இன்று ஞாயிற்றுக்கிழமை பிரதோஷம் லிங்காஷ்டகம் – பெருமைகளும், ஸ்லோகங்களும், பொருள் விளக்கமும்! வாழ்க்கையில் ஏற்படும் எதிர்ப்புகளை முறியடிக்கவும், சுற்றத்தாரிடம் நல்லுறவை வளர்க்கவும், மன அமைதியைப்பெறவும் மகத்தான மந்திர வலிமை கொண்டது லிங்காஷ்டகம். சிவபூஜையின் போது இந்த ஸ்தோத்திரத்தைச் சொல்வது அளப்பரிய நற்பலன்களைத் தரும். 1. பிரம்மன், விஷ்ணு போற்றும் லிங்கம் ப்ரஹ்ம முராரி ஸுரார்ச்சித லிங்கம் நிர்மல பாஷித சோபித லிங்கம் ஜன்மஜ துக்க விநாசக லிங்கம் தத் ப்ரணமாமி ஸதாசிவ லிங்கம். பொருள்: நான்முகப் பிரம்மன், திருமால் மற்றும் தேவர்களால் பூஜிக்கப்பட்டதும்; குற்றமற்ற பேரொளியுடன் திகழ்வதும்; பிறப்பு-இறப்பு என்னும் சுழற்சியால் வரும் துன்பங்களை நீக்குவதுமான சதாசிவ லிங்கத்தை நான் வணங்குகிறேன். 2. காமனை எரித்த கருணா மூர்த்தி தேவ முனி ப்ரவார்ச்சித லிங்கம் காம தஹன கருணாகர லிங்கம் ராவண தர்ப்ப விநாசக லிங்கம் தத் ப்ரணமாமி ஸதாசிவ லிங்கம். பொருள்: தேவர்களாலும் ரிஷிகளாலும் அர்ச்சிக்கப்பட்டதும்; மலர்க்கணைகளை ஏவிய காமனை எரித்து, பின் அவன் மீது கருணை கொண்டு உயிர்ப்பித்ததும்; இராவணனின் ஆணவத்தை தன் கால் கட்டை விரலால் அடக்கியதுமான சதாசிவ லிங்கத்தை நான் வணங்குகிறேன். 3. ஞானம் அருளும் நறுமண லிங்கம் ஸர்வ ஸுகந்த ஸுலேபித லிங்கம் புத்தி விவர்த்தன காரண லிங்கம் ஸித்த ஸுராஸுர வந்தித லிங்கம் தத் ப்ரணமாமி ஸதாசிவ லிங்கம். பொருள்: நறுமணப் பொருட்களால் அலங்கரிக்கப்பட்டதும்; மெய்ஞ்ஞானத்தைப் பெறக் காரணமாக அமைவதும்; சித்தர்கள், தேவர்கள் மற்றும் அசுரர்களால் தொழப்படுவதுமான சதாசிவ லிங்கத்தை நான் வணங்குகிறேன். 4. மாமணிகள் ஒளிரும் லிங்கம் கனக மஹாமணி பூஷித லிங்கம் பணிபதி வேஷ்டித சோபித லிங்கம் தக்ஷ ஸுயஜ்ஞ விநாசன லிங்கம் தத் ப்ரணமாமி ஸதாசிவ லிங்கம். பொருள்: நவரத்தினங்களாலும் தங்கத்தாலும் அலங்கரிக்கப்பட்டதும்; நாகராஜனை மாலையாக அணிந்து ஒளிவீசுவதும்; அகந்தை கொண்ட தக்ஷனின் யாகத்தை அழித்ததுமான சதாசிவ லிங்கத்தை நான் வணங்குகிறேன். 5. பாவங்கள் தீர்க்கும் பரமன் குங்கும சந்தன லேபித லிங்கம் பங்கஜ ஹார ஸுசோபித லிங்கம் ஸஞ்சித பாப விநாசன லிங்கம் தத் ப்ரணமாமி ஸதாசிவ லிங்கம். பொருள்: குங்குமம் மற்றும் சந்தனத்தால் காப்பிடப்பட்டதும்; தாமரை மலர் மாலையால் அழகுபெறுவதும்; பல பிறவிகளாகச் சேர்த்த வினைகளையும் பாவங்களையும் போக்குவதுமான சதாசிவ லிங்கத்தை நான் வணங்குகிறேன். 6. கோடி சூரியப் பிரகாசன் தேவ கணார்ச்சித ஸேவித லிங்கம் பாவையர் பக்தி பிரேவச லிங்கம் தினகர கோடி ப்ரபாகர லிங்கம் தத் ப்ரணமாமி ஸதாசிவ லிங்கம். பொருள்: தேவ கணங்களால் சேவிக்கப்பட்டதும்; உண்மையான பக்தியை மனதிலே தோற்றுவிப்பதும்; கோடி சூரியர்களின் ஒளியை உள்ளடக்கியதுமான சதாசிவ லிங்கத்தை நான் வணங்குகிறேன். 7. வறுமை போக்கும் மலர் லிங்கம் அஷ்ட தளோபரி வேஷ்டித லிங்கம் ஸர்வ ஸமுத்பவ காரண லிங்கம் அஷ்ட தரித்ர விநாசித லிங்கம் தத் ப்ரணமாமி ஸதாசிவ லிங்கம். பொருள்: எட்டிதழ் தாமரையால் சூழப்பட்டதும்; அனைத்துச் செல்வங்கள் மற்றும் நன்மைகளுக்கும் மூலக் காரணமானதும்; எட்டு வகையான ஏழ்மையை வேரறுப்பதுமான சதாசிவ லிங்கத்தை நான் வணங்குகிறேன். 8. தேவ குரு வணங்கும் பரம்பொருள் ஸுரகுரு ஸுரவர பூஜித லிங்கம் ஸுரவன புஷ்ப ஸதாச்சித லிங்கம் பரமபர பரமாத்மக லிங்கம் தத் ப்ரணமாமி ஸதாசிவ லிங்கம். பொருள்: தேவ குருவாலும் தேவர்களாலும் பூஜிக்கப்பட்டதும்; கற்பகத் தருவின் மலர்களால் எப்போதும் அர்ச்சிக்கப்படுவதும்; எல்லாவற்றிற்கும் மேலான பரமாத்மாவாகத் திகழ்வதுமான சதாசிவ லிங்கத்தை நான் வணங்குகிறேன். பலன் லிங்காஷ்டக மிதம் புண்யம் யப் படேச் சிவ ஸந்நிதெள சிவலோக மவாப்நோதி சிவேந ஸஹ மோததே. பொருள்: மிகவும் புனிதமான இந்த லிங்காஷ்டகத்தைச் சிவ சன்னதியில் பாராயணம் செய்பவர்கள் சிவலோகப் பேற்றினை அடைவர்; சிவபெருமானின் அருகாமையில் என்றும் ஆனந்தமாக வாழும் பாக்கியத்தைப் பெறுவர். #🙏அம்மன் துணை🔱 #🌸 ஆடி மாத ஸ்டேட்டஸ்🙏 #🙇‍♀️பக்தி வீடியோஸ்🛐 #🤔 ஆன்மீக சிந்தனைகள் #🔍ஜோதிட உலகம் 🌍