ ഇനി ഒന്നും വേണ്ടല്ലോ..... ********************** മധു അടുക്കളയിലേക്ക് നടക്കും വഴി വൃത്തികേടായി കിടക്കുന്ന ഡൈനിങ് ഹാൾ കണ്ണ് ചുരുക്കി ഒന്ന് നോക്കി. എല്ലാവരും കഴിച്ചു പോയി കാണുമെന്നവൾ ഊഹിച്ചു. അടുക്കളയിലും ഉണ്ടാക്കിയ പത്രങ്ങളും അടുപ്പും എല്ലാം വൃത്തികേടായി കിടക്കുന്നു. അവിടെ മറ്റാരെയും കാണുന്നില്ല. മധു പത്രങ്ങളിലൂടെ കണ്ണോടിച്ചു. അവിടെ കഴിക്കാൻ പ്രത്യേകിച്ച് ഒന്നുമില്ലെന്ന് കണ്ട് അടച്ചു വച്ചിരിക്കുന്ന വളഞ്ഞ പാത്രം തുറന്നു. അതിൽ രണ്ട് ചപ്പാത്തിയും അതിനു മുകളിൽ എന്തോ കറിയും ഒഴിച്ച് വച്ചിട്ടുണ്ട്. അത് കണ്ടതും അവളിൽ ദേഷ്യം നുരഞ്ഞു പൊങ്ങി. പാത്രം എടുത്തു മധു പുറത്തേക്ക് ഒറ്റയേറ്.... " അമ്മേ........ " ആരോ കരയുന്ന ശബ്ദം കേട്ട് മധു പിന്തിരിഞ്ഞു നോക്കി. പുറത്തു നിന്നുള്ള വാതിലിനു മുന്നിൽ നെറ്റിയിൽ പൊത്തി പിടിച്ചു മീനാക്ഷി നിൽക്കുന്നു. വേദനകൊണ്ട് ചുളിഞ്ഞ മുഖത്തിൽ അവർ മധുവിനെ തറപ്പിച്ചു നോക്കി. മധുവിനത് കണ്ടു വല്ലാത്ത സന്തോഷം വന്നു. പൊട്ടിവന്ന ചിരി മധു കടിച്ചു പിടിച്ചു. " എന്ത് പറ്റി അമ്മായി? " മധു സീരിസ് ആയി ചോദിച്ചു. " ഡീ.... മനഃപൂർവം എന്നെ  പാത്രം വച്ചെറിഞ്ഞു, ഒന്നുമറിയാത്ത പോലെ അഭിനയിക്കുന്നോ? " അവൾക്കടുത്തേക്ക് പാഞ്ഞു വന്നു മീനാക്ഷി ചീറി. അവരുടെ ചുവന്നു മുഴച്ചിരിക്കുന്ന നെറ്റിക്കണ്ടതും മധു ചിരി കടിച്ചു പിടിച്ചു. " അയ്യോ.... ഞാനോ... എപ്പോ...? "  മധു വളരെ നിഷ്കളങ്കയായി. തുടരും.......

