దక్షిణాయన ప్రారంభం : కాలచక్రంలో అత్యంత ప్రధాన విభాగాలు రెండున్నాయి. ఒకటి ఉత్తరాయణం, రెండోది దక్షిణాయనం. సూర్యుడు కర్కాటక రాశిలో ప్రవేశించినప్పటి నుండి మకర సంక్రాంతి వరకు గల ఆరు నెలల కాలాన్ని ‘దక్షిణాయనం’ అని వ్యవహరిస్తారు. ఈ దక్షిణాయనంలో అంతర్భాగమైన వర్ష, శరత్, హేమంత ఋతువులు ప్రకృతిలో చంద్రుని (సౌమ్య) శక్తిని, తేమను, రసాన్ని పెంపొందిస్తాయి. దీనిని ఆయుర్వేదంలో ‘విసర్గ కాలం’ అని కూడా అంటారు. అంటే ఈ కాలంలో ప్రకృతి జీవులకు బలాన్ని, పోషణను విడుదల చేస్తుంది. మానవులకు ఒక సంవత్సరం అంటే దేవతలకు ఒక పగలు - ఒక రాత్రి అవుతాయి. ఆ రకంగా చూసినప్పుడు సూర్యుడు భూమధ్యరేఖకు ఉత్తరంగా ప్రయాణించే ఉత్తరాయణం దేవతలకు పగలూ, దక్షిణ దిశగా ప్రయాణించే దక్షిణాయనం దేవతల రాత్రి కాలం. రాత్రి వేళ బాహ్య ప్రవృత్తులు తగ్గి, అంతర్ముఖ సాధన పెరిగినట్లే... దక్షిణాయనంలో బాహ్యమైన కామ్య యజ్ఞాల కంటే నిష్కామ ఉపాసనలకు విశేష ప్రాధాన్యత ఇచ్చారు. దేవతలు సుప్త (నిద్రించే) స్థితిలో ఉండే ఈ ఆరు నెలల కాలంలోనే వైదిక సాధకులు ‘చాతుర్మాస్య వ్రతాన్ని’ ఆచరిస్తారు. బాహ్య సంచారాన్ని నియంత్రించి, ఇంద్రియ నిగ్రహంతో అంతఃశుద్ధిని సాధించడానికి దక్షిణాయనం అత్యంత అనుకూలం. #దక్షిణాయనం ప్రారంభం #🌅శుభోదయం #🙏🏻భక్తి సమాచారం😲 #దేవుళ్ళ స్టేటస్ #దేవుళ్ళ స్టేటస్