Part 12 a അന്തമില്ലാത്ത വരികൾ - സഖിയുടെ സഖാവ് - ദേവ് പാർട്ടി ഓഫീസിനുള്ളിലേക്ക് കയറി വാതിൽ അടയ്ക്കുന്നത് കണ്ട ലക്ഷ്മി, മനസ്സില്ലാ മനസ്സോടെ തിരിഞ്ഞുനടന്നു. അവൾ നടക്കുകയായിരുന്നെങ്കിലും, മനസ്സ് മറ്റെവിടെയോ അലഞ്ഞുനടക്കുകയായിരുന്നു. ലക്ഷ്മി…” ആരോ വിളിച്ചു. പക്ഷേ ആ വിളി അവൾ കേട്ടില്ല. ലക്ഷ്മി!” ഇത്തവണ കുറച്ചുകൂടി ഉറക്കെ വിളി ഉയർന്നു. ഞെട്ടി തിരിഞ്ഞുനോക്കിയ ലക്ഷ്മി, സെമിനാർ ഹാളിന് മുന്നിൽ നിന്നിരുന്ന റഷീദ് സാറിനെ കണ്ടു. ഇങ്ങോട്ട് വാ…” സാർ കൈകൊണ്ട് അടുത്തേക്ക് വിളിച്ചു. ലക്ഷ്മി പതിയെ സാറിന്റെ അടുത്തേക്ക് നടന്നു. ഇന്ന് ഇവിടെ നമ്മുടെ ഡിപ്പാർട്മെന്റിന്റെ സെമിനാർ പേപ്പർ പ്രസന്റേഷൻ നടക്കുന്നുണ്ട്. നമ്മുടെ ഡിപ്പാർട്മെന്റിനെ പ്രതിനിധീകരിച്ച് താൻ അതിൽ പങ്കെടുക്കണം.” റഷീദ് സാറിന്റെ വാക്കുകൾ കേട്ടതും ലക്ഷ്മി ഒരു നിമിഷം സാറിന്റെ മുഖത്തേക്ക് നോക്കി. അവളുടെ മനസ്സിൽ എന്താണ് നടക്കുന്നതെന്ന് സാറിന് അറിയില്ലായിരുന്നു. അതുകൊണ്ട് തന്നെ, ഒരു ചെറുപുഞ്ചിരിയോടെ അദ്ദേഹം അവിടെ നിന്ന് മാറിനടന്നു മനസ്സില്ലാ മനസ്സോടെ ലക്ഷ്മി സെമിനാർ ഹാളിനുള്ളിലേക്ക് കയറി. അവിടെ ഒഴിഞ്ഞുകിടന്ന ഒരു സീറ്റിൽ അവൾ പതിയെ ഇരുന്നു. ദേവ് പാർട്ടി ഓഫീസിനുള്ളിലേക്ക് കയറി. ഫോം എടുക്കാനാണ് വന്നതെങ്കിലും, അവന്റെ ചുവടുകൾ ആദ്യം ചെന്നെത്തിയത് ആ പുസ്തകത്തിനരികിലായിരുന്നു. അന്തമില്ലാത്ത വരികൾ…” സ്വർണലിപിയിൽ എഴുതിയ ആ പേര് അവൻ മെല്ലെ വിരലുകളാൽ തലോടി. പതിയെ പുസ്തകം തുറക്കാനായി കൈ ഉയർത്തിയ നിമിഷം… ദേവേ…” പിന്നിൽ നിന്ന് ഒരു വിളി. ദേവ് തിരിഞ്ഞുനോക്കി. അതു അലിയായിരുന്നു. പ്രിൻസിപ്പൽ സെമിനാർ ഹാളിലേക്ക് വിളിക്കുന്നുണ്ട്. അവിടെ പേപ്പർ പ്രസന്റേഷൻ നടക്കുന്നുണ്ട്. അതുമായി ബന്ധപ്പെട്ട ഒരു കാര്യമുണ്ട്. ഇപ്പോൾ തന്നെ ചെല്ലാൻ പറഞ്ഞു.” ഒരു നിമിഷം ദേവ് പുസ്തകത്തിലേക്ക് നോക്കി. പിന്നെ മനസ്സില്ലാ മനസ്സോടെ അത് പാതി തുറന്ന നിലയിൽ തന്നെ മേശപ്പുറത്ത് വെച്ച് പുറത്തേക്ക് നടന്നു. ജനലിലൂടെ കടന്നുവന്ന ഇളംകാറ്റിൽ, ആ തുറന്ന താളുകൾ മെല്ലെ ഇളകിക്കൊണ്ടിരുന്നു… എന്തോ പറയാൻ കാത്തിരിക്കുന്നതുപോലെ ദേവ് പാർട്ടി ഓഫീസിന്റെ വാതിൽ അടച്ച് സെമിനാർ ഹാളിലേക്ക് നടന്നു. തുടരും part 12 b കാത്തിരിക്കൂ അക്കൗണ്ട് ഫോളോ ചെയു #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