Part - 7 ❤️ ആരാണ് ആ മനുഷ്യൻ? പഴയ ഓഡിറ്റോറിയത്തിന് പിന്നിൽ… “നിങ്ങൾ… ഇവിടെ?” അനന്യയുടെ ശബ്ദം വിറച്ചു. മുന്നിൽ നിന്നത് മധ്യവയസ്കനായ ഒരാളായിരുന്നു. “ഭയപ്പെടണ്ട, അനന്യ. നിനക്ക് സഹായിക്കാനാണ് ഞാൻ വന്നത്.” “എനിക്ക് നിങ്ങളെ അറിയില്ല.” “പക്ഷേ… എനിക്ക് നിന്നെ നന്നായി അറിയാം.” അത് കേട്ടതും അനന്യ ഒരു പടി പിന്നോട്ട് നീങ്ങി. “നിന്റെ ജീവിതത്തിൽ വീണ്ടും പ്രശ്നങ്ങൾ ഉണ്ടാകാൻ പോകുന്നു. അതുകൊണ്ടാണ് നിന്നെ കാണണമെന്ന് പറഞ്ഞത്.” “എന്താണ് നിങ്ങൾ പറയുന്നത്?” അയാൾ ഒരു പഴയ ഫോട്ടോ അവൾക്ക് കൈമാറി. ഫോട്ടോയിൽ ഒരു കൊച്ചു പെൺകുട്ടിയും ഒരു സ്ത്രീയും. അനന്യ ഞെട്ടി. “ഇത്… എന്റെ അമ്മയല്ലേ?” “അതെ… പക്ഷേ ഈ ഫോട്ടോയുടെ പിന്നിലുള്ള സത്യം നിനക്കറിയില്ല.” അനന്യ എന്തെങ്കിലും ചോദിക്കുന്നതിന് മുമ്പേ… അവളുടെ ഫോൺ റിങ് ചെയ്തു. സ്ക്രീനിൽ തെളിഞ്ഞ പേര്… Arjun Calling… ❤️ അവൾ ഫോൺ എടുക്കാൻ മടിച്ചു. അതേസമയം അർജുൻ ദൂരെയிருந்து എല്ലാം കണ്ടുകൊണ്ടിരുന്നു. “അനന്യ… ആരോടാണ് സംസാരിക്കുന്നത്?” അവന്റെ മനസ്സിൽ സംശയങ്ങൾ നിറഞ്ഞു. അതേസമയം ആ മനുഷ്യൻ പതുക്കെ പറഞ്ഞു… “ഇപ്പോൾ ഒന്നും പറയണ്ട… ശരിയായ സമയം വരുമ്പോൾ സത്യം ഞാൻ തന്നെ പറയും.” അയാൾ അവിടെ നിന്ന് നടന്നു നീങ്ങി. അനന്യ കൈയിലെ ഫോട്ടോയിലേക്ക് വീണ്ടും നോക്കി. ഫോട്ടോയുടെ പിന്നിൽ ഒരു വാചകം എഴുതിയിരുന്നു… “സത്യം അറിയണമെങ്കിൽ… ഓഗസ്റ്റ് 15-ന് പഴയ വീട്ടിലേക്ക് വരിക.” അനന്യയുടെ ഹൃദയം ശക്തമായി മിടിച്ചു. തുടരും… ❤️ #📙 നോവൽ #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #💞 നിനക്കായ്

𝄟⃝✍️ ഇഫാർ 𝄟⃝🌷 പാർട്ട്‌ : 7 കണ്ണൻ ചെയ്തതിന് ഞാൻ മാപ്പ് ചോദിക്കുന്നു സുമിത്രെ.... ദച്ചനുമായി  ഈ നിമിഷം തന്നെ കൃഷ്ണയുടെ വിവാഹം നടത്തും... എന്റെ മോളായി തന്നെ ഇവളിവിടെ ജീവിക്കും.... സുമിത്ര നന്ദിയോടെ അയാളെ നേർക്ക് കൈ കൂപ്പിയതും കൃഷ്ണക്ക് അവളോട് തന്നെ സ്വയം അവക്ഞ്ഞ തോന്നി... ഞാനും ഒരു മനുഷ്യ ജന്മം അല്ലെ... എനിക്കും ഇല്ലേ ഒരു മനസ്... മോളെ.... വിളിച്ചു