Part 12 b അന്തമില്ലാത്ത വരികൾ - സഖിയുടെ സഖാവ് - ഹാളിനുള്ളിൽ ഇതിനോടകം വിദ്യാർത്ഥികൾ നിറഞ്ഞിരുന്നു. നേരെ പ്രിൻസിപ്പലിന്റെ അടുത്തേക്ക് ചെന്ന ദേവിനെ കണ്ട അദ്ദേഹം പറഞ്ഞു: ദേവേ… ഈ ലാപ്ടോപ്പും പ്രൊജക്ടറും ഒന്ന് കണക്ട് ചെയ്ത് തരൂ. പരിപാടി കഴിയുന്നതുവരെ ഇതിന്റെ കോ-ഓർഡിനേഷനും നീ നോക്കണം.” ശരി, സാർ.” ദേവ് ചെറുതായി തലയാട്ടി. അടുത്ത നിമിഷം തന്നെ അവൻ സ്റ്റേജിനരികിലേക്ക് നടന്ന് സാങ്കേതിക ക്രമീകരണങ്ങൾ ചെയ്യാൻ തുടങ്ങി. സ്ക്രീനിൽ സ്ലൈഡുകൾ മാറി. സമയം മുന്നോട്ടുപോയി. എന്നാൽ രണ്ട് ഹൃദയങ്ങളുടെയും ചിന്തകൾ മാത്രം ഒരിടത്ത് നിശ്ചലമായി നിന്നു. ഒരേ സെമിനാർ ഹാളിനുള്ളിൽ… രണ്ട് വ്യത്യസ്ത കോണുകളിൽ… പരസ്പരം അറിയാതെ ഇരുന്ന അവർ, ഒരേ പുസ്തകത്തിന്റെ അക്ഷരങ്ങളെയാണ് നെഞ്ചിലേറ്റിയിരുന്നത്. അൽപസമയത്തിനുശേഷം സെമിനാർ അവസാനിച്ചു. വിദ്യാർത്ഥികളും അധ്യാപകരും പതിയെ ഹാളിൽ നിന്ന് പുറത്തേക്കിറങ്ങാൻ തുടങ്ങി. അപ്പോഴാണ് റഷീദ് സാർ ലക്ഷ്മിയുടെ അടുത്തേക്ക് വന്നത്. ലക്ഷ്മി… ഒന്ന് എന്റെ കൂടെ വാ.” അത്രയും പറഞ്ഞ് അദ്ദേഹം മുന്നോട്ട് നടന്നു. ഒന്നും മനസ്സിലാകാതെ ലക്ഷ്മിയും അദ്ദേഹത്തെ പിന്തുടർന്നു. നേരെ അവർ ദേവ് നിന്നിരുന്ന സ്ഥലത്തേക്കാണ് നടന്നത്… റഷീദ് സാർ ദേവിന്റെ അടുത്തേക്ക് നടന്നു. ദേവേ… ഇത് ലക്ഷ്മി. ഞങ്ങളുടെ ഡിപ്പാർട്മെന്റിലെ ഫസ്റ്റ് ഇയർ വിദ്യാർത്ഥിനിയാണ്. വളരെ മിടുക്കിയാണ്.” അദ്ദേഹം ലക്ഷ്മിയെ നോക്കി പുഞ്ചിരിച്ചു. വരാനിരിക്കുന്ന എസ്.എഫ്.ഐ. വയനാട് പേപ്പർ പ്രസന്റേഷൻ പരിപാടിയിൽ ഇവളെയും കൂടെ കൂട്ടണം. ബാക്കിയുള്ള കാര്യങ്ങളെല്ലാം ദേവ് പറഞ്ഞുതരും.” അത്രയും പറഞ്ഞ് റഷീദ് സാർ മറ്റൊരു അധ്യാപകന്റെ അടുത്തേക്ക് നടന്നു. കുറച്ചുനേരം നിശ്ശബ്ദത. ദേവ് പരിപാടിയെക്കുറിച്ചും യാത്രയെക്കുറിച്ചും ആവശ്യമായ വിവരങ്ങൾ ലക്ഷ്മിക്ക് പറഞ്ഞുകൊടുത്തു. ലക്ഷ്മി എല്ലാം ശ്രദ്ധയോടെ കേൾക്കുന്നുണ്ടായിരുന്നെങ്കിലും, അവളുടെ മനസ്സ് മറ്റെവിടെയോ അലഞ്ഞുനടക്കുകയായിരുന്നു. സംസാരമവസാനിച്ചതോടെ അവൾ പതിയെ തിരിഞ്ഞുനടന്നു. അപ്പോഴാണ്… അവളുടെ കയ്യിലിരുന്ന പുസ്തകത്തിനിടയിൽ നിന്ന് ഒരു ചെറിയ കടലാസ് കഷണം താഴേക്ക് ഊർന്നുവീണത്…. തുടരും part12 c കാത്തിരിക്കൂ #💞 പ്രണയകഥകൾ #📙 നോവൽ #📔 കഥ #📝 ഞാൻ എഴുതിയ വരികൾ #തുടർകഥ