ഗോവിന്ദ് അവളെ അടുത്തേക്ക് പോയതും അവൾ കയ്യുയർത്തി തടയുന്ന പോലെ നിന്നു... എന്റെ ഭർത്താവിന്റെ അനിയൻ എന്റെ അനിയൻ ആണ്.... അനിയനെ ഭർത്താവായി കാണാനുള്ള മനസ്സൊന്നും എനിക്കില്ല... എന്റെ കഴുത്തിൽ ഒരു താലി വീണിട്ട് ഉണ്ടെങ്കിൽ ഈ ജന്മം മുഴുവൻ കണ്ണേട്ടൻ അല്ലാതെ മറ്റൊരാൾ എന്റെ ഭർത്തവായി വരില്ല....എന്നോട് എല്ലാരും പൊറുക്കണം.... അവൾ അവസാനം പറയുമ്പോഴേക്കും കരഞ്ഞു പോയിരുന്നു... പക്ഷേ വാക്കുകളിലെ ദൃഡത അറിഞ്ഞു എല്ലാവരും ഞെട്ടിത്തരിച്ചു നിന്നു.... നിന്റെ ഭാവിഎന്താകുമെന്ന് ആലോചിച്ചോ നീ... അവന്ന് നിന്നെ വേണ്ടെന്ന് പറഞ്ഞു... ഒഴിവാക്കി പോയവനെ ഓർത്തു നശിപ്പിക്കാൻ ഉള്ളതാണോ നിന്റെ ജീവിതം... സുമിത്ര ആധിയോടെ ചോദിച്ചു. ഇപ്പോഴേലും എന്റെ ജീവിതം ആണെന്ന് അമ്മക്ക് ഓർമ്മ വന്നോ.... ഇതിന്ന് മുൻപ് ഈ വിവാഹത്തിന്ന് സമ്മതം ആണോന്നൊരു വാക്ക് ആരേലും ചോദിച്ചോ.... അന്നെന്തേ എന്റെ ജീവിതം ആയിരുന്നില്ലേ... അവളുടെ ചോദ്യത്തിന് അമ്മയടക്കം എല്ലാവരും തറഞ്ഞു നിന്നു. എന്തെ ദച്ച നിനക്ക് അറിയരുന്നില്ലേ എനിക്കീ വിവാഹത്തിന്ന് സമ്മതം അല്ലെന്ന്. ഒരു വാക്ക് അന്ന് പറഞ്ഞിരുന്നെങ്കിൽ ഞാനിപ്പോൾ ഇത് അനുഭവിക്കണം ആയിരുന്നോ... ദച്ചന്റെ മുഖം കുറ്റബോധം കൊണ്ട് താഴ്ന്നു പോയിരുന്നു... എനിക്ക് ന്യായം ഒന്നും കേൾക്കണ്ട കൃഷ്ണ. ഞാൻ നിന്റെ ഭാവിയെ നോക്കുന്നുള്ളു... ഏതൊരു മകളും വിവാഹം കഴിഞ്ഞു സുമംഗലി ആയി കഴിയണമെന്നേ ആഗ്രഹിക്കുള്ളു... എനിക്ക് ഒരു തെറ്റ് പറ്റി ഞാൻ അത് തിരുത്തുവാൻ പോവുകയാ... ദച്ചൻ നിന്നെ വിവാഹം കഴിക്കും.... സുമിത്ര ഉറച്ച സ്വരത്തോടെ പറഞ്ഞു.... പറ്റില്ല അമ്മേ ഞാനും ഒരു മനുഷ്യജീവിയാണ്... എനിക്കും ഉണ്ട് ആത്മാഭിമാനം.... ഭർത്താവിന്റെ അനിയൻ അനിയന്റെ സ്ഥാനത് ആണ്... അങ്ങനെ ഒരാളെ ഭർത്താവായി കാണാൻ എനിക്ക് പറ്റില്ല.... വാശി പിടിക്കണ്ട കൃഷ്ണ.... നീയെന്റെ മകൾ ആണെങ്കിൽ ഞാൻ ഈ വിവാഹം നടത്തും.... അങ്ങനെ എങ്കിൽ മകൾ അല്ലെന്ന് കരുതിക്കോ അമ്മാ.... എനിക്ക് ഒരിക്കലും ദച്ചനെ ഭർത്താവായി കാണാൻ കഴിയില്ല... കൃഷ്ണ..... സുമിത്ര അലർച്ചയോടെ വിളിച്ചു. ദച്ചനെ ഈ ജന്മം ഞാൻ ഭർത്താവായി കാണില്ല....കണ്ണേട്ടൻ ആയിരിക്കും എന്റെ ഭർത്താവ്.... ദച്ചൻ എന്റെ അനിയൻ മാത്രം ആയിരിക്കും എന്നും.... ദച്ചന്റെ മുഖത്ത് നോക്കി ഉറപ്പിച് ആയിരുന്നു അത് പറഞ്ഞത്.... ദച്ചൻ മുഖം ഉയർത്തി അവളെ നോക്കി.... ആദ്യമായി ദേഷ്യവും വെറുപ്പും ഉള്ള ആ നോട്ടം കണ്ടതും അവന്റെ ഉള്ളം തീപൊള്ളൽ ഏറ്റ പോലെ പിടഞ്ഞു... വാക്കുകൾ പുറത്ത് വരാതെ തൊണ്ടയിൽ കുരുങ്ങി നിന്നു.... കണ്ണുകൾ നിറഞ്ഞു ഒഴുകി.... ഞാൻ.... അവൻ എന്തോ പറയാൻ പോയതും അവളുടെ ശബ്ദം ഉയർന്നിരുന്നു. അനിയൻ ആണ് ..... അവൾ ഒരിക്കൽ കൂടി പറഞ്ഞതും അവൻ നിലത്ത് മുട്ട് കുത്തിയിരുന്നു മുടിയിൽ പിടിച്ചു മുഖം പൊത്തിയിരുന്നു പോയിരുന്നു.... ഒരിക്കൽ കൂടി അവനെ നോക്കിയാൽ അവനെ ഓടിപ്പോയി കെട്ടിപ്പിടിക്കും എന്ന് അറിയുന്നൊണ്ട് തന്നെ അവൾ നോക്കിയില്ല നീയെന്റെ മകൾ ആയി എന്റെ കൂടെയുണ്ടെങ്കിൽ ഞാൻ ഈ വിവാഹം നടത്തിയിരിക്കും കൃഷ്ണ.... സാവിത്രിയിലും വാശി നിറഞ്ഞിരുന്നു. ലോകം കാണാത്ത.....ഭർത്താവ് എന്നൊരു ലോകത്തിൽ ജീവിക്കുന്ന ഒരു സാധാരണ അമ്മയുടെ മനോഭാവത്തോടെ പെരുമാറുന്ന അമ്മയെ വേദനയോടെ അവൾക്ക് നോക്കാൻ കഴിഞ്ഞുള്ളൂ... തിരുത്തുവാൻ ആവില്ല അമ്മയെ... അനുഭവത്തിൽ നിന്നും അറിഞ്ഞ അവൾക്ക് അത് ഉറപ്പായിരുന്നു... പക്ഷേ ദച്ചൻ.... അതോർത്തതും അവളിൽ ഉറച്ച തീരുമാനം ഉണ്ടായിരുന്നു.... ഞാൻ ഒരിക്കലും സമ്മതിക്കില്ല ഈ വിവാഹത്തിന്ന് .... അത് പറഞ്ഞു പുറത്തേക്ക് പോകാൻ നോക്കി അവൾ... ഇപ്പൊ നീയിവിടുന്ന് ഇറങ്ങിയ പിന്നെ ഇങ്ങനെ ഒരു മോള് ഇല്ലെന്ന് ഞാനും കരുതും... നിനക്ക് വാശി ആണെങ്കിൽ എനിക്കും വാശിയാണ്... പിറകിൽ നിന്നും അമ്മയുടെ ശബ്ദം ഉയർന്നു... ഞാൻ മരിച്ചു പോയെന്ന് കരുതിയ മതി എല്ലാവരും.... എന്നാലും ദച്ചനെ ഞാൻ വിവാഹം കഴിക്കില്ല....അവരെ നോക്കാതെ പറഞ്ഞു കൊണ്ട് അവൾ അവിടെ നിന്നും ഇറങ്ങി... പുറത്തു നിന്നും അവൾ അവരെ ഒന്ന് തിരിഞ്ഞു നോക്കിയതും അവളുടെ അമ്മ വാതിൽ വലിച്ചു അടച്ചു.... അവരെ ജീവിതത്തിൽ നിന്ന് കൂടിയാണ് ആ വാതിൽ അടച്ചത് എന്ന് അവൾക്ക് മനസ്സിലായി.... അന്ന് ഇറങ്ങിയതാണ് വീട്ടിൽ നിന്നും.... വീടില്ല....  വീട്ടുകാർ ഇല്ല.... ഭാര്യ ആണെങ്കിലും ഭർത്താവ് എന്നൊരാൾ ഇല്ല.... ഇനിയെങ്ങോട്ടാ എന്റെ ജീവിതം.... കണ്ണിൽ നിന്നും കണ്ണുനീർ ഒലിച്ചിറങ്ങി.... ഒരു സ്വാന്തനം പോലെ ഭൂമികയുടെ കൈ തോളിൽ പതിഞ്ഞതും അവൾ തളർച്ചയോടെ ഭൂമിയുടെ തോളിൽ ചാരിയിരുന്നു.                  ▪️▪️▪️▪️▪️▪️▪️ (മുഴുവൻ പാർട്ടും വായിക്കുവാൻ പ്രതിലിപിയിൽ ഫോളോ ചെയ്യു... പ്രൊഫൈൽ ഐഡി ഇഫാർ....) ഹർഷിത് ഗോവിന്ദ്..... എല്ലാവരുടെയും കണ്ണൻ... ഹീറോ ആയിരുന്നു ഇത് വരെ ഇന്ന് എ ബിഗ് സീറോ.... അതും ദച്ചന്റെ കറുത്തമ്മ കാരണം....  എല്ലാവർക്കും വലുത് അവളല്ലേ.... അവൾ എന്ന് എന്റെ ജീവിതത്തിലേക്ക് വന്നോ അന്ന് തുടങ്ങിതാ എന്റെ നാശവും.... ഒരു ദച്ചനും കറുത്തമ്മയും.... അവൻ പുച്ഛത്തോടെ പറഞ്ഞു കൊണ്ട് മദ്യത്തിന്റെ ഒരു ബോട്ടിൽ എടുത്തു വായിലേക്ക് കമിഴ്ത്തി. മതിയാക്ക് ഹർഷ.... വിഷ്ണു ദേഷ്യത്തോടെ പിടിച്ചു വാങ്ങി അത്.... എന്നെ തടയേണ്ട വിഷ്ണു.... എന്റെ ജീവിതം നശിച്ചു.... അവനും അവളും കൂടി നശിപ്പിച്ചു.... അവൻ വീണ്ടും പിടിച്ചു വാങ്ങി കുടിച്ചതും വിഷ്ണു ദേഷ്യത്തോടെ വാങ്ങി നിലത്തു എറിഞ്ഞു പൊട്ടിച്ചു... ഹർഷ ദേഷ്യത്തോടെ ചാടി എഴുന്നേറ്റു... നിന്നെ മാത്രം വിശ്വസിച്ചു കൂടെയിറങ്ങി വന്നൊരു പെണ്ണുണ്ട്... നിന്നെയും കാത്തിരിക്കുകയാരിക്കും അവൾ .... വിഷ്ണു ദേഷ്യത്തോടെ പറഞ്ഞതും അവൻ വാച് നോക്കി പിന്നെ വെപ്രാളത്തോടെ എഴുന്നേറ്റു പുറത്തേക്ക് ഓടിയിറങ്ങി.                                    .... തുടരും രണ്ടാംവിവാഹം➕പ്രണയം🔥_* 512140 പേർ ഏറെ ഇഷ്ടത്തോടെ വായിച്ച കഥ മുഴുവൻ പാർട്ടും പ്രതിലിപിയിൽ വായിക്കുവാൻ https://malayalam.pratilipi.com/series/vg4ufksmfe9c?language=malayalam&utm_source=android&utm_medium=content_share ☝ ☝ ☝ *ഇപ്പോൾത്തന്നെ വായിക്കാൻ ക്ലിക്ക് ചെയ്യൂ…* #📙 നോവൽ #💞 പ്രണയകഥകൾ #📔 കഥ